चॉकलेट कपकेक

Read English Version

एकादिवशी असच काहीतरी बेकिंग करायचा म्हणून केलेला हा प्रयोग. बरेच दिवसांपासून फ्रीजमध्ये असलेल्या बटर आयसिंगचा एकदम मस्त उपयोग आणि ते केक बरोबर एकदम छान लागले


साहित्य
2 वाटी साखर
२ चमचे व्हॅनिला इसेन्स
१ अंडे
१/२ वाटी तेल
१ वाटी दुध
१.७५ वाटी मैदा
१ वाटी कोको पूड
१ चमचा बेकिंग पूड
१ चमचा बेकिंग सोडा
१/२ चमचा मीठ
२ चमचे इन्स्टण्ट कॉफी

कृती

• ओव्हन 3२५F/१६०C वर गरम करणे
• अंडी, साखर आणि व्हॅनिला इसेन्स एकत्र फेटणे
• त्यात तेल आणि दुध घालून मध्यम वेगात मिश्रण फेटून घेणे
• मैदा, कोको पूड, बेकिंग पूड आणि बेकिंग सोडा २-३ वेळा चाळून घेणे
• चाळलेले पीठ अंडी-तेल-दुधाच्या मिश्रणात घालून २ मिनिट कमी वेगावर फेटणे
• १ वाटी पाणी आणि कॉफी एकत्र करून मायक्रोवेव्हमध्ये १ मिनिट गरम करणे
• कॉफी केकच्या मिश्रणात घालून मध्यम वेगात २ मिनिट फेटणे
• कपकेकच्या भांड्यात १४ लायनर घालून त्यात ३/४ पातळीपर्यंत भरणे
• ओव्हनमध्ये १८ मिनिट भाजणे.
• केक कमीत कमी १ तास थंड होऊ देणे मग केकवर फ्रॉसटिंग आणि फिलिंग घालून केक खायला देणे

टीप
मी फिलिंग नाही वापरले पण चॉकलेट गनाश एकदम चांगले जाइल
मी आधी बनवलेले चॉकलेट बटरक्रीम फ्रॉसटिंगसाठी वापरले

चॉकलेट बटरक्रीम

Read English Version

साधारण ३ वर्षांआधी मी विल्टनचा केक डेकोरेशनचा क्लास केलेला. त्यात बरेच डेकोरेशन आणि आयसिंग बनवायला शिकवलेल. हे चॉकलेट क्रीम मी तीच कृती थोडी बदलून केलय.


साहित्य
२ वाटी डालडा
१.५ वाटी कोको पूड
१ चमचा व्हॅनिला इसेन्स
१ चमचे दुध
४५० ग्राम आयसिंग शुगर
चिमुटभर मीठ

कृती

• डालडा, इसेन्स आणि दुध एकत्र करणे
• आयसिंग शुगर आणि कोको पूड एकत्र चाळून घेणे
• ते डालडात घालून ते सगळे एकजीव होईपर्यंत एकत्र फेटणे
• मीठ घालून अजून २ मिनिट क्रिमी होईपर्यंत फेटणे

टीप
क्रीम साधारण अर्धा वर्ष फ्रीजमध्ये एअर टाईट डब्ब्यात राहू शकते

चॉकलेट गनाश

Read English Version

मी हे गनाश ह्या एकदम चविष्ठ अंड्याविना चॉकलेट केकसाठी बनवले. बनवण्यासाठी एकदम सोप्पे आणि एकदम सुंदर आणि बाहेर हॉटेलमध्ये मिळते तसे हे आईसिंग माझे आवडते आहे.


साहित्य
२ वाटी सेमीस्वीट चॉकोचिप्स
१ वाटी क्रीम
१ चमचा लोणी

कृती

• एका भांड्यात १ चॉकोचिप्स आणि लोणी घालुन १ मिनिट मायक्रोवेव्ह करणे.
• त्यात अर्धा वाटी क्रीम आणि उरलेले १ वाटी चॉकोचिप्सघालुन फेटणे.
• मिश्रण अजून ३० सेकंद मायक्रोवेव्ह करणे.
• त्यात उरलेले अर्धा वाटी क्रीम घालुन मिश्रण एकजीव होऊन चमकेपर्यंत ढवळत राहणे.

टीप
मायक्रोवेव्हच्याऎवजी डबलबॉईलर (उकळत्या पाण्याच्या भांड्यावर दुसरे भांडे ठेवून) वापरून पण चॉकलेट वितळवता येईल पण मायक्रोवेव्हमुळे एकदम सोप्पे आणि स्वत्च्छ काम होते.

पांढरे चॉकलेट क्रीम चीजचे आईसिंग

Read English Version

आज काल मला क्रीम चीजची चव आवडायला लागलीये. मी ह्या आधी ते गजराच्या केकवर पण वापरलाय. प्रत्येतवेळी मी इंडिअन मसाले घालुन फुलाच्या चवीचे आईसिंग बनवलंय. पण आज मी चॉकलेटच्या चवीचे आईसिंग रेड वेल्वेट कपकेकसाठी बनवले. केक मधल्या कोको पुड्च्या चवीला साजेसे हे क्रीम मस्त झालेले.


साहित्य
२२५ ग्राम क्रीम चीज
२२५ ग्राम पांढरे चॉकलेट
१ वाटी लोणी
२ वाटी आईसिंग शुगर

कृती

• एका भांड्यात निम्मे पांढरे चॉकलेट घालुन १ मिनिट मायक्रोवेव्ह करणे.
• त्यात उरलेले पांढरे चॉकलेट घालुन चांगले ढवळणे. पुन्हा १५ सेकंद मायक्रोवेव्ह करणे.
• चॉकलेट चांगले एकजीव होऊन वितळेपर्यंत ढवळणे व बाजूला ठेवून देणे.
• दुसऱ्या भांड्यात क्रीम चीज मऊ होईपर्यंत फेटून घेणे.
• त्यात वितळवलेले चॉकलेट घालुन पुन्हा फेटणे.
• लोणी घालुन पुन्हा एकजीव होईपर्यंत फेटणे.
• आईसिंग शुगर टाकून आईसिंग चांगले मऊसुत आणि एकजीव होईपर्यंत फेटणे.

टीप
चॉकलेट घालताना एकदम थंड झालेले असावे, व जर कोमट असेल तर थंड होईपर्यंत थांबावे. गरम चॉकलेट कधीही चीजमध्ये घालू नये.

चॉकलेटमध्ये बुडवलेली काजू पिस्ता कुकी

Read English Version

मी उद्याच्या ट्रीपसाठी ह्या कुकीज बनवल्या. प्रवासात एकदम उत्तम नाश्ता. ह्या कुकीजची प्रेरणा मी अजॉयनी कॉसकोतून आणलेल्या शॉर्ट ब्रेडवरून घेतलीये.


साहित्य
३ वाटी मैदा
२ वाटी लोणी
१.२५ वाटी साखर
१ अंड्याचे पिवळे
२ चमचा व्हॅनिला ईसेन्स
१/२ वाटी काजू
१/२ वाटी पिस्ता
१ वाटी सेमी स्वीट चॉकोचिप्स
१/४ वाटी पांढर्या चॉकोचिप्स
५ चमचा शॉर्टनिन्ग

कृती

• एका भांड्यात लोणी आणि साखर घालुन फेटणे.
• त्यात अंड्याचे पिवळे आणि व्हॅनिला ईसेन्स घालुन पुन्हा फेटणे.
• काजू मिक्सर मध्ये वाटून बारीक पूड करणे. वर बनवलेल्या मिश्रणात ही पूड घालणे.
• मैदा चाळून वरच्या मिश्रणात घालणे. घट्ट एकजीव होईपर्यंत मिश्रण चांगले ढवळणे
• लिंबाच्या आकाराचे लाडू बनवून फ्रीजमध्ये १ तास थंडे होण्यासाठी ठेवणे.
• ३७५F/१९०C वर ओव्हन गरम करणे.
• पिस्त्यांचे बारीक तुकडे करणे.
• प्रत्येक लाडू तळव्यावर घेऊन हलका दाबून जाड चकत्या बनवणे. बारीक चिरलेले पिस्त्यांचे तुकडे अर्ध्या कुकीवर पसरवणे. हलके दाबून पिस्ते कुकीमध्ये ढकलणे.
• पार्चमेंट पेपर बेकिंग तव्यावर घालुन कुकी ठेवणे. प्रत्येक कुकीत साधारण १ इंच जागा सोडणे.
• ३७५F/१९०C वर ओव्हनमध्ये १२ मिनिट भाजणे.
• अंदाजे ५-१० मिनिट कुकी थंड होण्यासाठी बाजूला ठेवणे.
• एका भांड्यात सेमीस्वीट चॉकोचिप्स आणि ४ चमचे शॉर्टनिन्ग घालुन १ मिनिट मायक्रोवेव्ह करणे. मध्ये ३० सेकंद झाल्यावर एकदा ढवळणे. मिश्रण चकचकीत आणि एकजीव होईपर्यंत चांगले ढवळणे.
• बेकिंग तव्यावर पार्चमेंट पेपर पसरवणे. प्रत्येक कुकीचा पिस्ते नसलेला भाग चॉकोलेटमध्ये बुडवून बेकिंग तव्यावर ठेवणे.
• एका भांडयामध्ये पांढर्या चोकोचिप्स आणि उरलेले १ चमचा शॉर्टनिन्ग घालुन ३० सेकंद मायक्रोवेव्ह करणे. मिश्रण चांगले एकजीव आणि चकचकीत होईपर्यंत ढवळणे. एका पायपिंग बॅगमध्ये हे चोकोलेट घालुन आधीच्या चोकोलेटवर झिग झॅग रेषा काढणे. चोकोलेट साधारण एक तास सेट होण्यासाठी ठेवणे.

टीप
जर मायक्रोवेव्ह नसेल तर एका भांड्यात उकळत्या पाण्यावर चोकोलेट आणि शॉर्टनिन्ग घातलेले भांडे ठेवून ढवळणे. मिश्रण एकजीव होईपर्यंत ढवळणे. मायक्रोवेव्ह करणे खूप सोपे असलेल्याने मी तेच जास्त प्रेफर करते.

नटी बटरस्कॉच चॉकलेट केक

Read English Version

काल मी माझ्या केक डेकोरेशनच्या क्लासमध्ये घेऊन जायला केकसाठी पाककृती शोधत होते. प्रथम मला वाटले की कुठला तरी सोपा आणि सरळ असा केक बनवून काम संपवावे पण जशी मी स्वयंपाकगृहात गेले तसे मला वाटले की काहीतरी नवीन माझ्याकडच्या पुस्तकातून प्रयत्न करावे. त्या पुस्तकातील मला पीनटबटर केकची रेसिपी मला खूप आवडली पण पीनट बटर माझ्याकडे नव्हत म्हणून मग मी ही रेसिपी तयार केली. केक फारच सुरेख आणि चविष्ट झाला आणि त्याचा सुगंध इतका सुरेख होता की क्लासमध्ये सगळे लोक मला विचारात होते या केकविषयी.


साहित्य
४ वाटी मैदा
२.५ वाटी लोणी
१ वाटी हेजलनट
१ वाटी बदाम
१.५ वाटी साखर
३ अंडी
१ वाटी दुध
२ वाटी बटरस्कॉच चॉकोचीपस
२ चमचे बेकिंग पूड
मीठ चवीपुरतं

कृती

• ओव्हन ३५०F/१८०C वरती गरम करणे.
• हेजलनटस आणि बदाम मिक्सरमध्ये वाटून पूड करणे.
• लोणी आणि साखर एकत्र करून फेटून घेणे.
• त्यात हेजलनट आणि बदामची पूड टाकून पुन्हा फेटणे.
• आता एक एक अंडे टाकून प्रत्येक वेळा चांगले फेटणे.
• मैदा आणि बेकिंग पूड एकत्र २ वेळा चाळून घेणे. त्यात मीठ घालणे..
• लोणी-साखर-अंध्याच्या मिश्रणात मैदा-बेकिंग पूड मिश्रण आणि दुध असे थोडे थोडे घालुन अलगद एकत्र करणे.
• बटरस्कॉच चॉकोचिप्स मायक्रोवेव्हमध्ये १ मिनिट गरम करून ढवळणे. केकच्या मिश्रणात अलगद घालुन मिसळणे.
• केकच्या भांड्याला तेल किंवा लोणी लावून त्यात पारचमेंट कागद घालुन त्यालापण तेल किंवा लोणी लावणे. केकचे मिश्रण त्यात अर्ध्या पातळीपर्यंत भरणे
• केक ओव्हनमध्ये ३५०F/१८०C वरती ४० मिनिट भाजणे.
• आईसिंगनी सजवणे किंवा तसाच खायला देणे.

टीप
मी दोन ८ इंचाची गोल भांडी केक भाजण्यासाठी वापरली पण मला वाटते की हा केक एका ८ इंचाच्या आणि एका ६ इंचाच्या भांड्यात जास्त छान झाला असता.
मी एका केकला माझ्या केक डेकोरेशनच्या क्लासमध्ये बटर आईसिंग केल आणि एक केक तसाच खाला. दोन्ही खूप चविष्ट होते पण मी नंतर कधी आईसिंगवाला केक बनवणार असेल तर ह्यात डार्क चॉकलेट किंवा कमी साखर वापरेन
हल्लीच मला कळले की ओव्हन कमीत कमी १५ मिनिट आधी गरम करून ठेवला तर तो सगळीकडे एकसारखा गरम होतो आणि केक सगळ्या बाजूनी चांगला फुलतो. माझा केक फक्त मध्ये न फुलता सगळीकडे एकसारखा फुलाला आणि मला तो केक डेकोरेशनच्या वेळी थोडा पण कापावा नाही लागला.

सुकामेव्याचे चॉकलेट

Read English Version

एकेदिवशी फूडनेटवर्कचा चॅनेल बघत असताना मी हि पाककृती बघितली. एकदम सोपी आणि छान दिसणारी हि कृती त्याक्षणीच मला एकदम पसंत पडली. एकदम प्रमाण काही आठवत नसल्याने मी माझ्या अंदाजाने केलेला हा पदार्थ एकदम सुरेख झाला.


साहित्य
३५० ग्राम पांढरे चॉकलेट
१२० ग्राम डार्क चॉकलेट
१ वाटी अक्रोड
१/२ वाटी अ‍ॅप्रीकॉट
१/२ वाटी क्रेझीन

कृती

• ओव्हन ३५०F/१८०C वर गरम करून त्यात अक्रोड १० मिनिटे भाजणे. थंड होण्यासाठी बाजूला ठेवणे
• मायक्रोवेव्हमध्ये एका भांड्यात पांढरे चॉकलेट १.५ मिनिट गरम करणे. दर ३० सेकंदानी ढवळणे. पातळ एकसारखे चॉकलेटचे मिश्रण बनेल
• दुसऱ्या पातेल्यात डार्क चॉकलेट १.५ मिनिट दर ३० सेकंदानी ढवळत मायक्रोवेव्हमध्ये गरम करणे.
• एका प्लेट किंव्हा ट्रेवर पार्चमेंट कागद घालुन पांढरे चॉकलेट ओतणे. अलगदपणे सर्वत्र सारखे पसरणे
• चार कोपर्यांमध्ये डार्क चॉकलेट ओतून ते फोर्क वापरून पांढर्या चॉकलेटमध्ये पसरवणे.
• त्यात अक्रोड आणि अ‍ॅप्रीकॉट तुकडे करून, क्रेझीन्स पसरवणे.
• मिश्रण थंड झाल्यावर, फ्रीजमध्ये जमण्यासाठी ठेवून देणे

टीप
मी जी पाककृती बघितली होती त्यात फक्त पांढरे चॉकलेट वापरले होते. पण त्यामुळे चॉकलेट खूप गोड लागते म्हणून त्यात डार्क चॉकलेट घातले ज्यांनीकरून गोडपणा कमी होईल. ह्याआधी एकदा मी सेमीस्वीट चॉकलेट पण वापरून बघितले होते पण ते सुद्धा खूप गोड लागले त्यामुळे ह्या वेळी डार्क चॉकलेट वापरले. तुम्ही अर्धे डार्क चॉकलेट आणि अर्धे सेमीस्वीट चॉकलेटपण वापरू शकतात.

मोल्टन लाव्हा केक

Read English Version

बरेच दिवसांपूर्वी मी ह्या केक विषयी वाचले होते आणि त्याचा कॉन्सेप्ट मला फार आवडला. मग मी ह्याची पाककृती शोधल्यावर कळले की हि सगळ्यात सोप्पी आणि पटकन तयार होणारी पाककृती आहे. पण माझ्याकडे ते बनवण्यासाठी रामेकिंस किंव्हा पेपर कप नसल्यानी बरेच दिवस केक बनवण्याचे मनातच राहून गेले. पण आज मी रामेकिंस विकत आणले आणि केक बनविले. एकदम हीट ठरलाय हा केक.


साहित्य
१ वाटी मैदा
१.२५ वाटी सेमीस्वीट चॉकोचिप्स
१ वाटी लोणी
५ चमचे कोको पूड
३ अंडे
३ अंड्यांचे पिवळे
२ वाटी साखर

कृती

• रामेकिंसना लोण्याचा हात लावून बाजूला ठेवणे.
• ओव्हन ४५०F/२३०C वर गरम करणे.
• मायक्रोवेव्हमध्ये लोणी आणि चॉकोचिप्स एकत्र करून १ मिनिट गरम करणे.
• लोणी आणि चॉकोचिप्स नीट ढवळणे आणि एकजीव करणे आणि बाजूला ठेवणे.
• अंडी आणि अंड्याचे पिवळे एकत्र फेसून घेणे.
• त्यात साखर घालुन पांढरे होईपर्यंत पुन्हा फेटणे.
• त्यात वितळवलेले चॉकलेट - लोणी मिश्रण घालुन पुन्हा फेटणे
• मैदा आणि कोको पूड चाळून घेणे व वर बनवलेल्या मिश्रणात डाव घालुन हलकेच ढवळून घेणे.
• बनवलेले मिश्रण ६ रामेकिंसमध्ये घालणे,
• रामेकिंसना बेकिंग ट्रेमध्ये ठेवून ते ओव्हन मध्ये ४५०F/२३०C वर १३ मिनिट भाजणे.
• ओव्हन मधून लगेच काढून बशीत उलटे करून खायला देणे

टीप
रामेकिंसऎवजी पेपर कप मफीन पॅनमध्ये ठेवून पण भाजू शकतो पण त्यासाठी थोडे उंच पेपर कप वापरणे म्हणजे त्याला धरून केक ला उचलून उलटे करणे सोपे जाईल
केकला उलटे करण्यासाठी रामेकीन एका बशीत ठेवणे व रामेकिंवर एक बशी ठेवणे व दोन्ही बश्याना धरून उलटे करणे. रामेकिंस खूप गरम असल्यानी बश्यांची फार मदत होते.

बदाम चॉकोचीप मफीन्स

Read English Version

आजकाल खूप पाउस पडत असल्यानी मला दररोज ऑफिसला गाडीनी जाव वागतंय. बरेचवेळा मी ट्राफिकजॅममध्ये फसते. त्यामुळे घरी आलं की नवीन काही प्रयोग करायची ताकद उरत नाही. काल मी ट्राफिकला चुकवण्यासाठी लवकर घरी येऊन काम करण्याचे ठरवले. ५ मिनिटाचे ट्राफिक सोडले तर प्रयोग यशस्वी झालं असे म्हणू शकते. घरी आल्यावर लक्षात आले की माझा कॉम्पुटर बंद पडलेला. त्यामुळे जोपर्यंत मी कॉम्पुटरवर win7 घालत होते त्यावेळेत हे बदाम घातलेले केक बनवले. आज काल जरा जास्तच विसरभोळी झालीये मी आणि असा म्हणतात की बदाम स्मरणशक्ती वाढवण्यास उपयोगी पडतात. कॉम्पुटर तर नवीन पेक्षाही चांगला चालू लागलाय win7चा प्रताप, आता बघुयात की बदाम उपयोगी पडतात का.


साहित्य
१ वाटी लोणी
२ वाटी साखर
४ वाटी मैदा
२ वाटी चॉकोचीप
३/४ वाटी बदाम
१ वाटी दुध
४ चमचे ब्रावून शुगर
२ चमचे व्हॅनिला इसेन्स
१ चमचा बेकिंग सोडा
१/२ चमचा बेकिंग पूड
२ अंडी
मीठ चवीपुरते

कृती

• एका भांड्यात साखर आणि लोणी फेटणे.
• त्यात अंडी घालुन पुन्हा फेटणे.
• त्यात व्हॅनिला इसेन्स, दुध घालुन पुन्हा फेटणे.
• मैदा, बेकिंग पूड, बेकिंग सोडा आणि मीठ घालुन हलक्या हातानी सगळे मिश्रण एकजीव होईपर्यंत ढवळणे.
• त्यात १.५ वाटी चॉकोचीप घालुन हलकेच एकत्र करणे व बाजूला ठेवणे.
• बदामाचे तुकडे करून त्यात ब्रावून शुगर आणि उरलेले चॉकोचीप घालुन एकत्र करणे.
• ओव्हन ३५०F/१८०C वर गरम करणे.
• मफीनच्या भांड्यांना लोण्याचा हात लावून घेणे. प्रत्येक भांड्यात साधारण २/३ पर्यंत केकचे मिश्रण घालणे.
• वर बदाम-चॉकोचीप-साखर मिश्रण पसरवणे.
• मफीन ३५०F/१८०C वर २५ मिनिट भाजणे.

टीप
मी कच्चे बदाम वापरून त्यांना केकच्या वर पसरवले त्यामुळे केक भाजताना ते एकदम मस्त भाजले गेले.
तसेच मी बदमाबरोबर साखर आणि चॉकोचीप मिसळले त्यामुळे प्रत्येक घासात मस्त गोडपणा आला.

खजूर अक्रोड चॉकलेट ब्रावनी

Read English Version

थोड्या आठवड्यापूर्वी मी कॉस्टकोमधून अक्रोड आणि चॉकलेट चीप आणलेले. आज जेंव्हा मागच्या आठवड्याचे पायेश संपत आल्यावर मी हि ब्रावनी बनवण्याचे ठरवले. आठवड्यासाठी म्हणून केलेले हे ब्रावनी इतके छान झाले की ते सोमवारपर्यंतसुधा पुरतात की नाही अशी आशंका आहे.


साहित्य
८०ग्राम डार्क चॉकलेट बार
१.५ वाटी सेमी स्वीट चॉकलेट चीप
३ वाटी पिठी साखर
१.५ वाटी मैदा
१ वाटी लोणी
१ वाटी खजूर
१ वाटी अक्रोड
३ अंडी
१ चमचा व्हॅनिला ईसेन्स
मीठ चवीपुरते

कृती

• एका काचेच्या भांड्यात डार्क चॉकलेट, १/२ वाटी सेमी स्वीट चॉकलेट चीप आणि लोणी घालुन १ मिनिट मायक्रोवेव्ह करून चांगले एकत्र करणे.
• अजून २० सेकंद मायक्रोवेव्ह करून ढवळणे.
• मैदा दोनदा चाळून घेणे.
• ओव्हन ३७५F/१९०C वर गरम करणे.
• एका मोठ्या भांड्यात अंडी, पिठी साखर, व्हॅनिला ईसेन्स घालुन ५ मिनिट फेटून घेणे.
• त्यात आधी बनवलेली चॉकलेट पेस्ट, चाळलेला मैदा आणि मीठ घालुन हलक्या हातानी एकजीव होईपर्यंत एकत्र करणे.
• केकच्या मिश्रणात उरलेले १ वाटी चॉकलेट चीप, खजूर आणि अक्रोड कापून घालणे व एकत्र करणे.
• केकच्या भांड्याला लोण्याचा हात लावून त्यात मिश्रण ओतणे व ३७५F/१९०C वर ३५ मिनिट भाजणे.
• ब्रावनीवर आईस्क्रीम, चॉकलेट सॉस व अक्रोड घालुन खायला देणे.

टीप
मी चॉकलेट वितळवण्यासाठी मायक्रोवेव्हचा वापर करते आणि त्यामुळे किचकट काम एकदम सोपे होऊन जाते पण मायक्रोवेव्ह नसल्यास एका भांड्यात पाणी गरम करून त्यावर चॉकलेटचे भांडे ठेवून पण चॉकलेट वितळवता येईल.

खजूर चॉकोचीप पॅन केक

Read English Version

मी बरेचवेळा पॅन केक बनवले आहेत कारण ते एकदम सोपा आणि चविष्ठ नाश्ता होतात. मी क्रॅनबेरी, आंबा,ब्लूबेरी असे वेग वेगळी फळे घालुन बनवलंय पण आज फळे नसल्यानी मी त्यात खजूर आणि चॉकोचीप घालुन बनवला. केक एकदम सुंदर झाला आणि नाश्ता एकदम मस्त होता.


साहित्य
१/२ कप खजूर
१/४ वाटी चॉकोचीप
१/२ कप गव्हाचे पीठ
१/२ कप मैदा
३/४ वाटी दही
१ अंड
३/४ चमचा साखर
१/२ चमचा व्हॅनिला ईसेन्स
१/२ चमचा बेकिंग पूड
१/४ चमचा बेकिंग सोडा
२.५ चमचा वितळवळेल लोणी
मीठ
तेल

कृती

• खजुरातून बिया काढून बारीक चिरावे.
• मैदा आणि पीठ एकत्र चाळून घेणे.
• त्यात साखर, मीठ, बेकिंग सोडा आणि बेकिंग पूड घालुन एकत्र करणे.
• त्यात अंडे, दही, वितळवलेले लोणी आणि व्हॅनिला ईसेन्स घालुन एकत्र करणे.
• त्यात १/२ वाटी कोमट पाणी घालुन फेटणे.
• नॉनस्टिक तवा गरम करणे.
• त्यावर एकावेळी अर्धा कप पीठ ओतणे व त्यावर चॉकोचीप आणि खजूर पसरवणे.
• मध्यम आचेवर गुलाबी रंगावर दोन्ही बाजू परतून घेणे. देताना मध किव्हा मॅपल सिरप वरून ओतून खायला देणे.

टीप
पिठातच लोणी असल्यानी तव्याला तेल लावावं लागत नाही.
अजॉयला खजुराचा गोडपणा जरा जास्त वाटला त्यामुळे मला वाटतंय की डार्क चॉकोचीप वापरले तर गोड बरोबर होईल.

बेरी नटी चॉकोचीप केक

Read English Version

ह्या आठवड्याच्या सामानाबरोबर क्रॅन्बेरी आणली कारण मला त्याचा ज्यूस आवडतो. एक घास खाल्यावारच लक्षात आले की ह्या बेरी अशाच खाण अशक्य आहे. मग मी बराच वेळ बघत होते काय करता येईल ते पण काहीच पसंत पडत नव्हते. शेवटी मी माझ्या मनानीच काहीतरी बनवण्याचे ठरवले.


साहित्य
२ वाटी मैदा
१ वाटी साखर
१ वाटी क्रॅन्बेरी
१ वाटी चॉकोचिप्स
१ वाटी सुकामेवा
१ वाटी द्राक्ष
१/२ वाटी लोणी
१.५ चमचा बेकिंग पूड
१/२ चमचा बेकिंग सोडा
१ अंडे
४ चमचा चॉकोलेट सॉस
मीठ

कृती

• सुकामेवा, क्रॅन्बेरी बारीक कापणे आणि चॉकोचिप्स बरोबर एकत्र करणे.
• मैदा, बेकिंग पूड, बेकिंग सोडा आणि मीठ एकत्र चाळून घेणे.
• ओव्हन ३५०F/१८०C वर गरम करणे.
• केकच्या भांड्याला लोण्याचा हात लावणे.
• मोठ्या भांड्यात चाळलेले मिश्रण आणि साखर एकत्र करणे.
• त्यात वितळवलेले लोणी घालुन हातानी एकत्र करणे.
• द्राक्षांचा मिक्सर मध्ये रस काढून मिश्रणात घालणे.
• त्यात अंडे आणि सुकामेवा-चॉकोचिप्स चे मिश्रण घालणे व फेटणे.
• केकचे मिश्रण लोणी लावलेल्या भांड्यात ओतणे व ओव्हनमध्ये ३५०F/१८०C वर ४५ मिनिट भाजणे.
• केक थंड झाल्यावर त्यावर चॉकोलेट सॉस घालुन खायला देणे.

टीप
मिश्रण पातळ नसले तरी घाबरू नये ह्या केकचे मिश्रण असेच असते.
माझ्याकडे सुकामेव्याचे मिश्रण होते म्हणून मी ते वापरले पण कुठलेही ड्रायफ्रुट्स एकत्र करून वापरता येईल.

वाढदिवसाचा चॉकलेट केक

Read English Version

मला अगदी पहिल्यापासून चॉकलेटच आईसिंग फार आवडायचं. प्रत्येक वेळी वाटायचं की आईसिंग एकदम बेकरीवाल्यांसारख कधीतरी बनवता यायला पाहिजे. प्रत्येक वेळी वाटायचं की त्यात काहीतरी कला आहे जी जमण जरा मुश्कील असेल. पण हा केक करताना कळला की जर थोडासा सय्यम आणि त्याची छोटीशी युक्ती माहिती असेल तर खूप सोप्पं आहे.


साहित्य
७ चमचे लोणी
१ वाटी पिठी साखर
३ अंडी
मीठ चवीपुरते
१/२ वाटी मैदा
३००ग्राम चॉकलेट
८ चमचे कोको पूड

कृती

• एका भांड्यात पाणी उकळवून त्यावर दुसरे भांडे ठेवीन १००ग्राम चॉकलेट वितळवणे. त्यात ४ चमचे कोको पूड घालुन ढवळून बाजूला ठेवणे.
• दुसऱ्या भांड्यात ६ चमचे लोणी आणि १/२ वाटी पिठी साखर घालुन फेटून घेणे.
• त्यात वितळवलेले चॉकलेट घालुन पुन्हा फेटणे.
• दोन भांड्यात अंड्याचे पांढरे आणि पिवळे वेगवेगळे करणे.
• लोणी आणि चॉकलेट मिश्रणात एकावेळी एक एक अंड्याचे पिवळे घालत फेटून घेणे.
• मैदा चाळून बाजूला ठेवणे.
• दुसऱ्या भांड्यात अंड्याचे पांढरे आणि मीठ एकत्र करून चांगले फेटून घेणे.
• चॉकलेटच्या मिश्रणात एका वेळी एक चमचा अंड्याचे पांढरे आणि एक चमचा मैदा असे घालत अलगद एकत्र करणे.
• ओव्हन १८०C/३५०F वर गरम करणे.
• केकच्या भांड्याला तेलाचा हात लावून त्यात केकचे मिश्रण ओतणे.
• केक १८०C/३५०F वर ४५ मिनिट भाजणे व रात्रभर थंड होण्यासाठी बाहेर ठेवणे.
• दुसऱ्यादिवशी एका भांड्यात पाणी गरम करून त्यावर काचेचे भांडे ठेवणे. त्यात उरलेले लोणी आणि चॉकलेट घालुन एकत्र वितळवणे
• दुसऱ्या भांड्यात उरलेली साखर आणि अर्धा वाटी पाणी घालुन उकळवणे.
• आच एकदम मंद करून त्यात वितळवलेले चॉकलेट-लोणी आणि उरलेली कोको पूड घालुन शिजवणे.
• थोडेसे हातावर घेवून मिश्रण सेट होतंय का ते बघणे. झालेतर आईसिंग तयार आहे.
• गरम गरम आईसिंग केकच्या मध्यभागावर ओतून पूर्ण केकवर पसरवणे.
• बटर आईसिंग आणि चॉकलेटच्या तुकड्यांनी सजवणे.

टीप
एकदम बरोबर वाचलंय! :) केकमध्ये बेकिंग सोडा किंवा बेकिंग पूड लागत नाही. :)
मी हे आई बाजूला असताना बनवला त्यामुळे तिच्या मार्गदर्शन आणि सय्यम वापरून मी ४ चमचे कोको पूड २००ग्राम चॉकलेटसाठी वापरून हे आईसिंग बनवले. पण जर आईसिंग पातळ असेल तर त्यात अजून कोको पूड घालता येईल. आणि जर आईसिंग घट्ट असेल तर थोडे गरम पाणी घालता येईल. आईसिंग थंड झाल्यावर आईसिंग सारखे पाहिजे, पातळ किंवा जास्त घट्ट नको.

शेंगण्याचे चॉकोचीप मफीन

Read English Version

ह्या वेळी अजॉयनी युस वरून मफीनचे भांडे आंडले आहे. घरात पीनट बटर असल्यानी त्याचा वापर करण्याचे मी ठरवले आणि हे मफीन बनवले.


साहित्य
१ वाटी पीनट बटर
१ वाटी चॉकोचीप
२ वाटी मैदा
१ चमचा व्हॅनिला इसेन्स
१.५ वाटी साखर
२ अंडी
१.५ चमचा बेकिंग पूड
१/२ चमचा खाण्याचा सोडा
१/२ वाटी दुध

कृती

• पीनट बटर, अंडी, साखर आणि व्हॅनिला इसेन्स एका भांड्यात एकत्र फेटणे.
• मैदा, बेकिंग पूड, खाण्याचा सोडा एकत्र ३-४ वेळा चाळून घेणे.
• एका वेळी थोडा थोडा मैदा लोण्यात घालुन फेटणे.
• त्यात चॉकोचिप्स घालुन हलकेच ढवळणे.
• ओव्हन २००C वर गरम करणे.
• मफीनच्या भांड्याला लोण्याचा हात लावून त्यात प्रत्येक भांड्यात २/३ काटापर्यंत मिश्रण घालणे.
• ओव्हनमध्ये २००C वर १५ मिनिट मफीन भाजणे.

टीप
इथे चॉकोचिप्स मिळत नसल्यानी मी कॅडबरीचे तुकडे करून वापरले.
तसेच मला असे लक्षात आले की मी जर अर्धे साधे लोणी आणि अर्धे पीनट बटर वापरले असते तर जास्त चांगली चव आली असती.

चॉकोचीप कुकी

Read English Version

ह्या आधी मी जेंव्हा ह्या कुकीज बनवलेल्या तेंव्हा चवीला चांगल्या झालेल्या पण १० कुकीजच्याऎवजी १ मोठं पिझाच्या आकाराची कुकी झालेली. आज एकदम बरोबर झाल्या म्हणून कृती देत आहे


साहित्य
१ वाटी लोणी
३/४ वाटी साखर
३/४ वाटी ब्रावून शुगर
१ अंडे
२.५ वाटी मैदा
३/४ चमचा बेकिंग पूड
१/४ चमचा मीठ
२०० ग्राम कॅडबरी

कृती

• लोणी, साखर, ब्रावून शुगर आणि अंडे एकत्र फेटणे.
• मैदा, बेकिंग पूड आणि मीठ दोन वेळा एकत्र चाळून घेणे
• मैद्याचे मिश्रण एका वेळी चार-चार चमचे अंडे आणि लोण्याच्या मिश्रणात घालत एकत्र करणे.
• कॅडबरीचे बारीक तुकडे करून ते मिश्रणात एकत्र करणे.
• ओव्हन २५०C वर गरम करणे.
• तव्याला लोण्याचा हात लावून त्यावर छोट्या छोट्या आकाराच्या कुकी करून २ इंच जागा ठेवत पसरवणे.
• ओव्हनमध्ये २५०C वर १० मिनिट भाजणे व नंतर थंड झाल्यावर डब्यात भरणे.

टीप
कुकी भाजताना त्या पसरतात त्यामुळे थोड्या जाड थापणे आणि त्यांच्या २ इंच जागा ठेवणे आवश्यक आहे नाहीतर त्या पातळ होतील किंवा एकमेकांना चिकटतील.
ब्रावून शुगर वापराल्यानी कुकी चांगल्या गुलाबी रंगाच्या बनतात

डूबती टायटॅनिक

Read English Version

मागच्या रविवारी मला ब्लॅक फॉरेस्ट केक बनवायचा होता पण माझ्याकडे केक बेक करण्यासाठी चांगले काचेचे भांडे नव्हते. साधारण १२ वाजता मी काचेचे भांडे घेण्यसाठी शोधाशोध चालू केली ती शेवटी रात्रीच्या १० वाजता संपली. आठवड्यातील दिवस फार कामाचे असल्यानी मला वेळ नाही मिळाला पण आज सकाळच्या नाश्त्यानंतर मी पहिल्यांदा केक बनवायला चालू केले. मी दोन्ही केक बनवले पण क्रीम इतके पातळ होते की ते केकवर घालताच खाली पडायला लागेले. अजॉयनी ताटलीत पडलेले क्रीम केकवर घालत राहणे चालू ठेवले आणि त्याचा निर्धार म्हणून हा प्रयोग वेगळाच पण चविष्ठ झाला.


साहित्य
३/४ वाटी मैदा
२ चमचे कोको पूड
१ चमचा बेकिंग पूड
१/४ चमचा खाण्याचा सोडा
१/२ वाटी + ४ चमचे पिठी साखर
१/४ वाटी दुध
१ चमचा लोणी
२ अंडी
१/४ चमचा व्हॅनिला इसेन्स
१/२ वाटी फ्रेश क्रीम
१ मध्यम आकाराची कॅडबरी
१/४ वाटी टीनड चेरी
२ चमचे चेरीचा पाक
चिमुटभर मीठ

कृती

• मैदा, कोको पूड, बेकिंग पूड, खाण्याचा सोडा आणि मीठ एकत्र ८-१० वेळा चाळून घेणे.
• दुध उकळून त्यात लोणी घालणे.
• केकच्या भांड्याला लोण्याचा हात लावून त्यावर बटर पेपर लावून तयार करून ठेवणे.
• ओव्हन २००C वर गरम करणे.
• अंड्याचे पिवळे आणि पांढरे वेगळे करणे.
• अंड्याचे पांढरे घट्ट होईपर्यंत फेटणे.
• अंड्याच्या पिवळ्यात १/२ वाटी पीठ साखर चमचा चमचा एका वेळी घालत एकत्र करणे.
• त्यात चाललेले मैद्याचे मिश्रण थोडे थोडे घालणे व नंतर व्हॅनिला इसेन्स घालणे.
• अंड्याचे पांढरे घालुन एकत्र करणे.
• त्यात दुध आणि लोण्याचे मिश्रण घालुन एकत्र करणे.
• केकच्या भांड्यात मिश्रण ओतून केक मायक्रोवेव्ह आणि कन्व्हेक्शन मोड मध्ये १८०W १८०C वर १५ मिनिट भाजणे व थंड करण्यासाठी बाजूला ठेवणे.
• क्रीम आणि ४ चमचे साखर एकत्र फेटणे.
• कॅडबरी किसून बाजूला ठेवणे.
• केक उभा कापून त्यावर चेरीचा पाक लावणे.
• अर्धे क्रीम, निम्म्या चेरी आणि निम्मी किसलेली कॅडबरी एका केकच्या भागावर लावणे व त्यावर दुसरा केकचा तुकडा ठेवणे.
• त्यावर उरलेले क्रीम, चेरी आणि कॅडबरी घालणे. जर क्रीम ताटलीत आले तर ते पुन्हा केकवर ओतणे.

टीप
मी केक ओव्हल आकाराचा बनवलेला त्यामुळे तो दुबत्या बोटीसारखा दिसत होता
दुध आणि अंड्याचे पांढरे एकत्र करताना एकदम हळूहळू एकत्र करणे

चॉकोचीप ब्रावनी

Read English Version

२ दिवसांपूर्वी मी ऑफिसमध्ये ब्रावनी खाऊन आल्यावर आज त्यांना घरी बनवण्याचा निर्णय घेतला. थोड फार इंटरनेटवर शोधून विविध कृती एकत्र करून मी हे ब्रावनी बनवलेत.


साहित्य
८० ग्राम डार्क चॉकलेट बार
४० ग्राम दुधाचे चॉकलेट बार
१ वाटी लोणी
२ अंडी
१.५ वाटी मैदा
३ चमचे कोका पूड
१/२ वाटी पिठी साखर
१ चमचा बेकिंग पूड
मीठ

कृती

• एका भांड्यात पाणी उकळत ठेवणे. त्यावर दुसरे भांडे ठेवून त्यात लोणी, डार्क चॉकलेट आणि अर्धे दुधाचे चॉकलेट घालुन वितळवणे. थंड होण्यासाठी बाजूला ठेवणे.
• एका भांड्यात अंडी आणि साखर घालुन फेटून घेणे.
• त्यात आधी वितळवलेले चॉकलेट घालुन फेटणे.
• मैदा, बेकिंग पूड आणि कोका पूड एकत्र ८-१० वेळा चाळून घेणे.
• अंड्याच्या मिश्रणात १-२ चमचे एकावेळी असे करत मैद्याचे मिश्रण घालुन एकत्र करणे.
• उरलेले चॉकलेट चिरून बारीक बारीक तुकडे करणे व मिश्रणात घालणे.
• ओव्हन ३५०F/१८०C वर गरम करणे.
• केकच्या भांड्याला लोणी लावून त्यावर बटर पेपर घालणे. केकचे मिश्रण भांड्यात ओतून केक ओव्हन मध्ये ३५०F/१८०C वर ३०-३५ मिनिट भाजणे.
• खायला देताना ब्रावनी मायक्रोवेव्हमध्ये गरम करून आईस्क्रीम आणि चॉकलेट सॉस बरोबर देणे.

टीप
मैदा आणि कोको पूड चांगली एकजीव झाली पाहिजे त्यामुळे जितक्या जास्त वेळा चाळाल तेवढा चांगलं.
ब्रावनीमध्ये अक्रोडचे तुकडे घालुन अक्रोड ब्रावनी पण करता येईल