दुधीभोपळ्याचा डोसा

Read English Version

दर आठवड्यात आणतो त्यापेक्षा वेगळ्या भाज्या आणायच्या म्हणून आम्ही दुधी भोपळा आणला. भोपळा फारच मोठं होता त्यामुळे मी त्याचे वेगवेगळे पदार्थ करून बघितले.


साहित्य
१ वाटी दुधीभोपळा
१ वाटी तांदुळाचे पीठ
१/२ वाटी बेसन
१ चमचा जीरा
२ चमचे बडीशेप
१/२ चमचा मेथी
२-३ मिरच्या
१ वाटी दुध
१/२ वाटी पाणी
मीठ

कृती

• जीरा बडीशेप आणि मेथी एकत्र थोडेसे कुटून घेणे.
• त्यात तांदुळाचे पीठ, बेसन आणि किसलेला दुधीभोपळा घालणे.
• त्यात बारीक चिरलेल्या मिरच्या, मीठ, दुध आणि पाणी घालुन डोस्याचे पीठ भिजवणे.
• तवा गरम करून त्यावर हे मिश्रण ओतून पटकन तवा हलवून डोसा पसरवणे. दोन्ही बाजूनी कुरकुरीत भाजून खायला देणे.

टीप
हे डोसे थोडे जाड असल्यानी हे लोणच्याबरोबर चांगले लागतात.

अंड्याचे पॅटिस

Read English Version

मी एक दोन आठवायचा छोटीसी सुट्टी घेतलेली कारण मला स्वयंपाकाचा कंटाळा आलेला. पण पुण्याला जाऊन आल्यापासून पुन्हा काहीतरी बनवण्याची इच्छा झाली. मग मी हा नाश्त्याला पदार्थ बनवला. ह्या आधी एकदा अंड्याचे पॅटिस बनवलेले तेंव्हा ते खूप तेलकट झालेले आणि म्हणून आज मला करायच्या वेळी थोडी भीती वाटत होती पण हे पॅटिस एकदम चांगले झाले.


साहित्य
१/२ वाटी मैदा
१/२ वाटी गव्हाचे पीठ
२ अंडी
१ कांदा
१/२ चमचा तिखट
मीठ
तेल

कृती

• मैदा, गव्हाचे पीठ आणि मीठ एकत्र करून पीठ भिजवणे.
• अंडी, बारीक चिरलेला कांदा, तिखट आणि मीठ एकत्र फेटून घेणे.
• मळलेल्या पीठाचे गोळे बनवून फुलक्याच्या आकाराची चपाती लाटून घेणे.
• थोडा मैदा आणि पाणी एकत्र करून त्याचे मिश्रण चिकटवण्यासाठी मिश्रण बनवणे.
• प्रत्येक चपातीवर २ चमचे अंड्याचे मिश्रण घालणे आणि पटकन चारी बाजू बंद करणे.
• तेलावर हलक्या आचेवर भाजणे.

टीप
अजॉयनी तिखटच्याऎवजी हिरव्या मिरच्या घालायला सांगितले पण मी कालच खिचडीत खूप सारी मिरची वापरल्यानी मिरची वापरण्याचे तळले. पण माझ्यामते सुद्धा हिरव्या मिरच्या जास्त चांगल्या लागतील.
आधी मी हे पॅटिस तेलात पूर्णपणे तळलेले पण ते खूप जास्त तेलकट झालेले कारण अंड्याचे मिश्रण बाहेर येऊन खूप जास्त तेल शोषून घेता. त्यामुळे ह्यावेळी तव्यावर प्रयत्न केल्यावर पॅटिस चांगले झालेले. पण त्यामुळे पॅटिस जास्त कुरकुरीत नव्हते त्यामुळे नंतर एकदा मी तव्यावर १-२ मिनिट आतले मिश्रण शिजून घट्ट होईपर्यंत तव्यावर आणि मग कढईत तळण्याचा प्रयोग करून बघणार आहे.
तसाच एकदा मी आतल्या मिश्रणाच्याऎवजी त्यात उकडलेल्या अंड्याचा कीस, मीठ, मिरच्या आणि कोथिंबीर घालुन करून बघणार आहे.

पालक मेथी वडा

Read English Version

आई बाबा काल आल्यावर त्यांच्यासाठी काहीतरी नवीन बनवण्याची मला फार इच्छा होती.. आणि घरात खूप साऱ्या पालेभाज्या पण होत्या मग मी हा पदार्थ बनवला.


साहित्य
२ वाटी पालक
१ वाटी मेथी
१/२ वाटी कोथिंबीर
३ वाटी बेसन
३ चमचे तांदुळाचे पीठ
१ हिरवी मिरची
१ चमचा तिखट
१/२ चमचा जिरे पूड
१/२ चमचा धने पूड
मीठ
तेल

कृती

• सगळ्या पालेभाज्या बारीक चिरून घेणे.
• त्यात बारीक चिरून हिरवी मिरची, बेसन, तिखट, तांदुळाचे पीठ, जिरे पूड, धने पूड, मीठ घालुन एकत्र करणे.
• थोडे पाणी घालुन घट्ट पीठ भिजवावे
• कढईत तेल गरम करून त्यातले २ चमचे गरम तेल वड्याच्या मिश्रणात घालणे.
• छोटे छोटे वाडे बनवून ते गरम गरम तेलात मध्यम आचेवर तळून घेणे.

टीप
मीठ घालुन भाज्या थोड्यावेळ बाजूला ठेवावे म्हणजे त्याला सुटलेले पाणी पीठ भिजवायला वापरता येते आणि नंतर पीठ पातळ होण्याची शक्यता राहत नाही.
वडे गोलाकाराऎवजी थोडे पातळ करावे म्हणजे एकदम कुरकुरीत होतील.

कचोरी

Read English Version

बरेच दिवसांनी मी काहीतरी वेगळे बनवण्याचे ठरवले. माझ्याकडच्या पुस्तकात वाचून मी तयार केलं आणि बऱ्यापैकी चांगला झालेला.


साहित्य
१ वाटी मुग डाळ
२ वाटी मैदा
२ चमचा रवा
२ चमचे तिखट
१ चमचा आमचूर पूड
१ चमचा गरम मसाला
१ चमचा बडीशेप
१ चमचा म्हवरी
१ चमचा जिरे
मीठ
साखर
तेल

कृती

• मुग डाळ रात्रभर पाण्यात भिजवून ठेवणे.
• सकाळी मुग डाळ पाण्याविना मिक्सर मध्ये जाडसर वाटून घेणे.
• कढईत ४-५ चमचे तेल गरम करून त्यात म्हवरी आणि जीऱ्याची फोडणी करणे.
• त्यात मुग डाळ घालुन ताट ठेवून शिजवणे.
• मिश्रण सुकले की त्यात तिखट, मसाला, आमचूर पूड, बडीशेप, साखर आणि मीठ घालुन ढवळणे.
• मिश्रण पूर्णपणे सुकेपर्यंत शिजवणे.
• परातीत मैदा, रवा आणि मीठ एकत्र करून त्यात अर्धा वाटी गरम तेल घालणे.
• त्यात थोये पाणी घालुन मऊसर पीठ मळणे.
• लिंबाच्या आकाराचे गोळे करून त्याच्या वाट्या बनवणे
• त्यात चमचाभर डाळीचे मिश्रण घालुन वाटी बंद करणे. हलक्या हातानी दाबून कचोरीचा आकार देणे.
• तेलात मध्यम आचेवर तळून घेणे.

टीप
मुग डाळ मिश्रण बारीक वाटू नये व त्यात वाटणा पाणी नसावे म्हणजे कचोरी चांगल्या होतात.

पुदिना चटणी

Read English Version

तंदुरी चिकनबरोबर वाढली जाणारी पुदिन्याची चटणी मला फार आवडते. हा माझा प्रयोग आणि तो बऱ्यापैकी यशस्वी झाला.


साहित्य
१ वाटी पुदिना
२ चमचे कोथिंबीर
२ वाटी दही
मीठ

कृती

• पुदिना आणि कोथिंबीर एकत्र मिक्सरमध्ये वाटून घेणे
• वाटलेला पुदिना गाळून त्याचे पाणी घ्यावे.
• एका भांड्यात दही, मीठ आणि गाळलेले पाणी एकत्र करणे.

टीप
दही एकदम घट्ट वापरावे कारण पुदिन्याचे पाणी मिसळल्यावर चटणी पातळ होते.

टोमाटो कॉर्न ऑमलेट

Read English Version

हा पदार्थ करायला एकदम सोप्पा आणि चविष्ठ आहे. आई फक्त टोमाटो ऑमलेट करायची पाणी मी थोडासा बदलून हा कॉर्न वाला केलाय.


साहित्य
४ टोमाटो
१ वाटी कॉर्न
१ वाटी बेसन
१ चमचा तांदुळाचे पीठ
१/२ चमचा लसूण पेस्ट
४ हिरव्या मिरच्या
१ चमचा जिरे
मीठ
तेल

कृती

• बेसन, तांदुळाचे पीठ आणि मीठ एकत्र करणे.
• जीरा थोडासा कुटून घेणे व बेसनमध्ये एकत्र करणे.
• मिक्सरमध्ये टोमाटो, अर्धा वाटी कॉर्न, हिरव्या मिरच्या आणि लसुणाची पेस्ट घालुन एकत्र वाटणे.
• हे मिश्रण बेसनमध्ये घालुन चांगले ढवळून घेणे. लागल्यास थोडे पाणी घालावे.
• उरलेला कॉर्न घालुन मिश्रण ढवळून घेणे.
• तवा गरम करून त्यावर टोमाटो मिश्रण घालुन घावन काढावे.
• तव्यावर दोन्ही बाजूनी कुरकुरीत भाजून घेणे. चटणी किंवा सॉस बरोबर खायला देणे.

टीप
ह्यात १-२ चमचे कोथिंबीर बारीक चिरून घालता येईल पण मी कोथिंबीरच्या चटणी बरोबर डोसे खायला दिले त्यामुळे कोथिंबीर डोश्यात घातली नाही.

मटार पनीर

Read English Version

मला पनीर फार आवडते त्यापैकी हि माझी एक आवडती कृती.


साहित्य
२०० ग्राम पनीर
१ वाटी मटार
४ टोमाटो
२ कांदे
१/२ चमचा लसूण पेस्ट
१/४ चमचा आलं पेस्ट
१/२ चमचा हळद
१.५ चमचा तिखट
१.५ चमचा जिरे पूड
१ चमचा धने पूड
१/२ चमचा गरम मसाला
कोथिंबीर
मीठ
तेल

कृती

• कढईत पनीर मध्यम आचेवर तळून घेणे.
• कांदे पण गुलाबी होईपर्यंत भाजून बाजूला ठेवणे.
• मटार पाण्यात शिजवून बाजूला ठेवणे.
• मिक्सरमध्ये टोमाटो, आणि शिजवलेला कांदा घालुन वाटून घेणे.
• कढईत तेल घालुन त्यात वाटलेले मिश्रण घालणे.
• त्यात हळद, तिखट, जिरे पूड, धने पूड, गरम मसाला, आले आणि लसूण पेस्ट घालुन चांगले ढवळणे.
• मिश्रण ५-६ मिनिट शिजवणे आणि लागल्यास थोडे पाणी घालणे.
• त्यात पनीरचे तुकडे, मटार आणि मीठ घालुन पुन्हा २-३ मिनिट शिजवणे. चिरलेली कोथिंबीर घालुन खायला देणे.

टीप
पनीर मऊ करण्यासाठी, तळलेले पनीर गरम पाण्यात घालुन पनीर खाली जाऊ देणे आणि मग त्याचा वापर करणे.

चॉकोचीप ब्रावनी

Read English Version

२ दिवसांपूर्वी मी ऑफिसमध्ये ब्रावनी खाऊन आल्यावर आज त्यांना घरी बनवण्याचा निर्णय घेतला. थोड फार इंटरनेटवर शोधून विविध कृती एकत्र करून मी हे ब्रावनी बनवलेत.


साहित्य
८० ग्राम डार्क चॉकलेट बार
४० ग्राम दुधाचे चॉकलेट बार
१ वाटी लोणी
२ अंडी
१.५ वाटी मैदा
३ चमचे कोका पूड
१/२ वाटी पिठी साखर
१ चमचा बेकिंग पूड
मीठ

कृती

• एका भांड्यात पाणी उकळत ठेवणे. त्यावर दुसरे भांडे ठेवून त्यात लोणी, डार्क चॉकलेट आणि अर्धे दुधाचे चॉकलेट घालुन वितळवणे. थंड होण्यासाठी बाजूला ठेवणे.
• एका भांड्यात अंडी आणि साखर घालुन फेटून घेणे.
• त्यात आधी वितळवलेले चॉकलेट घालुन फेटणे.
• मैदा, बेकिंग पूड आणि कोका पूड एकत्र ८-१० वेळा चाळून घेणे.
• अंड्याच्या मिश्रणात १-२ चमचे एकावेळी असे करत मैद्याचे मिश्रण घालुन एकत्र करणे.
• उरलेले चॉकलेट चिरून बारीक बारीक तुकडे करणे व मिश्रणात घालणे.
• ओव्हन ३५०F/१८०C वर गरम करणे.
• केकच्या भांड्याला लोणी लावून त्यावर बटर पेपर घालणे. केकचे मिश्रण भांड्यात ओतून केक ओव्हन मध्ये ३५०F/१८०C वर ३०-३५ मिनिट भाजणे.
• खायला देताना ब्रावनी मायक्रोवेव्हमध्ये गरम करून आईस्क्रीम आणि चॉकलेट सॉस बरोबर देणे.

टीप
मैदा आणि कोको पूड चांगली एकजीव झाली पाहिजे त्यामुळे जितक्या जास्त वेळा चाळाल तेवढा चांगलं.
ब्रावनीमध्ये अक्रोडचे तुकडे घालुन अक्रोड ब्रावनी पण करता येईल

ब्रेड रोल

Read English Version

ब्रेड रोल हा एक सोपा आणि चविष्ठ नाश्ता प्रकार आहे. पियुष काल आमच्याकडे आलेला होता तेंव्हा मला हा एकदम बनवण्यासाठी योग्य पदार्थ वाटला.

साहित्य
२ बटाटे
६ ब्रेड स्लाईस
१ चमचा जीरा पूड
१ चमचा तिखट
१ चमचा धने पूड
२ चमचा आमचूर पूड
मीठ
तेल

कृती

• बटाटे कुकरमध्ये शिजवून घेणे.
• बटाटे कुस्करून त्यात जीरा पूड, तिखट, धने पूड, आमचूर पूड आणि मीठ घालुन मळून घेणे.
• ब्रेड स्लाईस घेऊन त्याच्या कडा कापून टाकणे.
• एका भांड्यात पाणी भरून त्यात एक एक स्लाईस घालुन लगेच बाहेर काढणे. लगेच हातावर दाबून पाणी काढून टाकणे.
• बटाट्याच्या मिश्रणाचा छोटा लांब गोळा करून ब्रेड स्लाईसवर ठेवून ब्रेड स्लाईसच्या कडा एकत्र करून सगळ्या बाजूनी बंद करणे.
• तेलात मध्यम आचेवर तळून टोमाटो केचपबरोबर खायला देणे.

टीप
बटाट्याच्याऎवजी दुसरे मिश्रण घालुन पण हे रोल बनवता येतील.

कोथिंबीर वडी

Read English Version

आज अजॉय परत आला आणि त्याच्यासाठी काहीतरी कोथिंबीरचा पदार्थ बनवण्याचा माझा प्लॅन होता. आईच्या पद्धतीची हि कोथिंबीर वडी मी नाश्त्यासाठी बनवलेली. स्टारटर म्हणूनसुद्धा एकदम चांगला पदार्थ ठरू शकतो.


साहित्य
२ वाटी कोथिंबीर
१/२ वाटी बेसन
१/४ वाटी तांदुळाचे पीठ
१ चमचा तिखट
तेल
मीठ

कृती

• कोथिंबीर धुवून बारीक चिरून घेणे.
• त्यात बेसन, तांदुळाचे पीठ, तिखट, मीठ आणि चमचाभर तेल घालुन एकत्र मळणे.
• जरुरीनुसार पाणी घालुन गोळा बनवणे व तेल लावलेल्या भाण्यात घालुन शिट्टी न लावता कुकरमध्ये १५-२० मिनिट शिजवणे.
• शिजलेला गोळा थंड झाल्यावर वाड्या कापून तेलावर भाजून घेणे

टीप
जर गोळा मळताना पाणी चुकून जास्त झाले टर त्यात थोडे बेसन घालुन ठीक करता येईल.
मिश्रणात मीठ सांबाळून घालणे कारण थोड्याश्या मीठानी पण लगेच खारटपणा येतो.

गाजर हलवा

Read English Version

एकदम सोपी आणि चविष्ठ अशी हि कृती माझी एकदम आवडती आहे. ह्यात खूप दुध आणि गाजर आहेत त्यामुळे तब्येतीसाठीसुद्धा एकम उत्तम. मी खूप सारे मायक्रोवेव्ह आणि गॅसवर असलेल्या पाककृती करून बघितले पण माझ्यामते हि सगळ्यात उत्तम कृती आहे.


साहित्य
५ वाटी किसलेले गाजर
४ वाटी दुध
१ वाटी साखर
५ चमचे सुकामेवा
४ चमचे तूप

कृती

• कढईमध्ये एक चमचा तूप गरम करून त्यात किसलेले गाजर घालुन २ मिनिट मंद आचेवर शिजवणे.
• त्यात एक वाटी दुध घालुन मध्यम आचेवर सारखे ढवळत शिजवणे.
• मिश्रण आटायला लागले की त्यात अजून एक वाटी दुध घालुन शिजवत ठेवणे. असे करत करत सगळे दुध घालुन गाजर पूर्णपणे शिजवणे.
• मिश्रण पूर्ण सुकले की त्यात साखर घालुन पुन्हा ढवळणे व सुकू देणे.
• उरलेले २ चमचे तूप सोडून पुन्हा ढवळून घेणे.
• एका तव्यावर १ चमचा तेल घालुन त्यात सुकामेवा भाजून घेणे व हलव्यावर घालुन ढवळणे.

टीप
हलवा पूर्ण शिजल्यावर तूप घालुन भाजल्यानी एकदम खमंग होतो.
हलव्यामध्ये दुधाचा मसाला घालता येईल.

सोल कढी

Read English Version

खूप प्रसिद्ध आणि चविष्ठ कोकणी पदार्थ... सगळ्यात चांगली गोष्ट म्हणजे कढी एकम पाचक आहे आणि पित्तावरती एकदम रामबाण उपाय आहे. अशीच पिता येईल किंव्हा भातावर घेऊन खाता येईल.


साहित्य
८ कोकम
१ नारळ
१-२ लसूण पाकळ्या
मीठ
कोथिंबीर

कृती

• कोकम १/४ वाटी पाण्यात भिजवून ठेवणे.
• खवलेला नारळ वाटताना त्यात लसूण घालुन वाटावे व दुध काढणे.
• नारळाचे दुध भिजवलेल्या कोकम पाण्यात घालणे.
• त्यात मीठ आणि कोथिंबीर घालुन वाढणे.

टीप
लसुणाची चव आवडत नसेल तर नारळाचे दुध काढताना त्यात लसूण नाही घातले तरी चालते पण लसुणाची एकदम चांगली चव येते.
गोव्यात एकदम चांगले कोकम मिळतात, त्यांना चांगला रंगपण असतो आणि आंबटपणा पण चांगला येतो.
आंबटपणानुसार सोले कमी जास्त करणे. माझ्याकडची सोले जरा जुनी असल्यानी त्यांना आंबटपणा आणि रंग दोन्ही कमी आहे. पण जर नवीन कोकम असतील तर १-२ कमी कोकम पण चालू शकतील.

भरलेला टोमाटो

Read English Version

जेंव्हा मी हे बनवायला घेतले तेंव्हा मला माहित नव्हत की कस बनेल. पनीर बरोबर काहीतरी नवीन करण्यासाठी म्हणून झालेली हि माझी पाककृती निर्मिती लहानपणी बघितलेल्या एका कुकरच्या झाहीरातीतीवरून प्रेरित आहे.


साहित्य
४ मध्यम आकाराचे टोमाटो
१ कांदा
१.५ वाटी किसलेले पनीर
मुठभरून कोथिंबीर
१ चमचा जीरा
१/४ चमचा मिरे
२ चमचे लोणी
मीठ चवीपुरते

कृती

• टोमाटोचे देठ काढून बाजूला ठेवणे. देठ नंतर वापरायचे आहेत त्यामुळे जपून ठेवणे.
• टोमाटोचा आतला गर काढून भांड्यात ठेवणे.
• कढई गरम करून त्यात लोणी घालणे. कांदे घालुन गुलाबी रंगावर भाजणे.
• टोमाटोचा गर घालुन सुकेपर्यंत शिजवणे.
• एका ताटलीत शिजलेला टोमाटो, किसलेले पनीर, बारीक चिरलेली कोथिंबीर, जिरे, मिरे आणि मीठ घालुन एकत्र करणे.
• पोकळ टोमाटोमध्ये हे मिश्रण भरून त्याचे देठ लावून बंद करणे.
• टोमाटोला तेल लावून बेक करणे किंवा कुकर मध्ये वाफवणे

टीप
कांद्याबरोबर मश्रूमपण घालता येतील, थोडी वेगळी चव.
बेक केलेले टोमाटो चांगले लागतात पण कुकर मध्ये केलेले जास्त छान रंग देतात आणि चविष्ठपण होतात.

बीट आणि गाजराचे कटलेट

Read English Version

घरात असलेले भरपूर गाजर आणि बीट संपवायचे होते आणि काहीतरी चमचमीत खाण्याची हुक्की आल्यानी मी हे कटलेट बनवले.


साहित्य
२ बीट
६ गाजर
२ ब्रेडचे तुकडे
१ कांदा
१ चमचा तिखट
१ चमचा गरम मसाला
१/२ चमचा जिरे पूड
१/२ चमचा धने पूड
१ चमचा आलं लसूण पेस्ट
ब्रेडक्रम्स किंवा बारीक रवा
तेल
मीठ

कृती

• गाजर आणि बीट किसून घेणे.
• कढईत तेल गरम करून त्यात बारीक चिरलेला कांदा घालणे.
• कांदा शिजल्यावर त्यात आलं लसूण पेस्ट, धने पूड, जिरे पूड, गरम मसाला, तिखट घालुन ढवळणे.
• त्यात किसलेले गाजर आणि बीट घालुन मिश्रण शिजवणे.
• त्यात मीठ व ब्रेडच्या तुकड्यांचा चुरा करून घालुन ढवळणे व थंड होण्यासाठी ठेवणे.
• मिश्रणाचे लांबट गोळे करून रवा किंवा ब्रेडक्रम्स मध्ये घोळवून तव्यावर थोडेसे तेल घालुन भाजणे.

टीप
कटलेटमध्ये बटाटे किंवा घेवडा पण घालता येईल

तळलेले मोदक

Read English Version

आज मी पुरण पोळी बनवण्याचे ठरवले पण पोळीच्या कडांना पुरण पोचले नाही. २-३ वेळा प्रयत्न केल्यावर शेवटी मी पुरण पोळीच्याऎवजी मोदक केले.


साहित्य
१ वाटी हरबरा डाळ
१/२ वाटी गुळ
४ चमचेभरून गव्हाचे पीठ
२ चमचाभरून मैदा
मीठ
तेल

कृती

• डाळ कुकरमध्ये शिजवून घेणे व त्यातले पाणी काढून टाकणे.
• एका कढईत शिजलेली डाळ आणि गुळ घालुन ५-६ मिनिट शिजवणे.
• गव्हाचे पीठ, मैदा आणि एक चमचा गरम तेल एकत्र करून पीठ भिजवणे. अर्धा तास बाजूला ठेवून देणे.
• पीठ्चे छोटे गोळे पुरीच्या आकाराचे लाटणे.
• प्रत्येक पुरीवर पुरण पसरवून निऱ्या काढून मोदक बंद करणे.
• तेलात मध्यम आचेवर मोदक तळून घेणे.

टीप
हे मोदक पुराणाचे असल्यानी ते २-३ दिवस चांगले राहतात.
मोदक जिथे बंद करतो ती बाजू पण चांगली भाजणे अथवा तिथे कच्चे राहण्याची संभावना जास्त आहे.

उकडीचे मोदक

Read English Version

गणेश चतुर्थी असल्यानी मी मागच्या आठवड्यात मोदक बनवण्याचे ठरवलेले पण पुण्याला सरप्राईज देण्यासाठी गेल्यानी ते राहून गेले. पण म्हणून मी आज वेळ मिळताच लगेच मोदक बनवायला घेतले.


साहित्य
१ वाटी किसलेला नारळ
३/४ वाटी गुळ
१.५ वाटी पाणी
१ वाटी तांदुळाचे पीठ
मीठ
तेल

कृती

• कढई गरम करून त्यात किसलेले खोबरे आणि गुळ घालणे.
• साधारण ५-७ मिनिटांनी गुळ विरघळून खोबर्याचे मिश्रण तयार होईल.
• एका भांड्यात पाणी उकळवून त्यात तेल आणि मीठ घालणे.
• त्यात तांदुळाचे पीठ घालुन चांगले ढवळून घेणे.
• मिश्रण आचेवरून काढून मळणे.
• लिंबाच्या आकाराचे गोळे बनवून ते पातळ लाटणे
• त्यावर चमचाभर मिश्रण घालुन निऱ्या काढून मोदक बंद करणे.
• भांड्यात पाणी उकळवणे व त्यावर दुसरे भांडे ठेवणे. भांड्यावर पंचा पसरवून त्यावर सगळे मोदक ठेवणे. मोदकांना पंच्यानी झाकून ७-१० मिनिट शिजवणे.

टीप
खोबर्याचा हा पदार्थ जास्त टिकत नाही त्यामुळं एक - दोन दिवसात संपवणे.

कॉलीफ्लॉवर पराठे

Read English Version

आज एकदम मस्त ताजा ताजा कॉलीफ्लॉवर मिळाला आणि मी हे पराठे बनवण्याचे ठरवले. एकदम मस्त झालेले.


साहित्य
६ चमचेभरून गव्हाचे पीठ
१ कॉलीफ्लॉवर
१ कांदा
१ चमचा जिरे
१ चमचा तिखट
१/४ चमचा हळद
१ चमचा आमचूर पूड
तेल/तूप
मीठ

कृती

• चपातीला भिजवतात तसे गव्हाचे पीठ भिजवून घेणे.
• फ्लॉवर आणि कांदा किसून घेणे.
• त्यात मीठ घालुन १० - १५ मिनिट पाणी सुटण्यासाठी ठेवून देणे.
• त्यातून पाणी काढून टाकून त्यात जीरा, तिखट, हळद आणि आमचूर पूड घालुन मिश्रण बनवणे.
• गव्हाच्या पीठाचे गोळे बनवून वाटी बनवणे व त्यात आधी बनवलेले मिश्रण घालुन बंद करणे.
• पराठा अलगद लाटून घेणे व मध्यम आचेवर तव्यावर तेल किंवा तूप घालुन भाजून घेणे.

टीप
फ्लॉवर ताजा नसेल तर कढईत मिश्रण घालुन फ्लॉवर शिजेपर्यंत ढवळत मध्यम आचेवर ठेवणे.
मिश्रणात उकडलेला बाटतात कुस्करून घातला तर आलू गोबी पराठा पण बनवता येईल
मी परतः भाजताना एक बाजू तेलानी आणि एक बाजू तूप लावून भाजते.

शेंगदाणा लाडू

Read English Version

लाडूमध्ये मला फार कमी प्रकार आहेत जे आवडतात पण हा सगळ्यात जास्त आवडीचा लाडू. आईला विचारून मी हा लाडू बनवला आणि सगळ्यात सोपा हा लाडू इथे देत आहे.


साहित्य
३ वाटी शेंगदाणा
१/२ वाटी गुळ

कृती

• कढईत शेंगदाणे भाजून घेणे.
• शेंगदाण्याची साल काढून मिक्सर मध्ये बारीक पूड करणे.
• त्यात चिरलेला गुळ घालुन पुन्हा वाटणे.
• लिंबाच्या आकाराचे लाडू वळणे.

टीप
शेंगण्याची साल काढण्याचा मला फार कंटाळा येतो त्यामुळे मी सालासकटच शेंगदाणे वाटते, चव फार काही बदलत नाही

नटी राईस

Read English Version

एका वाढदिवसाला ताज बंगलारूमध्ये मी नटी राईस खालेला. एकदम चविष्ठ. अजॉय आणि मला दोघानाही खूप लगेच आवडला. खातानाच मी घरी कसा बनवायचा विचार करायला चालू केलेला आणि पहिल्या प्रयत्नातच तो एकदम तसाच्या तसा बनलेला. एकदम सोपा आणि सुंदर पदार्थ.


साहित्य
२ वाटी भात
४ चमचे शिजवलेले कॉर्नचे दाणे
२ चमचे शेंगदाणे
२ चमचे काजू
४ हिरव्या मिरच्या
१ चमचा मनुका
१/२ चमचा जीरा
२ चमचे तूप
मीठ

कृती

• कढईत तूप गरम करून त्यात जिरे फोडणी करणे.
• त्यात काजू, शेंगदाणे आणि मनुके घालणे.
• जेंव्हा काजू गुलाबी झाले की त्यात हिरव्या मिरच्या घालणे.
• तयार भात, कॉर्नचे दाणे आणि मीठ घालुन ढवळणे.
• ३-५ मिनिट वाफ काढून वाढणे.

टीप
फोडणीत ४-५ कडीपत्याची पानं घालता येतील
बासमती किंव्हा कुठलाही मोठ्या दाण्याचा भात वापरला तर भात खूप सुंदर होतो.

व्हेज स्प्रिंग रोल

Read English Version

हि पाककृती मी मला लग्नात मिळालेल्या एका पुस्तकातून घेतली आहे. पुस्तकाच नाव आहे 'हमाखास पाकसिद्धी'


साहित्य
५ चमचाभरून मैदा
१ अंडे
३ गाजर
१ कोबी
२ कांदे
१ चमचा सोया सॉस
१/२ चमचा मिरे पूड
मीठ
तेल

कृती

• मैदा, अंडे, मीठ आणि पाणी एकत्र करून पातळ भिजवणे.
• नॉनस्टिक तव्यावर पातळ डोसे बनवणे.
• हे सगळे डोसे एकावर एक कॉर्न फ्लॉवर पसरवून ठेवणे.
• गाजर, कांदा आणि कोबी बारीक चिरणे.
• कढईत तेल गरम करून त्यात चिरलेले गाजर, कोबी आणि कांदा घालुन सारखे परतत अर्धवट शिजवणे.
• त्यात सोया सॉस, मिरे पूड आणि मीठ घालुन एकत्र करून ढवळणे.
• अर्धा चमचा मैदा आणि थोडे पाणी एकत्र करून रोल बंद करण्यासाठी पेस्ट बनवणे.
• प्रत्येक डोश्यावर आधी बनवलेली भाजी घालुन रोल करणे व मैद्याच्या पेस्टनी बंद करणे.
• कढईत तेल घालुन रोल भाजणे.

टीप
डोसे एकदम पातळ बनवले पाहिजेत म्हणजे रोल एकदम कुरकुरीत होतील
छोटे छोटे डोसे बनवले तर स्प्रिंग रोल कापावे नाही लागणार व मिश्रण बाहेर येण्याचा संभाव नाही येणार.

हरभरा कबाब

Read English Version

हॉटेलमध्ये मला हा सगळ्यात आवडणारा पदार्थ. नेहमी वाटायचं की कबाब बनवण्यासाठी काहीतरी खास मशीन लागेल पण अजॉयला पालक खायचा म्हणून मी तव्यावर हे करून बघितले. एकदम छान झालेले.


साहित्य
३ बटाटे
२ वाटी मटार
२ पालक गड्डी
१ वाटी कोथिंबीर
१/२ गड्डी पुदिना
१ कांदा
४ हिरव्या मिरच्या
३ लिंबू
२ चमचा कॉर्न फ्लॉवर
२ ब्रेडचे तुकडे
३ चमचा लोणी
काजू
मीठ
तेल

कृती

• २-३ वाटी पाणी उकळवणे व त्यात पालकाची पाने घालुन थोडा वेळ उकळवून पाणी काढून टाकणे.
• कांदा मिक्सरमध्ये वाटून घेणे.
• कढईत लोणी घालुन गरम करणे.
• त्यात कांद्याची पेस्ट घालुन गुलाबी होईपर्यंत शिजवणे.
• पालक मिक्सर मध्ये वाटून घेणे व कांद्यात घालणे व पाणी आटेपर्यंत शिजवणे व थंड करण्यासाठी ठेवून देणे.
• बटाटे व मटार उकडून घेणे.
• कोथिंबीर, पुदिना आणि हिरव्या मिरच्या वाटून घेणे व थंड केलेल्या पालक - कांदा पेस्ट मध्ये पेस्ट घालणे.
• बटाटे किसून त्यात घालणे.
• मटार थोडेसे ठेचून त्यात घालणे.
• लिंबू, कॉर्न फ्लॉवर, ब्रेडचे तुकडे आणि मीठ घालणे व चांगले मळणे.
• लिंबाच्या आकाराचे गोळे करून थोडेसे दाबून त्यावर काजू लावणे.
• तव्यावर थोडेसे तेल घालुन कबाब भाजणे व पुदिन्याच्या चटणीबरोबर खायला देणे.

टीप
भाजलेल्या कबाबवर थोडासा चाट मसाला शिंपडलं तर आणखीन सुंदर चव येते.

साबुदाणा थालीपीठ

Read English Version

हा अजून एक साबुदाण्याचा पदार्थ जो सगळ्यांना फार आवडतो. बरीच मुल ह्यासाठी उपवास पण करून टाकतात. (त्यात मी पण आहे :) )


साहित्य
१ वाटी साबुदाणा
१/२ वाटी शेंगदाणा कुट
३-४ हिरवी मिरची
१/२ चमचा जीरा
४ चमचे कोथिंबीर
२ मध्यम आकाराचे बटाटे
१/२ चमचा साखर
मीठ
तेल/तूप/लोणी

कृती

• साबुदाण्यात १/४ वाटी पाणी घालुन कमीत कमी २-३ तास भिजवणे.
• बटाटा उकडून व किसून घेणे.
• जीरा, मीठ, साखर, शेंगदाणा कुट, बारीक चिरलेल्या मिरच्या आणि कोथिंबीर साबुदाण्यात घालुन एकत्र करणे
• त्यात किसलेला बटाटा घालुन पीठ मळणे
• पिठाचा मोठा गोळा घेऊन तव्यावर थालीपीठ थापणे.
  (ज्यांना थालीपीठ कसे थापायचे माहित नाही त्यांच्या करता - तव्यावर मध्ये तेल/तूप/लोणी घालणे. त्यावर गोळा ठेवून त्याला तळहातानी थापत पसरवणे.)
• मध्यम आचेवर थालीपिठावर झाकणी ठेवून खालची बाजू पूर्ण शिजेपर्यंत भाजणे.
• थालीपीठ परतून झाकणी न ठेवता हि बाजुपण शिजेपर्यंत भाजणे.
• थालीपीठाचे ४ तुकडे करून दह्याच्या चटणीबरोबर खायला देणे.

टीप
हिरव्या मिरचीऎवजी तिखटपण वापरता येईल. चव थोडीशी वेगळी होईल.
आधी साबुदाण्याच्या वड्याच्या पाककृतीत सांगितल्याप्रमाणे साबुदाणा भिजवण्यासाठी पाण्याचे प्रमाण महत्वाचे आहे.
मी ह्यात कोथिंबीरच्याऎवजी अर्धा चमचा धने पूड पण वापरलेली कारण माझ्याकडे कोथिंबीर शिल्लक नव्हती पण कोथिबीरमुळे थालीपीठ एकदम सुंदर दिसते व जास्त चविष्ठ होते.

वांग्याचे काप

Read English Version

आज काल हैदराबादमध्ये मोठी वांगी मिळणे फार मुश्कील झाले आहे. मी जेंव्हा मी पुण्याला गेलेले तेंव्हा तिथून दोन घेऊन आले. मी बंगाली पद्धतीची काप आधीच इथे दिली आहेत आता सरस्वत पद्धतीची हि पाककृती देत आहे. ह्यामध्ये फरक असा आहे की बंगाली काप एकदम मऊ असते पण हे काप बाहेरून कुरकुरीत आणि आतमध्ये मऊ असते. सगळ्या कापांमध्ये मला वांग्याची काप सगळ्यात जास्त आवडतात.


साहित्य
१ मोठे वांग
तिखट
हळद
मीठ
रवा
तेल

कृती

• वांग्याचे मध्यम आकाराचे चकती करणे.
• कापांना मीठ लावून ५-१० मिनिट बाजूला ठेवणे.
• त्याला हळद आणि तिखट लावणे.
• तव्यावर तेल घालुन गरम करणे.
• एका ताटलीत रवा घेणे. प्रत्येक काप रव्यात घोळवणे.
• तव्यावर काप कमी आचेवर गुलाबी रंगावर भाजून घेणे.

टीप
नेहमी काप एकदम मंद आचेवर भाजावी म्हणजे वांगी चांगली शिजतील आणि बाहेरून कुरकुरीत होईल
बारीक रवा वापरल्यास जास्त चांगला लागतात.
अश्या पद्धतीनी बटाटा, कच्ची केळी यांचीपण काप बनवता येतील

खजुराचा केक

Read English Version

जेंव्हा पासून मायक्रोवेव्ह घरी आणलाय तेंव्हा पासून मी केक बेक करण्याचा प्रयत्न करतीये. बऱ्याच वेळा केकच्याऎवजी कडक कुकीज झाल्या आणि बिचार्या अजॉयला खावे लागले. आज आई बाबा इथे येणार असल्यानी त्यांच्यावर प्रयोग करण्याचे ठरवले. :) ह्यावेळी केक एकदम चांगला झाला


साहित्य
१ वाटी मैदा
३/४ वाटी दुध
१/२ वाटी साखर
१/२ वाटी तेल
२० खजूर बिया काढून
१ चमचा बेकिंग पूड
सुकामेवा

कृती

• दुध, खजूर आणि साखर मिक्सरमध्ये वाटून पेस्ट बनवणे.
• ह्या पेस्टमध्ये तेल घालुन ढवळणे.
• मैदा आणि बेकिंद पूड २-३ वेळा चाळून घेणे.
• आधी बनवलेल्या पेस्टमध्ये मैद्याचे मिश्रण एकावेळी अंदाजे डावभर घालुन एकत्र करणे.
• केकच्या भांड्याला खाली तेल लावून त्यावर बटर पेपर घालणे.
• केकचे मिश्रण भांड्यात ओतून त्यावर सुकामेवा घालणे
• मायक्रोवेव्ह २००C वर गरम करणे
• केक खालच्या बाजूला ठेवून कन्व्हेक्शन मोड मध्ये २००C, १८०W वर २० मिनिट भाजणे

टीप
मैदा व बेकिंद पूड एकत्र करून चालणे फार महत्वाचे आहे अथवा केक खूप टणक होईल
खजूर व दुध एकत्र करून रात्रभर ठेवल्यास ते वाटण्यास सोपे जाते
माझ्याकडे Samsung 108STF हा मायक्रोवेव्ह आहे. केक भाजण्याचे तापमान, वेळ सगळे मायक्रोवेव्हवर अवलंबून असते त्यामुळे निराश न होता थोडे प्रयोग करावेत.

गोबी मन्चुरिअन

Read English Version

हि एकदम छान चायनीज पाककृती. आज मी बनवली आणि मस्त झालेली. घरी असलेल्या भाज्या वापरून केलेला हा पदार्थ एकदम चविष्ठ झालेला.


साहित्य
१ मध्यम आकाराचा फ्लॉवर
५ चमचे कॉर्न फ्लॉवर
४ चमचे मैदा
२ चमचे तिखट
३ चमचे आलं लसूण पेस्ट
३ चमचे टोमेटो केचप
१ श्रावणी घेवडा
२ बारीक चिरलेल्या मिरच्या
२ चमचे हॉट आणि स्वीट टोमेटो केचप
मीठ चवीपुरते
तेल

कृती

• फ्लॉवर कापून त्याचे खाण्याइतक्या आकाराचे तुकडे करणे.
• ४ चमचे कॉर्न फ्लॉवर, मैदा, तिखट, २ चमचे आलं लसूण पेस्ट आणि मीठ पाणी घालुन जाडसर भिजवणे.
• तेल कढईत घालुन गरम करणे.
• फ्लॉवरचे तुकडे भिजवलेल्या पिठात घोळवून मध्यम आचेवर तेलात गुलाबी रंगावर भाजून घेणे.
• उरलेले तेल एकदम छोट्या आचेवर ठेवून त्यात आलं लसूण पेस्ट घालणे.
• त्यात कापलेला कांदा, मिरच्या घालुन भाजणे.
• कांदा गुलाबी होऊ लागल्यावर दोन्ही सॉस घालुन ढवळणे.
• उरलेले कॉर्न फ्लॉवर अर्धा वाटी पाण्यात घालुन ढवळून मचुरिअन मध्ये घालणे.
• वरून श्रावणी घेवडा आणि हिरव्या मिरच्या घालणे.

टीप
ह्यात थोडा सोया सॉस घालता येईल पण माझ्याकडे तो नसल्यानी मी नाही घातला.
जर ग्रेव्ही सारखे बनवायचे असेल तर अजून थोडे कॉर्न फ्लॉवर पाण्यात घालुन ते सॉस घालताना घालावे.

साबुदाणा खिचडी

Read English Version

साबुदाणा खिचडी हा एक चविष्ठ मराठी पदार्थ. मी खूप वेळा बनवते, नाश्ता जेवण कुठल्याही वेळी एकदम उत्तम.


साहित्य
१ वाटी साबुदाणा
१ वाटी शेंगाना कुट
१ चमचा साखर
३-४ हिरव्या मिरच्या
३-४ चमचे कोथिंबीर
१ चमचा जीरा
५ चमचे किसलेले खोबरे (इच्छेप्रमाणे)
मीठ चवीनुसार
तूप

कृती

• साबुदाणा साधारण ३-४ तास १/४ वाटी पाणी घालुन भिजवणे.
• भिजवलेल्या साबुदाण्यात शेंगदाणा कुट, साखर, मीठ, बारीक चिरलेली मिरची आणि कोथिंबीर घालणे.
• कढईत तूप गरम करणे.
• त्यात जीरा घालुन फोडणी करणे व त्यात साबुदाण्याचे मिश्रण घालणे.
• कढईवर झाकणी ठेवून हलक्या आचेवर शिजवणे. मधून मधून ढवळत राहणे.
• साधारण ५ मिनिटांनी खिचडी तयार होईल, त्यावर खोबरे घालुन वाढणे.

टीप
खिचडी नेहमी हलक्या आचेवर शिजवणे म्हणजे कडक नाही होणार.
खिचडी नेहमी जाड कढईत करणे, जर नसेल तर कढई तव्यावर ठेवूनपण शिजवू शकते.
आधीच्या साबुदाणा वडा पाककृतीमध्ये लिहिल्याप्रमाणे साबुदाण्यात पाण्याचे प्रमाण महत्वाचे आहे.

काकडीचा रायता

Read English Version

हि पाक्कृतीसुधा बंगलारूच्या ट्रीट नावाच्या ८० फीट रोडवरच्या हॉटेलमधल्या रायात्यावरून प्रभावित होऊन केलेली आहे. हा रायता कोणत्याही पदार्थाबरोबर खाऊ शकतो आणि इतका सोपा आणि चविष्ठ आहे की मी कधी कधी स्वीट डीशसारख जेवणानंतर पण खाते.


साहित्य
१ वाटी घट्ट दही
१ काकडी
१/२ चमचा जिरे पूड
मीठ चवीनुसार

कृती

• काकडी किसून घेणे.
• त्यात मीठ व जिरे पूड घालणे.
• दही घालुन चांगले ढवळणे.

टीप
मी नेहमी घट्ट दही वापरते कारण मग काकडीला सुटलेले पाणी टाकून द्यावे नाही लागत. जर दही घट्ट नसेल तर काकडीला मीठ वळून त्याला सुटलेले पाणी काढून टाकणे.

पुलाव

Read English Version

मी जेंव्हा बंगलारूमध्ये होते तेंव्हा मी माझे प्रयोग रेडी मेड मसाल्यापासून सुरु केलेले. आता मी साधारणतः स्वतःचेह मसाले वापरते पण ही एक अशी पाककृती आहे ज्यात मला अजूनही MTRचा पुलाव मसाला वापरायला आवडतो. अर्थातच त्यांनी दिलेल्या कृती ऎवजी मी स्वताची एक कृती बनवली आहे. ती इथे देत आहे.


साहित्य
६ वाटी भात
१ कांदा
२ चमचे MTR पुलाव मसाला
१ चमचा आले लसूण पेस्ट
१/४ वाटी उकडलेले मटार
४-५ चमचे शेंगदाणे
४-५ काजू
४ चमचे तूप
मीठ चवीपुरते

कृती

• ३ चमचे तूप कढईत गरम करणे.
• त्यात बारीक चिरलेला कांदा आणि शेंगदाणे घालुन भाजणे.
• शेंगदाणे अर्धवट शिजल्यावर त्यात काजू आणि आले लसूण पेस्ट घालणे.
• काजू गुलाबी झाल्यावर त्यात पुलाव मसाला घालुन १ मिनिट शिजवणे.
• भात आणि मटार घालुन चांगले ढवळणे.
• उरलेले एक चमच तूप सोडून झाकण लावून २ मिनिट वाफ काढणे.
• मीठ घालुन पुलाव ढवळणे व अजून २-३ मीन शिजवणे.

टीप
काजू शेंग्दाण्यानंतर घालणे म्हणजे ते करपणार नाहीत
बासमती तांदुळाचा भात वापरला तर सुंदर वास येतो व पुलाव अजूनही चविष्ठ लागतो.

मटारची भाजी आणि सामोसा

Read English Version

आई बऱ्याच वेळा सामोसा बनवायची. तो माझा सगळ्यात आवडीच्या पदार्थांपैकी एक होता, असेल आणि आहे :) प्रत्येक वेळा ते बनवताना माझी मदत आणि अर्थातच कमिशनपण वाढत गेल :D आता मां बाबा इथे आल्यावर मी सामोसा बनवून त्यांना इम्प्रेस करायचा ठरवलं :) [सामोसा बनवणे हे पहिल्यांदा खूप किचकट आणि कष्टच काम वाटत पण २-३ वेळा केल्यावर पाहुण्यांना देण्यासाठी एकदम सोपा आणि रुचकर पदार्थ आहे]

मटारची भाजी


साहित्य
३ वाटी मटार
१ बटाटा
१ चमचा मौव्हरी
१ कांदा
१/२ चमचा लसूण पेस्ट
१/२ चमचा आलं पेस्ट
३-४ हिरव्या मिरच्या
१ चमचा जीरा पूड
१ चमचा धने पूड
मीठ
तेल

कृती

• कढईत तेल गरम करून त्यात माव्हारीची फोडणी करणे
• त्यात बारीक चिरलेला कांदा, लसूण पेस्ट, आलं पेस्ट आणि हिरव्या मिरच्या (बारीक चिरून) घालणे
• कांदा गुलाबी रंगाचा झाला की त्यात जीरा पूड आणि धने पूड घालणे.
• त्यात बटाट्याचे तुकडे, मटार आणि पाणी घालुन बटाटे पूर्णपणे शिजवणे.
• चवीपुरते मीठ घालुन भाजी सुकवणे.

टीप
भाजी फक्त भाजीम्हणून वापरायची असेल तर थोडी पातळ ठेवायला हरकत नाही पण सामोस्यासाठी वापरायची असेल तर सुकीच पाहिजे
भाजीमध्ये थोडा शेंगदाण्याचा कुट पण घालता येईल

सामोसा


साहित्य
५ चमचा भरून मैदा
२ वाटी मटारची भाजी
तेल

कृती

• ४ चमचे मैदा थोडा तेल आणि थंड पाणी वापरून भिजवणे
• बाकीचा मैदा थोड्या पाण्यात भिजवून पेस्ट बनवणे.
• भिजलेल्या पीठाचे छोटे गोळे घेऊन पातळ लाटणे
• लाटलेली चपाती तेल न लावता तव्यावर मंद आचेवर अर्धवट भाजणे
• आता त्या चपातीला अर्धे करणे
• प्रत्येक अर्धी चपाती घेऊन त्याचा कोन करणे
• मैद्याची पेस्ट लाऊन कोन नीट चिकटवणे
• त्यात थोडी मटारची भाजी भरून कडा नीट बंद करणे.
• तेलात मध्यम आचेवर गुलाबी रंग येईपर्यंत भाजणे

टीप
चपाती दुमडून कोन बनवताना, तो असा बनला पाहिजे की तो दाबला तर तो त्या चपातीचा १/३ अंश असला पाहिजे
तसेच सोमासा भजी भरून बंद करताना असा बंद करायचा की दुमडलेल्या कडा उजवी आणि डावीकडे असतील

कॉर्न पॅटिस

Read English Version

हि माझ्या आईची पाककृती.. एकदम छान होते आणि करायलापण एकदम सोपी. आई कशी करायची ते मला आता आठवत नाही. तिला ते बनवताना बघून बरेच दिवस झाले, त्यामुळे आता फक्त वर वरूनच लक्षात आहे ती जे काही करायची. त्यामुळे आई करते तशी नसली तरी आज एकदम मस्त झाल्यामुळे मी इथे पोस्ट करतीये.


साहित्य
२ बटाटे
१ वाटी कॉर्न
१ चमचा जीरा पूड
१ चमचा तिखट
१/२ चमचा धने पूड
१/२ चमचा लसूण पेस्ट
१-२ चमचे कॉर्न फ्लौर
मीठ
रवा
तेल

कृती

• बटाटे व कॉर्न कुकरमध्ये उकडून घ्यावेत.
• बटाटे कुस्करून त्यामध्ये तिखट, जीरा पूड, धने पूड, लसूण पेस्ट आणि मीठ घालुन चांगले मळावे.
• त्यामाच्ये उकडलेले कॉर्न घालुन अलगद एकत्र करणे
• कॉर्न फ्लौर घालुन मिश्रण चांगले घट्ट करावे.
• लिंबूच्या आकाराचे गोळे बनवून त्यांना चपटे करावे.
• तवा गरम करून त्यावर थोडे तेल घालावे
• बनवलेले पॅटिस रव्यामध्ये घोळवून तव्यावर टाकावेत.
• दोन्हीबाजूनी गुलाबी रंग येईपर्यंत मध्यम आचेवर भाजावेत

टीप
कॉर्न फ्लौरमुळे पॅटिसाचे मिश्रण दाट होते, तसे नसल्यास ते भाजताना तेलात विरघळू शकतात. साधारण १-२ चमचे कॉर्न फ्लौर पुरे पडते पण जर मिश्रण तरीसुद्धा पातळ वाटल तर अजून थोडा कॉर्न फ्लौर घालण्यासाठी संकोच करू नये
कॉर्नच्या ऎवजी मटार घालुन मटार पॅटिस पण असेच बनवता येतील

कॉर्न आणि कैरी चाट

Read English Version

ही पाककृती मी स्वतः बनवली आहे. :) कैरीला तिखट मीठ लावून हा माझा आवडता पदार्थ. तसाच कॉर्नवरती तिखट, मीठ आणि लिंबू हा पण. त्यामुळे ह्या दोन्ही पदार्थांची प्रेरणा घेऊन मी ही पाककृती बनवली. चविष्ठ.


साहित्य
३-४ वाटी ताजे किंव्हा फ्रोझन कॉर्न
१ कैरी
१ चमचा लोणी
तिखट चवीनुसार
मीठ
२ चमचे कोथिंबीरीची पानं (इच्छेनुसार)

कृती

• कॉर्न कुकरमध्ये उकडून घ्यावेत
• कैरी किसावी
• कढईत लोणी विरघळावे
• त्यात उकडलेले कॉर्न, कैरी, तिखट, मीठ घालुन हलक्या हातानी ढवळणे
• थोडे कोमट होईपर्यंत आचेवर ठेवावे.
• कोथिंबीरीची पानं घालुन सजवणे

टीप
हा पदार्थ थोडा मसालेदारच छान लागतो त्यामुळे कंजूसी न करता तिखट घालणे. :)

पुदिन्याचा पराठा

Read English Version

मागच्या रविवारी मी जेंव्हा कटलेट बनवला तेंव्हा पूदिना चटणी बनवण्याचा बेत बनवला. मी तेंव्हा अजॉयला थोडासा पुदीना आनण्यास सांगीतल. पण त्यानी मोठी गड्डी आणली. मग काय इथे पुदिना फेस्टिवलच चालू झाला. त्यातूनच ह्या पदार्थाचा जन्म झालं.


साहित्य
४ चमचे पुदिना
१ चमचा कोथिंबीरीची पान
५ चमचे भरून गव्हाचे पीठ
१.५ चमचे बेसन
१/२ चमचा तिखट
१/४ चमचा जीरा पुड
१/४ चमचा धने पुड
मीठ
तेल/तुप

कृती

• तेल सोडून सगळे साहित्य एकत्र करने
• त्यात २ चमचे तेल घालणे
• पाणी घालून पीठ नीट मळून घेणे
• ३० मिनिटे पीठ भिजायला बाजुला ठेवणे
• ३ घड्य घालून पराठे बनवाने
• तव्यावर भाजून लोणी, लोणचे आणि दह्याबरोबर वाढणे

टीप
कोथिंबीरीच्या पानांमुळे एक मस्त चव येते पण जर तुम्हाला पुन्दिना खुप आवडत असेल तर कोथिंबीरीची पान वगळली तरी चालतील
मी पराठे भाजताना तेल वापरते आणि अर्धे भाजून झाल्यावर त्याना थोडेसे तूप लावून भाजते. त्यामुळे तेल पराठ्यांमद्धे चांगले मुरते

डिमेर ढोका

Read English Version

ही बंगाली पाककृती मी इंटरनेटवर सर्फ करत असताना बघितली आणि माझ्या चवीनुसार थोडीफार बदलली. बंगालीमध्ये डीम म्हणजे अंड आणि ढोका म्हणजे ढोकळा. ही अंड्याच्या ढोकळ्याची ग्रेव्ही. पण असे असताना सुद्धा नुसता अंड्याचा ढोकळा पण खूप चविष्ट लागतो आणि नाश्त्याला छान लागतो.

ढोका


साहित्य
६ अंडी
१ छोटा कांदा
१/४ वाटी बारीक चिरलेली कोथिंबीर
३-४ मिरच्या बारीक चिरून
१ चमचा आलं पेस्ट
३ चमचे दुध
चिमुटभर बेकिंग पावडर
मीठ

कृती

• एका भांड्यात अंड फेसून घ्या
• त्यात बारीक चिरून कांदा, मिरची, कोथिंबीर, आलं पेस्ट, बेकिंग पावडर, दुध आणि मीठ घालुन ढवळणे.
• तेल लावलेल्या भांड्यात हे मिश्रण घालुन कुकर मध्ये शिट्टी न लावता उकडणे
• पूर्णपणे ढोकळा शिजल्यानंतर कुकरमधून काढून लाडेच ताटात काढणे.
• चौकोनी तुकडे करून वाढणे किंवा ग्रेव्हीसाठी बाजूला ठेवणे

ग्रेव्ही


साहित्य
२-३ मध्यम आकाराचे कांदे
३-४ टोमेटो
१ चमचा मौव्हरी आणि जीरा
१ चमचा आलं पेस्ट
१ चमचा लसूण पेस्ट
१/२ वाटी दही (इच्छेनुसार)
२ चमचा जीरा पूड
२ चमचा धने पूड
२ वाटी पाणी
१ चमचे साखर
१ चमचा तिखट
३-४ हिरव्या मिरच्या बारीक चिरून
कोथिंबीर
मीठ
तेल

कृती

• कांदा आणि टोमेटो वेगळे वेगळे मिक्सरमध्ये वाटून घेणे
  
• कढईमध्ये तेल गरम करून मौव्हरी आणि जीरा घालणे
• फोडणीझाल्यावर त्यात वाटलेला कांदा आणि साखर घालुन सारखे हलवत तेल वेगळे होईपर्यंत शिजवणे.
• त्यामध्ये वाटलेला टोमेटो, आलं आणि लसूण पेस्ट, हिरव्या मिरच्या घालणे. टोमेटो शिजेपर्यंत ढवळत शिजवावे
• तोपर्यंत एका वाटीमध्ये दही, जीरा पूड, धने पूड आणि तिखट एकत्र करणे
• टोमेटो शिजल्यावर कधी आचेवरून बाजूला काढून त्यात दह्याचे मिश्रण घालणे.
• व्यवस्तीथ हलवून पुन्हा मंद आचेवर ठेवणे.
• ग्रेव्ही पूर्णपणे तयार होईपर्यंत सारखे हलवत, जरूर पडल्यास पाणी घालुन शिजवणे.
• डीमेर ढोका आणि मीठ घालुन एक उकळी काढणे. कोथिंबीर बारीक चिरून घालणे.

टीप
अंड्याच्या ढोकळ्यामध्ये टोमेटो बारीक चिरून घालता येईल पण मला अंड्याबरोबर टोमेटो बिलकुल आवडत नाही त्यामुळे मी नाही घातला.
६ अंड्यापासून अंदाजे २० ढोकळे तयार होतात
पहिल्यांदा जेंव्हा मी ही ग्रेव्ही केली होती तेंव्हा मी दही घालुन केलेली पण काल मी दही न घालता केली आणि मला ती जास्त छान लागली.

साबुदाणा वडा आणि दहयाची चटणी

Read English Version

सीमा जेंव्हा आमच्याकडे आलेली तेंव्हा मी साबुदाणा वडा बनवण्याचे ठरवले. मला माहिती होता की तिला फार आवडेल ते आणि माझा अनुमान खरा ठरला. तिला फक्त आवडलाच नाही तर तिने पाककृतीपण मागितली. साबुदाणा त्यादिवशी एकदम छान भिजलेला त्यामुळे एकदम कुरकुरापण झालेला.

साबुदाणा वडा


साहित्य

१ वाटी साबुदाणा
१-२ मध्यम आकाराचे बटाटे
१ वाटी शेंगदाणा कुट
३-४ हिरव्या मिरच्या
१ चमचा जीरा
१/२ चमचा जीरा पूड
१/२ चमचा धने पूड
१/४ वाटी कोथिंबीरीची पान
साखर
मीठ
तेल/तूप तळण्यासाठी

कृती

• साबुदाणा धुवून ३-४ तास १/४ वाटी पाणी घालुन भिजवून ठेवावा
• बटाटे कुकरमध्ये उकडून घ्यावेत
  
• बटाटे कुस्करून त्यामध्ये भिजलेला साबुदाणा, शेंगदाणा कुट, बारीक चिरलेली कोथिंबीर, हिरव्या मिरच्या बारीक चिरून, जीरा, जीरा पूड, धने पूड, साखर आणि मीठ घालुन मळावा.
• ह्या मिश्रणाचे छोटे चपटे वाडे बनवावे
• तेल व्यवास्तीथ गरम करून त्यामध्ये वडे मध्यम आचेवर तेलामध्ये तळावे.
• गरम गरमच दह्याच्या चटणीबरोबर वाढावेत

टीप
मला सकाळी ४ वाजता उठवत नाही त्यामुळे मी बहुतेकदा साबुदाणा रात्रभर भिजवते. :)
साबुदाणा चांगला भिजण्यासाठी पाण्याचे प्रमाण (१ वाटी साबुदाणा : १/४ वाटी पाणी) फार महत्वाचे आहे. आधी मला नित माहिती नसल्यामुळे वडे नेहमीच चांगले होतील अशी खात्री नसायची.
कधी तरी कोथिंबीर आणि मिरच्या चिरून घालण्याऐवजी मिक्सरमध्ये वाटूनपण घालता येतील. चव वेगळी आणि छान येते.

दहयाची चटणी


साहित्य
१ वाटी दही
१/४ वाटी शेंगदाणा कुट
२ हिरव्या मिरच्या / १/२ चमचा तिखट
१/२ चमचा जीरा पूड (इच्छेप्रमाणे)
१ चमचा बारीक चिरून कोथिंबीर (इच्छेप्रमाणे)
चवीनुसार साखर
मीठ

कृती

• साखर आणि मीठ दह्यामध्ये घालून विरघळेपर्यंत ढवळावे
• बाकीचे साहित्य दह्यात घालुन एकसमान मिश्रण बनवावे.

टीप
वड्यामध्ये जीरा आणि धने पूड असल्यामुळे मी बहुतेकदा ऐच्छीक साहित्य वापरत नाही.
तसेच मी हिरव्या मिरची ऎवजी तिखट वापरते.

पोटोल भाजा

Read English Version

काल मी खजुराचा केक बनवण्याचा प्रयत्न केला पण एकदम अयशस्वी. कारण: केक ३५ मिनिट भाजल्यावर लक्षात आल की मी बेकिंग पावडर घालायला विसरले जे केकसाठी एकदम महत्वाचे आहे. अजॉय त्याला कुकी म्हणून खातोय. बिचारा. आज मी पोटोल भाजाची पाककृती पोस्ट करतीये. (मानी शिकवलेली). एकदम सोपी आणि चविष्ट.


साहित्य
पोटोल
तिखट
मीठ
तेल

कृती

• सगळे पोटोल अर्धे कापावे
• त्यांना मीठ आणि तिखट लावून १५- २० मिनिट बाजूला ठेवावे
• तेल गरम करून पोटोल त्यामध्ये भाजावे

टीप
असेच वांगे किंवा केळे यांचे पण भाजा बनवता येईल

कोथींबीर चटणी

Read English Version

ही चटणी मी अजोयच्या आई - माकडून शिकले. त्यांच्याकडे ही चटणी बर्याचदा बनवतात आणि ती ब्रेंड बरोबर खूप छान लागते.


साहित्य
३-४ वाटी कोथिंबीरीची पानं
१ टोमेटो
२ मुठभर शेंगदाणे
१ हिरवी मिरची
साखर
मीठ

Method

• मिक्सरमध्ये कोथिंबीरीची पानं, टोमेटो, शेंगदाणे, मिरची, साखर आणि मीठ घालावे
• मिक्सरमधले साहित्य नित वाटून घेणे.चटणी तयार.

टीप
टोमेटो, साखर आणि मीठ चटणीमध्ये घातल्यामुळे पाणी बिलकुल लागत नाही.

पनीर पराठा

Read English Version

मागच्या आठवडयात मी पनीर पराठे करून बघितले. मस्त जाले होते. इथे त्याची पाककृती देत आहे.

साहित्य
२००ग्राम पनीर
१ चमचा तिखट
१ चमचा जीरा पुड
१ चमचा धने पुड
१ चमचा आमचूर पुड
५ चमचेभरून गव्हाचे पीठ
मीठ
तेल

कृती

• चपाती बनवतात तसे गव्हाचे पीठ चांगले मळून भिजवावे.
• पनीर किसून बाजूला ठेवणे
• त्यामध्ये तिखट, जीरा पूड, धने पूड, आमचूर पूड आणि मीठ घालुन नीट मिसळणे.
• दोन मध्यम आकाराच्या चपाती लाटणे
• एका चपातीवर पनीरचे मिश्रण पसरवणे
• चपातीच्या पूर्ण टोकावर पाण्याचे बोट लावणे
• त्यावर दुसरी चपाती ठेवून पराठा बंद करणे
• पराठा हलक्या हातानी थोडा लाटणे
• तव्यावर तूप किंवा तेल लाऊन भाजणे.

टीप
पनीरच्या मिश्रणात मीठ घालुन खूप वेळ ठेवले तर मिश्रणाला पाणी सुटते त्यामुळे शक्यतो पराठे लाटण्याच्या पूर्वी मिश्रण बनवणे

शेव

Read English Version

एकदम सोपी आणि चविष्ठ पाककृती. अजॉयला खूप आवडली :)


साहित्य
१ वाटी तेल
१ वाटी पाणी
४ वाटी बेसन
हळद
तिखट
ओवा
मीठ
तेल भाजायला

कृती

• तेल आणि पाणी एका पातेल्यात व्यवस्तीथ मिसळणे
• ब्लेन्डरनी पांढरा फेस येई पर्यंत मिसळणे
• त्यात चवीप्रमाणे मीठ, हळद, तिखट, ओवा घालुन पुन्हा ढवळणे
• बेसन हळू हळू घालुन एकत्र करणे
• मिश्रण चकली पत्रात घालणे आणि शेवाची जाळी लावणे
• तेल गरम करून त्यात शेव घालुन मध्यम आचेवर भाजणे

टीप
बेसनाचे मिश्रण भजीपेक्षा थोडे दाट करणे
लसूण शेव करण्यासाठी शेवाच्या मिश्रणात चवीप्रमाणे लसूण वाटून तिखटाबरोबर घालणे