कोकम सरबत

Read English Version

एक मस्तपणे ताजेतवाने करणारे पेय्य. मी हे बरेचवेळा बनवते पण आज फोटो काढून पाककृती देत आहे.


साहित्य
१०-१२ कोकम
३ चमचे साखर
१/२ चमचा जिरे पूड
१/४ चमचा धने पूड
मीठ चवीपुरते

कृती

• कोकम १/२ वाटी पाण्यात एक तासभर भिजवून ठेवणे.
• कोकम व पाणी मिक्सर मध्ये घालणे. त्यात ३.५ वाटी पाणी, साखर, जिरे पूड, धने पूड आणि मीठ घालणे.
• मिक्सरमध्ये एकदम बारीक होईपर्यंत वाटणे.
• सरबत गाळून घेऊन थंडगार प्यायला देणे.

टीप
जर सरबत बर्फ घालुन द्यायचे असेल तर १/२ वाटी कमी पाणी घालणे म्हणजे सरबताची चव कमी होणार नाही.

वरयाचा भात आणि शेंगदाणा आमटी

Read English Version

लहान असताना आई हा भात आणि आमटी उपवासाच्या दिवशी बनवायची. मला हे इतके आवडते की मी उपवासाच्या दिवसाची वाट बघायचे. आज बरेच लोकांकडून कळले की शिवरात्री आहे मग मी लगेच हा भात आणि आमटी बनवली

वरयाचा भात


साहित्य
१ वाटी वरया
२ वाटी पाणी
१/२ चमचा जीरा
२ चमचे तूप
मीठ

कृती

• भांड्यात तूप गरम करून त्यात जीऱ्याची फोडणी करणे
• वरया त्यात घालुन गुलाबी होई पर्यंत भाजणे.
• पाणी आणि मीठ घालुन मध्यम आचेवर भात होईपर्यंत शिजवणे.

टीप
भात परतताना त्यात शेंगदाणा कुट पण घालता येईल थोडी वेगळी आणि छान चव येते आणि मग शेंगदाणा आमटीची गरज नाही पडणार पण मला ती आमटी आवडत असल्यानी मी शेंगदाणा कुट वापरला नाही

शेंगदाणा आमटी


साहित्य
१ वाटी खोबरे
३ वाटी पाणी
२ चमचा गुळ
३-४ हिरव्या मिरच्या
३-४ कोकम
१/२ चमचा जिरे
मीठ
१ चमचा तूप

कृती

• शेंगदाणे भाजून त्याची साले काढणे व मिक्सर मध्ये पाणी घालुन वाटणे
• कढईत हे मिश्रण घालुन गरम करणे.
• त्यात गुळ, बारीक चिरलेल्या मिरच्या, कोकम आणि मीठ घालुन उकळी आणणे.
• छोट्या कढईत तूप गरम करून त्यात जीऱ्याची फोडणी करणे व उकळत्या आमटीत टाकणे.

टीप
शेंगदाणे एकदम बारीक वाटले पाहिजेत नाहीतर आमटी बरोबर होत नाही व सगळे शेंगदाणे खाली राहतील.

सोल कढी

Read English Version

खूप प्रसिद्ध आणि चविष्ठ कोकणी पदार्थ... सगळ्यात चांगली गोष्ट म्हणजे कढी एकम पाचक आहे आणि पित्तावरती एकदम रामबाण उपाय आहे. अशीच पिता येईल किंव्हा भातावर घेऊन खाता येईल.


साहित्य
८ कोकम
१ नारळ
१-२ लसूण पाकळ्या
मीठ
कोथिंबीर

कृती

• कोकम १/४ वाटी पाण्यात भिजवून ठेवणे.
• खवलेला नारळ वाटताना त्यात लसूण घालुन वाटावे व दुध काढणे.
• नारळाचे दुध भिजवलेल्या कोकम पाण्यात घालणे.
• त्यात मीठ आणि कोथिंबीर घालुन वाढणे.

टीप
लसुणाची चव आवडत नसेल तर नारळाचे दुध काढताना त्यात लसूण नाही घातले तरी चालते पण लसुणाची एकदम चांगली चव येते.
गोव्यात एकदम चांगले कोकम मिळतात, त्यांना चांगला रंगपण असतो आणि आंबटपणा पण चांगला येतो.
आंबटपणानुसार सोले कमी जास्त करणे. माझ्याकडची सोले जरा जुनी असल्यानी त्यांना आंबटपणा आणि रंग दोन्ही कमी आहे. पण जर नवीन कोकम असतील तर १-२ कमी कोकम पण चालू शकतील.