मटार आणि ढोबळी मिरचीची चटणी


मागच्या आठवड्यात मी पराठे बनवताना फ्रीजमध्ये मिरची नसल्यानी ढोबळी मिरची वापरण्याचे थरवले. मिक्सरमध्ये ते वाटल्यानंतर मला मटार वापरण्याचे सुचले. पहिला पराठा तयार होताच आम्ही चव बघितली आणि तो एकदम छान कुरकुरीत आणि चटपटीत होत. पण नंतर जेवायला बसे पर्यंत पराठे मऊ झालेले आणि ते खाणे सोपे नव्हते. मी संध्याकाळी उरलेलं मिश्रण सॅन्डविचमध्ये काकडी आणि टोमाटो बरोबर वापरले. ब्रेड बरोबर ह्या चटणीची चव एकदम निखारून आली. माझ्यामते हि चटणी ब्रेड, बर्गर किंवा अशीच चटणी म्हणून जास्त चांगली आहे.

मटार आणि ढोबळी मिरचीची चटणी
साहित्य
२ वाटी मटार
१ ढोबळी मिरची
१ लिंबू
४ लसूण पाकळ्या
मुठभर कोथिंबीर
१ चमचा तिखट
१/४ चमचा धने पूड
मीठ

कृती
  • लिंबू मिक्सर मध्ये पिळणे.
  • त्यात चिरलेली ढोबळी मिरची, लसूण, मीठ आणि कोथिंबीर घालून बारीक वाटणे
  • त्यात मटार, तिखट, धने पूड घालून बारीक वाटणे.

टीप
मी फ्रोझन मटार वापरले पण ताजे मटार वापरायला हरकत नाही
मी हीच चटणी पुन्हा बर्गरसाठी बार्बिक्यूच्या दिवशी वापरली आणि सगळ्यांना हि चटणी एकदम आवडली

Related Posts Plugin for WordPress, Blogger...

  © माझे स्वयंपाक प्रयोग | Template Recipes by Emporium Digital

TOP