लेमन शिफॉन केक

Read English Version

मला आता आठवत पण नाही कि मी हा केक कधी आणि कसा बनवण्याचे थरवले. बहुदा मी जेंव्हा हलका आणि मऊसर केक करण्याचा प्रयोग करताना हा केक बनवला असेल. पण त्यानंतर मी बर्याच वेळा हा केक बनवला आणि प्रत्येक वेळा एकदम हिट होता :) आठवड्यापूर्वी कॉस्कोमधून लेमन क्रीम आणि व्हाईट चॉकलेट वाले बदाम आणले आणि मला ह्या केकची आठवण झाली


साहित्य
१.५ वाटी - १.५ टेबल स्पून मैदा
१.५ टेबल स्पून कॉर्न फ्लौर
१/४ टी स्पून बेकिंग सोडा
१/४ टी स्पून मीठ
१.५ वाटी + १ टेबल स्पून साखर
२ लिंबू
३ अंडी
१/२ वाटी तेल
१/२ टी स्पून व्हॅनिला इसेन्स
१/४ टी स्पून क्रीम ऑफ टारटर

कृती

• ओव्हन ३२५F/१६५C वर गरम करणे
• मैदा, कॉर्न फ्लौर, बेकिंग सोडा, मीठ आणि १.५ वाटी साखर एकत्र करणे
• अंड्याचे पांढरे आणि पिवळे वेगळे करणे
• अंड्याचे पांढरे फोमी होईपर्यंत फेटणे
• त्यात क्रीम ऑफ टारटर घालून सॉफ्ट पिकस येईपर्यंत फेटणे
• त्यात उरलेली १ टेबल स्पून साखर घालून हार्ड पिक्स येईपर्यंत फेटणे व मिश्रण बाजूला ठेवणे
• एका भांड्यात अंड्याचे पिवळे, लिंबाचे साल किसून, १ टेबल स्पून लिंबाचा रस, तेल,व्हॅनिला इसेन्स आणि २/३ वाटी पाणी घालून फेटणे
• त्यात मैदयाचे मिश्रण घालून फेटणे
• १/३ अंड्याचे पांढरे मिश्रण एका वेळी घालून हलक्या हातानी ढवळणे, असे सगळे मिश्रण एकत्र होईपर्यंत करणे
• ८. ५ इंचाचे लोफच्या भांड्याला लोण्याचा हात लावून त्यात मिश्रण घालणे
• ३२५F/१६५C वर ४५ मिनिट केक भजने व नंतर बाहेर काढून थंड होऊ देणे

टीप
मैदा आणि कॉर्न स्टार्च मोजताना पहिल्यांदा १.५ टी स्पून कॉर्न फ्लौर वाटीत घालणे व त्यात नंतर मैदा घालून मोजणे. केक फ्लौर पण ह्याऐवजी वापरता येईल.

बदाम पिस्ता क्रेझीन बिस्कॉटी

Read English Version

मी हल्लीच इकडल्या लायब्ररीची जादू आणि ताकद बघितली. लायब्ररीत पाय टाकताच मला कळलेले कि मी इथून भरपूर पुस्तके घेणार आहे. त्या आठवड्यात मी ५ पेक्षाही जास्त वेळ घालून वेगवेगळ्या विषयावर ४० पुस्तके घरी आणली :) एका डेझर्टच्या पुस्तकात हि कृती होती आणि पहिल्यांदा मी ती साधारण तशीच्या तशी वापरून हे बिस्कॉटी बनवलेले. पण त्यानंतर मी बनवताना मैदा, लोणी वगैरे बरच काही वेगळ्या प्रमाणात वापरले आणि ते एकदम मस्त कुरकुरीत शलेले. आता कमीत कमी एका आठवड्याचे ४ वाजता खाण्याचा खाऊ तयार आहे :)



साहित्य
३/४ वाटी लोणी
२.२५ वाटी साखर
६.२५ वाटी मैदा
२ चमचे बेकिंग पूड
२ लिंबाची साल किसून
४ अंडी
१ वाटी बदाम
१ वाटी पिस्ता
१ वाटी क्रेझीन
२ चमचे बडीशेप
१ चमचा मीठ

कृती

• ओव्हन ३५०F/१७५C वर गरम करणे.
• एका भांड्यात लोणी आणि साखर एकत्र एकजीव होईपर्यंत फेटणे, साधारण एक मिनिट.
• मैदा, बेकिंग पूड, मीठ आणि लिंबाची किसलेली साल त्यात घालून एकत्र घालून फेटणे.
• त्यात एकावेळी एक अंडे घालत फेटणे
• त्यात बदामाचे, पिस्त्याचे तुकडे, क्रेझीन आणि बडीशेप घालून पुन्हा फेटणे
• ओट्यावर थोडा मैदा शिंपडून मिश्रण टाकणे. नीट मळून त्याचे १२ इंचाचे व साधारण १ इंचापेक्षा थोडेसे जास्त उंचीचे २ लांब गोळे बनवणे.
• बेकिंग तव्यावर बटर पेपर घालून त्यावर हे गोळे ठेवणे
• ओव्हनमध्ये ३५०F/१७५C वर ३० मिनिट भाजणे. नंतर १० मिनिट बाहेर थंड होऊ देणे
• धारधार सुरीने त्याचे १/२ इंच रुंदीचे तुकडे करणे
• बेकिंग तव्यावर चिरलेली बाजू वरती ठेवून तुकडे पसरणे व ओव्हनमध्ये ३५०F/१७५C वर २५ मिनिट भाजणे
• बिस्कॉटी थंड होऊ देणे व त्यानंतर डब्यात भरणे

टीप
मी बदाम, पिस्ते आणि क्रेझीन वापरले पण त्याऐवजी कुठलेही नट्स वापरता येतील. ह्यावेळी मी बडीशेप घालायला विसरलेले पण ह्या आही मी ती घातलेली आणि त्यांनी मस्त चव आणि वास आलेला आणि सगळ्यांना खूप आवडलेले
मी फेटण्यासाठी किचनएडचा स्टँडिंग मिक्सर वापरला पण हातातला मिक्सरपण वापरता येईल

चॉकलेट कपकेक

Read English Version

एकादिवशी असच काहीतरी बेकिंग करायचा म्हणून केलेला हा प्रयोग. बरेच दिवसांपासून फ्रीजमध्ये असलेल्या बटर आयसिंगचा एकदम मस्त उपयोग आणि ते केक बरोबर एकदम छान लागले


साहित्य
2 वाटी साखर
२ चमचे व्हॅनिला इसेन्स
१ अंडे
१/२ वाटी तेल
१ वाटी दुध
१.७५ वाटी मैदा
१ वाटी कोको पूड
१ चमचा बेकिंग पूड
१ चमचा बेकिंग सोडा
१/२ चमचा मीठ
२ चमचे इन्स्टण्ट कॉफी

कृती

• ओव्हन 3२५F/१६०C वर गरम करणे
• अंडी, साखर आणि व्हॅनिला इसेन्स एकत्र फेटणे
• त्यात तेल आणि दुध घालून मध्यम वेगात मिश्रण फेटून घेणे
• मैदा, कोको पूड, बेकिंग पूड आणि बेकिंग सोडा २-३ वेळा चाळून घेणे
• चाळलेले पीठ अंडी-तेल-दुधाच्या मिश्रणात घालून २ मिनिट कमी वेगावर फेटणे
• १ वाटी पाणी आणि कॉफी एकत्र करून मायक्रोवेव्हमध्ये १ मिनिट गरम करणे
• कॉफी केकच्या मिश्रणात घालून मध्यम वेगात २ मिनिट फेटणे
• कपकेकच्या भांड्यात १४ लायनर घालून त्यात ३/४ पातळीपर्यंत भरणे
• ओव्हनमध्ये १८ मिनिट भाजणे.
• केक कमीत कमी १ तास थंड होऊ देणे मग केकवर फ्रॉसटिंग आणि फिलिंग घालून केक खायला देणे

टीप
मी फिलिंग नाही वापरले पण चॉकलेट गनाश एकदम चांगले जाइल
मी आधी बनवलेले चॉकलेट बटरक्रीम फ्रॉसटिंगसाठी वापरले

फिश कबाब

Read English Version

मागच्या रविवारी मी संध्याकाळच्या चहाबरोबर खाण्यासाठी काहीतरी बनवायचे म्हणून हे कबाब बनवलेले. एकदम लवकर आणि छान झालेले.


साहित्य
२ माश्यांचे तुकडे (साधारण १८० ग्राम काट्या विना)
१ कांदा
४-५ लसूण पाकळ्या
१ चमचा आले
१/४ चमचा तिखट
१ हिरवी मिरची
१/४ चमचा मिरे पूड
१/४ चमचा दालचिनी पूड
१/४ चमचा लवंग पूड
१/२ चमचे धने पूड
१/४ चमचा गरम मसाला
१/४ वाती कोथिम्बिर
४-५ छोट्या ढब्बू मिरच्या
१/२ लिंबू
मीठ
तेल

कृती

• माश्याचे तुकडे कुस्करून त्यात मिरे पूड, तिखट, दालचिनी पूड, लवंग पूड, धने पूड, गरम मसाला आणि मीठ घालून एकत्र करणे
• त्यात बारीक चिरून कांदे, ढब्बू मिरच्या, हिरवी मिरची आणि कोथिम्बिर घालणे
• त्यात लिंबाचा रस घालून मिश्रण चांगले एकत्र करणे व कबाबचे गोळे बनवणे
• तवा गरम करून त्यावर तेल व कबाब घालून सर्व बाजूनी गुलाबी होईपर्यंत मध्यम आचेवर परतणे

टीप
मी ह्यावेळी माशे मायक्रोवेव्हच्या ऑटो डिफ़्रोस्ट केलेले आणि ते एकदम ५ मिनिटात शलेले. नेहमीसारखे १५ मिनिट वाट बघत बसावे लागले नाही ते सुद्धा जेंव्हा आम्ही दोघेही खूप भुकेले होतो.
हे नाश्त्यासाठी, स्टार्टरम्हणून, साईड डिशम्हणून किंवा पावात घालून पण खायला देत येतिल.

हराभरा कबाब

Read English Version

मी हे कबाब शनिवारी बनवलेले आणि माझ्या मते आधीच्या पेक्षा हे जास्त छान होते. बर्याच जणांनी ह्याची कृती मागितली म्हणून मी इथे देत आहे.


साहित्य
६ वाटी मटार
२ मोठे बटाटे
१.५ वाटी पनीर
३ मुठभर पालकाची पाने
२ मुठभर कोथिंबीर
१ मुठभर पुदिना
३ हिरव्या मिरच्या
४ लसूण पाकळ्या
२ चमचे चाट मसाला
१ चमचा आमचूर पूड
१/४ वाटी ब्रेडक्रम्बस
१ वाटी काजू
मीठ
तेल

कृती

• बटाटे कुकरमध्ये उकडून थंड करणे. साले काढून किसून एका मोठ्या भांड्यात घालणे.
• ४ वाटी मटार मायक्रोवेव्ह मध्ये ३ मिनिट शिजवून घेणे.
• शिजलेले मटार आणि पालक मिक्सरमध्ये घालून बारीक वाटणे.
• त्यात कोथिंबीर, हिरव्या मिरच्या, लसूण आणि मीठ घालून आणखी वाटणे व बटाटे घातलेल्या भांड्यात ओतणे.
• त्यात किसलेले पनीर, चाट मसाला, आमचूर पूड आणि ब्रेडक्रम्ब्स घालून एकत्र करणे.
• उरलेले २ वाटी मटार मायक्रोवेव्ह करून मिश्रण घालून एकत्र करणे.
• मिश्रणाचे छोटे गोळे बनवून त्यावर काजू दाबून लावणे. मध्यम आचेवर तेल घालून तव्यावर दोन्हीबाजूनी गडद लाल होईपर्यंत भाजणे

टीप
मिश्रण लगेच वापरल्यावर थोडे चिकट वाटत होते पण मी उरलेले मिश्रण फ्रीजमध्ये ठेवलेले व दुसऱ्यादिवशी लगेच गोळे करून तव्यावर घातले. तेंव्हा ते जास्त चिकटत नव्हते आणि कबाब भाजायला सोप्पे झाले.
हि कृती मी सानेहामिच्या ४ जणांच्या हिशोबाऐवजी १२ लोकांच्या हिशोबानी स्तर्तार म्हणून केलेली
मी ह्यात ताजे पनीर बनवून वापरले. १ लिटर २% रिड्युस्ड फट दुध उकळवून त्यात एका लिंबाचा रस घालून ढवळणे. दुध फाटल्यावर ते पंच्यावर ओतून त्यातले पाणी काढून तयार झालेले पनीर हातानी कुस्करून मिश्रांत घातले.

मेथी कॉर्न आप्पे

Read English Version

हि डीश मी आधी पोस्ट केलेल्या कॉर्न आप्पेच्या कृतीवरून प्रेरित होऊन बनवलीये. थोडी वेगळी चव देण्याच्या प्रयत्नात हा प्रकार पण छान झालेला :)


साहित्य
४ वाटी स्वीटकॉर्न
२ वाटी रवा
४ हिरव्या मिरच्या
१ वाटी मेथी
१ वाटी कोथिंबीर
१/२ चमचा लसूण पेस्ट
१/२ चमचा इनो
मीठ
तेल

कृती

• मिक्सरमध्ये कॉर्न आणि हिरव्या मिरच्या एकत्र बारीक वाटून घेणे.
• त्यात मीठ, रवा, लसूण पेस्ट घालुन चांगले ढवळणे.
• त्यात बारीक चिरलेली मेथी आणि कोथिंबीर घालुन मिसळणे.
• मिश्रणात इनो घालुन चांगले ढवळणे.
• आप्पे पात्र गरम करून त्यात तेलाचा थेंब घालुन चमचाभर मिश्रण घालणे.
• आपे गुलाबी होईपर्यंत मध्यम आचेवर भाजणे, परतून दुसरी बाजूपण गुलाबी करणे.

टीप
जर फ्रोझन कॉर्न वापरले तर मायक्रोवेव्हमध्ये २ मिनिट गरम करणे म्हणजे वाटायला एकदम सोप्पे होईल

हरबरा डाळ वडा आणि डोसा

Read English Version

आज काहीतरी वेगळे करून बघण्याचा माझा विचार होता. थोड्या आठवड्यांपूर्वी अशीच कुठलीतरी कृती वाचलेली आणि त्यांनीच प्रेरित होऊन मी हे वडे बनवले. संध्याकाळी त्याच पीठाचे डोसे बनवले आणि ते सुद्धा तितकेच चांगले झालेले.

हरबरा डाळ वडा

हरबरा डाळ डोसा

साहित्य
२.५ वाटी हरबरा डाळ
४ चमचे हिरव्या मिरच्या
४ चमचे कोथिंबीर
४ चमचे पुदिना
४ लसूण पाकळ्या
मीठ
तेल

कृती

• हरबरा डाळ रात्रभर भिजवून ठेवणे.
• सकाळी मिक्सरमध्ये डाळ, मिरच्या, लसूण, कोथिंबीर, पुदिना आणि मीठ एकत्र बारीक वाटणे.
• वड्यासाठी: गरम तेलात चमचाभर पीठ टाकून मध्यम आचेवर दोन्हीबाजुनी गुलाबी होईपर्यंत तळणे.
• डोश्यासाठी: पिठात थोडे पाणी घालुन पातळ करणे व तेल लावलेल्या गरम तव्यावर ओतून पसरवणे. दोन्हीबाजुनी गुलाबी होईपर्यंत भाजणे.

टीप
वडे बनवायचे असल्यास डाळ वाटल्यावाटल्या लगेच तळणे नाहीतर वडे तेल जास्त शोषून घेतात, खर सांगायच झाल तर मी त्यामुळेच संध्याकाळी उरलेल्या पीठाचे डोसे बनवले.

पनीर बर्गर

Read English Version

पनीरच काहीतरी वेगळ बनवायचा विचारात पहिल्यांदा पिझ्झा ठरलेला पण मग बाहेर जायचं असल्यानी तो बेत रद्द केला. शेवटी बर्गर बनवला.


साहित्य
८ बर्गरचे पाव
८ चीज स्लाईस
४०० ग्राम पनीर
१ वाटी मैदा
२ बटाटे
१ चमचा आले
३-४ लसूण पाकळ्या
३-४ हिरव्या मिरच्या
१ चमचा मिरे पूड
मुठभर कोथिंबीर
१ कांदा
१ टोमाटो
१ वाटी लेट्युस
मीठ
तेल

कृती

• पनीरचे चौकोनी तुकडे करून तव्यावर थोडे तेल घालुन गुलाबी रंगावर भाजून घेणे.
• कुकरमध्ये बटाटे उकडून घेणे.
• आले, लसूण, हिरवी मिरची मिक्सर मध्ये बारीक वाटून घेणे
• परातीत कुस्करलेले बटाटे, आले-लसूण-मिरचीचे वाटण, मिरे पूड, बारीक चिरलेली कोथिंबीर आणि मीठ एकत्र करणे.
• त्यात पनीरचे तुकडे घालणे व मिश्रणाचे टिक्की बनवणे.
• मैदा आणि पाणी एकत्र करून पातळ पीठ बनवणे. ह्या पिठात टिक्की बुडवून तेलात मध्यम आचेवर गुलाबी होईपर्यंत तळणे.
• बर्गरच्या पावावर टोमाटो, कांदा आणि चीज यांचा तुकडे रचणे. त्यावर टिक्की आणि लेट्युस घालुन बर्गर बंद करणे व खायला देणे.

टीप
मी ह्यात मेयो किंवा टोमाटो सॉस न वापरता बाजूला दिला त्यामुळे इंडिअन मसालेदार चव तशीच राहिली

मेथी पुरी

Read English Version

थोड्या दिवसांआधी मला इंडिअन मार्केट मध्ये एकदम छान मेथी मिळाली. नेहमीच्या पराठ्या आणि भाजीऎवजी काहीतरी वेगळ करायचा म्हणून हि पुरी केली. पहिल्याच प्रयत्नात एकदम सुंदर आणि चविष्ठ झालेली हि पुरी इथे देत आहे.


साहित्य
१ मेथी गड्डी
२ वाटी मैदा
१ वाटी गव्हाचे पीठ
२ हिरव्या मिरच्या
१ चमचा आले
४-५ लसूण पाकळ्या
मीठ
तेल

कृती

• मेथी धुवून मिक्सरमध्ये घालणे.
• त्यात लसूण, आले, मिरच्या आणि अर्धा वाटी पाणी घालुन एकदम बारीक वाटणे.
• परातीत मिश्रण ओतून त्यात मैदा, गव्हाचे पीठ आणि मीठ घालुन चांगले मळणे.
• पिठाच्या गोळ्याला २-३ थेंब तेल लावून झाकून भिजण्यासाठी अर्धा तास बाजूला ठेवणे.
• कढईत तेल गरम करून त्यात छोट्या पुऱ्या लाटून तळणे. दोन्ही बाजू गुलाबी झाल्याकी बाहेर काढणे.

टीप
मेथीचे मिश्रण बारीक वाटणे फार गरजेचे आहे नाहीतर लसूण, आल्याचे तुकडे लाटताना मध्ये मध्ये येऊन पुऱ्या फाटतील व फुलणार नाहीत.
मला पीठ भिजवताना आजून पाणी वापरावे लागले नाही. पण जरुरी वाटल्यास अजून पाणी किंवा पीठ वापरून मळणे.

लिंबू आणि अ‍ॅप्रिकॉटचा केक

Read English Version

मी अजॉयच्या वाढदिवसासाठी पाउंड केक सारखा पण थोडा जास्त रिच असा केक शोधात होते. त्याला प्लेन केक हा प्रकार फार आवडतो त्यामुळे त्याच्यासारखाच पण थोडा भारी :) असा हा केक मी माझ्याकडच्या एका पुस्तकातील कृती बघून आणि थोडा आमच्या चवीनुसार प्रमाण बदलून केला. मला ह्या केक मध्ये लिंबू नाहीतर संत्र वापरायाचच होत, इतके दिवस फूड नेटवर्कवरच्या कार्यक्रमात त्यांच्या सालीचा वापर करताना बघून प्रत्यक्षात कसा लागत हे जरा जाणून घ्यायचं होत त्यामुळे ह्यात मी लिंबाचा वापर केलाय


साहित्य
३ वाटी मैदा
१७५ ग्राम अ‍ॅप्रिकॉट
१ वाटी बदाम
१.२५ वाटी पिस्ता
२/३ वाटी उभे चिरलेले बदाम
२ वाटी साखर
१ + १/३ वाटी लोणी
१.२५ चमचा बेकिंग पूड
३ अंडी
१/३ चमचा मीठ
१ मोठं लिंबू

कृती

• ओव्हन १८०C/३५०F वर गरम करणे.
• एका मोठ्या भांड्यात लोणी आणि १.५ वाटी साखर एकत्र करून घोटणे.
• मैदा आणि बेकिंग पूड एकत्र ३-४ वेळा चाळून घेणे व लोणी-साखरेच्या मिश्रणात घालणे.
• त्यात अंडी, मीठ, लिंबाची साल किसून, १/२ वाटी कोमट पाणी घालुन पुन्हा एकत्र फेटणे.
• त्यात बारीक चिरलेले अ‍ॅप्रिकॉट, १ वाटी बदाम पूड करून आणि १ वाटी पिस्ता बारीक चिरून अलगद एकत्र करणे.
• लोफच्या किंवा केक बनवायच्या कुठल्याही आकाराच्या भांड्याला लोण्याचा हात लावून पार्चमेंट कागद खाली व बाजूना लावणे. त्यात केकचे मिश्रण चमच्यानी घालुन एकसारखे करणे.
• उरलेले पिस्ता आणि चिरलेले बदाम वर घालुन ते अलगद मिश्रणात दाबणे
• केक ७५ मिनिट १८०C/३५०F वर भाजणे. साधारण ५० मिनिट भाजल्यावर त्यावर अल्युमिनियमचा कागद वरून लावणे व उरलेला वेळ भाजणे.
• ओव्हनमधून केक बाहेर काढून १० मिनिट थंड होण्यासाठी बाहेर ठेवणे.
• त्यावेळात मध्यम आचेवर लिंबाचा रस आणि उरलेली साखर एकत्र करून ती विरघळेपर्यंत व त्यानंतर थोडे बुडबुडे येईपर्यंत शिजवणे.
• मिश्रण गरम असताना केकवर ओतणे व केक अलगद बाहेर काढणे व थंड होण्यासाठी ठेवणे.

टीप
केक भाजताना मध्ये अल्युमिनियमचा कागद लावल्यानी वर लावलेले बदाम आणि पिस्ते जास्त भाजून करपत नाहीत.

साबुदाण्याच्या पोह्याचा चिवडा

Read English Version

हा चिवडा इतका सोपा आणि हमखास चांगला होणारा प्रकार. मी जेंव्हा लहान होते तेंव्हा मला हा चिवडा फार आवडायचा. एकदम हलका, तिखट गोड असा हा चिवडा आता मला आणखीनच आवडतो तो त्याच्या बनवायच्या सोप्या कृती मुळे. मी आता हा नियमित करत जाणार आहे.


साहित्य
१०० ग्राम साबुदाणा पोहे
१ वाटी शेंगदाणे
२.५ चमचा तिखट
१ चमचा जिरे पूड
१ चमचा साखर
१ चमचा मीठ
तेल

कृती

• मिक्सरमध्ये तिखट, जिरे पूड, साखर, मीठ घालुन बारीक पूड होईपर्यंत वाटून घेणे व मोठ्या भांड्यात घालणे
• कढईत तेल गरम करून त्यात शेंगदाणे गुलाबी रंगावर तळून घेणे. मसाल्यात घालुन हलवून घेणे.
• त्याच तेलात थोडे थोडे पोहे घालुन तळणे. प्रत्येक वेळी तळल्या तळल्या लगेच मसाल्यात घालुन हलवणे.

टीप
पोहे तळून झाल्यावर गरम गरमच मसाल्यात घालणे फार महत्वाचे आहे नाहीतर मसाला त्यांना नीट लागत नाही.

शेव बटाटा दही पुरीसाठी(SPDP) पुरी

Read English Version

इथे आल्यापासून शेव बटाटा दही पुरीसाठी(SPDP) पुरी कधी मिळाल्याच नाही. पाणी पुरीच्या पुऱ्या वापरणे योग्य नाही वाटले. अजॉयचा आवडता पदार्थ असल्यानी मी पुऱ्या घरी बनवण्याचे ठरवले. थोड्या प्रयोगानंतर ही कृती एकदम चांगल्या पुऱ्या बनवते. आता मित्रमैत्रिणीनी पण त्यावर संमती दिलीये :)


साहित्य
१ वाटी मैदा
२ चमचे रवा
१/४ वाटी लोणी
तेल
मीठ

कृती

• मैदा, रवा आणि मीठ एकत्र करणे.
• त्यात वितळवलेले लोणी घालणे.
• १/४ वाटी पाणी घालुन मऊसर पीठ मळणे.
• १/४ चमचा तेल घालुन पुन्हा मळणे व भिजवण्यासाठी तासभर ठेवून देणे.
• पीठाचे गोळे बनवून पातळ लाटणे. वाटी वापरून किंवा कुकीकटर वापरून छोट्या पुऱ्या कापणे.
• तेल गरम करून मध्यम आचेवर पुऱ्या गुलाबी रंगावर भाजून घेणे. तेल शोषून घेण्यासाठी पुऱ्या टिशूवर काढणे
• ओव्हन ३५०F/१७५C वर गरम करणे व पुऱ्या १० मिनिट भाजून घेणे.

टीप
पुऱ्या जर पातळ लाटल्या तर जास्त फुगत नाही आणि जश्या पाहिजे तश्या कुरकुरीत बनतात.
मी पुऱ्या ओव्हन मध्ये भाजून घेतल्या त्यामुळे जो काही मऊसर पणा उरलेला तो निघून गेला.

आंबा मुज केक

Read English Version

हार्दिक आणि श्वेनीच्या फेरवेल पार्टीमध्ये एक आंबा मुज केक आणलेला. मला तो फार आवडलेला आणि त्याचा पहिला घास खातच मला तो स्वतः बनवण्याची फार इच्छा झालेली. केके इतका छान होता की बरेच जण त्यासाठी सिअ‍ॅटल सोडून जाव म्हणजे फेरवेल पार्टीमध्ये हा केक खाता येईल असा पण विनोद करायला लागलेले. मी बराच वेळ गप्पा होते तेंव्हा कोणीतरी म्हणाले की शीतलला त्याची गरज नाही कारण ती तर हा केक घरीच बनवेल. मी तेंव्हा काही बोलले नाही कारण माझ्या लक्षात आला की माझ्याकडून जरा जास्तच अपेक्षित केलं जातंय, पण माझा विचार एकदम पक्का झाला की हा केक वीकएंडलाच करून बघायचा. आणलेल्या केकमध्ये आंबा इसेन्स वापरला होता, मी आमरस वापरायचा ठरवला. चव खूपच छान आलीये. आता सगळ्यांना घरी बोलावून एकदा हमी भरून घ्यायला पाहिजे.


साहित्य
१ वाटी मैदा
३ अंडी
२०० ग्राम क्रीम चीज
३ वाटी क्रीम
५ वाटी आमरस
१ चमचा कॉर्न फ्लौर
२ चमचे दुधाची पूड
१/४ चमचा बेकिंग पूड
१.७५ वाटी साखर
४ चमचे जिलेटीन
४ चमचे लिंबाचा रस
२ चमचा तेल
१.२५ चमचा व्हॅनिला ईसेन्स
१/४ चमचे मीठ

कृती

• ३५०F/१७५C वर ओव्हन गरम करणे
• मैदा, कॉर्न फ्लौर ५ वेळा एकत्र चाळून घेणे. त्यात दुधाची पूड, बेकिंग पूड घालुन पुन्हा २ वेळा एकत्र चाळून घेणे.
• मिक्सरमध्ये अंड्याचे पांढरे आणि मीठ चाळून फोम येईपर्यंत फेटून घेणे.
• त्यात १/४ वाटी साखर घालुन घट्ट होईपर्यंत फेटून घेणे.
• दुसऱ्या भांड्यात अंड्याचे पिवळे, १/२ चमचे व्हॅनिला ईसेन्स आणि १/४ वाटी साखर घालुन साखर विरघळेपर्यंत फेटणे.
• त्यात तेल आणि अजून अर्धा चमचा व्हॅनिला ईसेन्स घालुन ३० सेकंद फेटणे.
• अंड्याचे पाढरे त्यात घालुन अलगद एकत्र करून घेणे.
• मैद्याचे मिश्रण १/३ वाटा एकावेळी घालत अलगद एकत्र करणे. जास्त ढवळू नये.
• ९ इन्च स्प्रिंगफॉर्म भांड किंवा कुठलेही ९ इन्च गोलाकार भांडे घेऊन त्याला खाली पार्चमेंट कागद घालुन लोणी लावणे. त्यावर केकचे मिश्रण ओतणे.
• केक ३५०F/१७५C वर ओव्हनमध्ये २० मिनिट भाजून घेणे.
• लगेच थंड होण्यासाठी जाळीच्या रॅकवर उलटवून ठेवणे.
• तेवढ्या वेळात एका भांड्यात १/४ वाटी साखर आणि १/४ वाटी पाणी घालुन ढवळत उकळवणे. अजून २-३ मिनिट उकळू देणे. भांडे खाली घेऊन त्यात १/४ चमचा व्हॅनिला ईसेन्स घालुन ढवळणे. थंड होण्यासाठी बाजूला ठेवणे.
• साखरेचे पाणी थंड होईपर्यंत एका भांड्यात क्रीम चीज, १ वाटी साखर आणि २ चमचे लिंबाचा रस घालुन एकत्र फेटणे.
• मायक्रोवेव्हमध्ये १/४ वाटी पाणी १ मिनिट गरम करणे. त्यात २ चमचे जिलेटीन घालुन पूर्ण विरघळेपर्यंत ढवळणे. क्रीम चीजच्या मिश्रणात घालुन फेटून घेणे.
• दुसऱ्या भांड्यात क्रीम घट्ट होईपर्यंत फेटून घेणे. अलगद पणे क्रीम चीजच्या मिश्रणात ढवळणे.
• त्यात ३ वाटी आंबा रस घालुन एकजीव होईपर्यंत ढवळणे.
• केकला आडवे कापून २ थर बनवणे. खालचा थर ९ इंच स्प्रिंगफॉर्म भाण्यात घालणे. त्यावर अर्धे साखरेचे पाणी ब्रशनी लावणे. आंब्याचे अर्धे मिश्रण त्यावर ओतून सपाट करून घेणे. त्यावर दुसरा केकचा थर ठेवणे. उरलेले अर्धे साखरेचे पाणी ब्रशनी लावून घेणे. उरलेले आंब्याचे मिश्रण ओतून सपाट करणे. फ्रीजमध्ये १ तास थंड करणे.
• केक थंड होऊन ४५ मिनिट झाल्यावर एका भांड्यात उरलेला २ वाटी आमरस, २ चमचे लिंबाचा रस घालुन गरम मध्यम आचेवर गरम करणे. उकळू देऊ नये अथवा चव बिघडेल. मिश्रण बाजूला काढणे.
• मायक्रोवेव्हमध्ये १/४ वाटी पाणी १ मिनिट गरम करणे. त्यात २ चमचा जिलेटीन घालुन विरघळवणे.हे मिश्रण आंब्याच्या गरम मिश्रणात घालुन चांगले ढवळणे. थोडे थंड होण्यासाठी बाजूला ठेवणे व पुन्हा ढवळून घेणे.
• फ्रीजमधून केक बाहेर काढून त्यावर हे मिश्रण एकसारखे ओतून थर देणे.
• केक फ्रीजमध्ये कमीत कमी ८ तास जमवण्यासाठी ठेवणे. भांड्याची रिंग काढून वरून फळे घालुन तुकडे खायला देणे.

टीप
केकचा दुसरा थर थोडा छोटा असावा. माझा केक फुलल्यामुळे कापल्यावर आपोआपच थोडा छोटा झाला. तसा नसेल तर बाजूनी थोडा कापून घेणे म्हणजे मग केक कापल्यावर तो थर बाहेरून दिसणार नाही.
केक जर भांड्यातच थंड झाला तर चिकटून बसेल त्यामुळे लगेच थंड करण्यासाठी जाळीच्या रॅकवर काढणे महत्वाचे आहे.
मी ह्यात देसाई बंधूंचा गोड आमरस वापरलाय त्यामुळे आंब्याचा स्वतः रस काढल्यास त्यात साखर घालायला विसरू नये.
जरी कृती थोडी लांब असली तरी एकदा बनवल्यावर लक्षात येईल की इतकी किचकट नाहीये. आणि शेवटी बनणारा केक फारच सुंदर होईल त्यामुळे कष्ट व्यर्थ नाही जाणार. :)

कोबी ब्रोकोली कबाब

Read English Version

नीट बघितले तर लक्षात येईल की आधीची पाककृतीपण कोबीचा वापर करत होती. मी हा पदार्थ मागच्या आठवड्यातील उरलेला कोबी आणि ब्रोकोली वापरून केलाय. काल संध्याकाळी जेंव्हा बनवण्यास सुरुवात केली तेंव्हा आधी भाजी बनवण्याचे ठरवलेले पण ते करताना लक्षात आले की ह्याची भाजीपेक्षा कबाब सुंदर होतील. करायला एकदम सोपे आणि पटकन होतात, मी हे फक्त अर्ध्या तासात आधी काहीही तयारी न करता बनवलेत.


साहित्य
२ वाटी कोबी
३ वाटी ब्रोकोली
१ टोमाटो
१ चमचा ऑरीगॅनो
१ चमचा जिरे
१ चमचा म्हवरी
१ चमचा चाट मसाला
१/२ चमचा तिखट
१/२ लिंबू
१ चमचा कोथिंबीर
१ चमचा पुदिना
२ चमचे मैदा
१ चमचा तांदुळाचे पीठ
चिमुटभर हिंग
१/४ वाटी काजू
मीठ
तेल

कृती

• अर्धा चमचा तेल गरम करून त्यात टोमाटो वाटून घालणे.
• त्यात ऑरीगॅनो आणि तिखट घालुन पूर्णपणे शिजवून ठेवून देणे.
• एका कढईत चमचाभर तेल गरम करून त्यात म्हवरी, जीरा व हिंग घालुन फोडणी करणे.
• त्यात बारीक चिरलेले ब्रोकोलीचे तुकडे घालुन ढवळत शिजवणे.
• ब्रोकोली शिजत आल्यावर त्यात बारीक चिरलेला कोबी, पुदिना आणि कोथिंबीर घालुन कोबी गुलाबी होईपर्यंत शिजवून घेणे.
• त्यात आधी बनवलेले टोमाटोचे मिश्रण, लिंबाचा रस आणि मीठ घालुन एक मिनिट शिजवणे व नंतर थंड करणे.
• मिश्रणात मैदा, तांदुळाचे पीठ आणि चाट मसाला घालुन मिश्रण घट्ट भिजवणे. त्याचे लिंबाच्या आकाराचे गोळे करून त्याला काजू लावून दोन्ही हाताच्या तळव्यांमध्ये दाबून कबाब बनवणे.
• तव्यावर दोन चमचे तेल गरम करून, कबाब दोन्ही बाजूनी गुलाबी होईपर्यंत भाजून घेणे.

टीप
मी मागच्या आठवड्यात राईस बोव्ल बनवण्यासाठी टोमाटोचे मिश्रण बनवलेले. ते इथे दिलेल्या प्रमाणाच्या दुप्पट बनवून त्यातील निम्मे वापरून उरलेले ठेवून दिलेले. फ्रीज मध्ये एकम उत्तम राहते व भाजीत वगैरे वेगळी चव देण्यासाठी खूप चांगले आहे.

ब्रेडचे दही वडे

Read English Version

अजॉय जेंव्हा घरी ब्रेड घेऊन आला तेंव्हा मी माझ्या ठरलेल्या नवीन वर्षाच्या नवीन उपक्रमानुसार तो तसाच न खाता काहीतरी नवीन बनवण्याचे ठरवले. हा चविष्ठ वडा करायला एकदम सोपा आहे.


साहित्य
८ ब्रेडचे स्लाईसेस
२.५ वाटी दही
२ हिरव्या मिरच्या
४ लसूण पाकळ्या
३ चमचे साखर
१/४ चमचा मिरे
चिमुटभर तिखट
चिमुटभर चाट मसाला
मुठभर कोथिंबीर
मीठ
तेल

कृती

• ब्रेड पाण्यात भिजवून लगेच हातावर ठेवून दाबून त्यातील पाणी काढून टाकावे.
• परातीत ब्रेड, बारीक चिरलेल्या मिरच्या आणि लसूण, मिरे पूड आणि मीठ घालुन मळून घ्यावे.
• लिंबाच्या आकाराचे गोळे करून ते गरम तेलात भाजून घ्यावे.
• एका भांड्यात दही, साखर, तिखट, चाट मसाला आणि मीठ घालुन ढवळून घ्यावे.
• प्लेटमध्ये वडे घालुन त्यावर दही पसरवावे व वरून बारीक चिरलेली कोथिंबीर घालुन खायला देणे

टीप
सगळे वडे लगेच खायचे नसतील तर ब्रेडचे मळलेले मिश्रण ठेवून खायच्या आधी तळावे नाहीतर तळलेले वडे ठेवल्यास ते रबरी होतात.

कोबीचे पॅटिस

Read English Version

सगळ्यात पहिल्यांदा सगळ्यांना नवीन वर्षाच्या शुभेच्छा. आई बाबांची इथली ट्रीप, नंतर आमची भारताची ट्रीप ह्या सगळ्यामुळे गेल्या बऱ्याच महिन्यांमध्ये मला खूपच कमी वेळा सकाळचा नाश्ता बनवण्याची संधी होती. त्यातच आताचा जेटलॅग त्यामुळे सकाळचा नाश्ता हि प्रयोगाची उत्तम वेळ ठरते. इथे आहे माझी पहिली कृती.


साहित्य
२ वाटी कोबी
२ बटाटे
२ चमचे कॉर्नफ्लोर
१/४ वाटी रवा
१/२ चमचा जीरा
२-३ लसुणाच्या पाकळ्या
मीठ चवीपुरते
तेल

कृती

• बटाटे कुकरमध्ये शिजवून थंड होण्यासाठी ठेवून देणे.
• तव्यावर तेल गरम करून जीऱ्याची फोडणी करणे.
• त्यात बारीक चिरलेले लसूण आणि कोबी घालुन गुलाबी रंगावर भाजणे.
• एका ताटलीत बटाटा किसून त्यात कॉर्नफ्लौर आणि मीठ घालुन मळणे.
• २-३ थेंब तेल शिंपडून पुन्हा मळणे व त्याचे लिंबाच्या आकाराचे गोळे करणे.
• प्रत्येक गोळा दाबून वाटी बनवणे व आधी बनवलेले कोबीचे मिश्रण अर्धा चमचा प्रत्येक वाटीत घालुन गोळे बंद करणे. थोडे दाबून पॅटिस बनवणे
• प्रत्येक पॅटिस रव्यात घोळवून तव्यावर थोडे थोडे तेल घालुन दोन्ही बाजूनी भाजणे.

टीप
मला कोबीचे मिश्रण फार मसालेदार न बनवता त्याला लसूण आणि जीऱ्याची चव द्यायची होती. पण तुम्ही तुमच्याचवीनुसार मसाले घालुन प्रत्येक वेळी वेगवेगळ्या चवीचे पॅटिसपण बनवू शकतात.

अंड्याविना चॉकलेट केक

Read English Version

अतुलच्या आईनी साधारण ६ महिन्यापूर्वी अंडी नसलेला केक बनवायला सांगितलेला. प्रत्येकवेळी काहीतरी कारणांनी ते राहूनच जायचं. आज जेंव्हा आम्ही त्यांच्याघरी नाष्ट्याला जाणार आहोत तेंव्हा मला वाटला हा केक घेऊन जाणे उत्तम ठरेल. केक एकदम मस्त मऊ आणि फुलून आला. मला अस वाटतंय की मला अंडे घातलेल्या ह्या चॉकलेट केकपेक्षा किंवा ह्या वाढदिवसाच्या चॉकलेट केकपेक्षा आजचा हा केक फार आवडला.


साहित्य
४.५ वाटी मैदा
१ वाटी कोको पूड
३ वाटी साखर
१ वाटी तेल
१ चमचा बेकिंग सोडा
२ चमचा व्हॅनिला ईसेन्स
१ चमचा मीठ

कृती

• ओव्हन ३५०F/१५०C वर गरम करणे.
• मैदा आणि कोको पूड एकत्र चाळून एका भांड्यात घेणे.
• त्यात बेकिंग सोडा आणि मीठ घालुन एकत्र करणे.
• दुसऱ्या भांड्यात तेल, ३ वाटी पाणी आणि व्हॅनिला ईसेन्स एकत्र फेटून घेणे.
• त्यात साखर घालुन पुन्हा फेटणे.
• मैदा आणि कोको पूडचे मिश्रण चाळत तेलाच्या मिश्रणात घालणे व फेटून घेणे.
• केक भाजायच्या भांड्याला तेलाचा हात लावून त्यात केकचे मिश्रण ओतणे.
• केक ३५०F/१७५C वर एकूण ५० मिनिट भाजणे, भाजताना ३५ मिनिट झाल्यावर पुढची बाजू मागे जाईल अस फिरवणे.

टीप
मी केकवर चॉकलेट गनाश ओतून पांढऱ्या चॉकलेट क्रीम चीजच्या आईसिंगनी सजवले.
जर गनाशच्या वर आईसिंगनी सजवायचे असेल तर गनाश साधारण ३-४ तास सेट होऊ देणे म्हणजे आईसिंगची सजावट घसरणार नाही. मी वाट न बघता लगेच आईसिंग करायला घेतले त्यामुळे मला फार त्रास झाला.

रेड वेल्वेट कपकेक

Read English Version

आई बाबा इथे होते तेंव्हाच मी हे बनवलेले पण तेंव्हा जरा सुके झालेले आणि रंग पण बरोबर आलं नव्हता. आज बनवताना मी थोडा प्रमाण बदललं आणि आता ते एकदम सुंदर झालेत. मी त्यांना पांढरे चॉकलेट क्रीम चीजचे आईसिंग केलं


साहित्य
२.५ वाटी मैदा
१/४ चमचा कोको पूड
१/४ चमचा बेकिंग सोडा
१/४ चमचा मीठ
१.५ वाटी साखर
१ अंड
१.५ वाटी तेल
२ चमचे दही
१ चमचा पातळ लाल खाण्याचा रंग
१/४ चमचा व्हिनेगर
१/४ चमचा व्हॅनिला ईसेन्स

कृती

• ३५०F/१७५C वर ओव्हन गरम करणे
• मैदा व कोको पूड चाळून भांड्यात घेणे.
• त्यात बेकिंग सोडा, मीठ आणि साखर घालुन एकत्र करणे.
• दुसऱ्या भांड्यात अंड, तेल, लाल रंग, व्हॅनिला ईसेन्स आणि व्हिनेगर घालणे.
• एका वाटीत दही घेऊन त्यात उरलेल्या मापाचे पाणी घालणे. चमच्यानी ढवळून अंड, तेल मिश्रणात घालणे
• मिश्रण कमी वेगावर एकजीव होईपर्यंत फेटून घेणे.
• त्यात मैदा-कोको पूडचे सर्व मिश्रण प्रत्येक वेळी एक वाटी भर घालुन एकजीव होई पर्यंत फेटून घेणे.
• कपकेकच्या भांड्यात कागदी कप घालुन १२ कप मध्ये मिश्रण घालणे.
• केक ३५०F/१७५C वर ओव्हनमध्ये २२ मिनिट भाजणे.

टीप
मी नेहमी साधारणतः ७०% केकचा भाजण्याचा वेळ झाला की त्याला वळवून ठेवते (ह्या केक साठी साधारणतः १५ मिनिट) त्यामुळे केके सगळ्याबाजुनी एकदम मस्त भाजला जातो.

मसाला पराठे

Read English Version

मी हे एकदम सोपे मसाला पराठे आज रात्रीच्या जेवणात बनवलेले. ह्याची कृती एकदम छोटी आणि सोपी आहे व पराठे एकदम उत्तम लागतात


साहित्य
२.५ वाटी गव्हाचे पीठ
१ चमचा मैदा
१/२ चमचा जिरे
१ चमचा जिरे पूड
१/४ चमचा धने पूड
१ चमचा तिखट
१/४ चमचा हळद
मीठ
तेल

कृती

• परातीत मैदा, गव्हाचे पीठ, जिरे, जिरे पूड, धने पूड, तिखट, हळद आणि मीठ एकत्र करणे.
• त्यात २ चमचे तेल घालुन चांगले एकजीव करणे.
• पिठात पाणी घालुन मळून घेणे. एक चमचा तेल सोडून पुन्हा मळणे व पीठ कमीत कमी अर्धा तास भिजण्यासाठी ठेवून देणे.
• लिंबाच्या आकाराचे गोळे बनवून त्रिकोणी घडी घालुन लाटणे. तव्यावर तेल सोडून भाजून घेणे.

टीप
हळद घातल्यानी पराठे एकदम मस्त पिवळे होतात. मी जरा कमीच तेलावर पराठे भाजले त्यामुळे त्यांचा पिवळा रंग शाबूत राहिला.
मैदा घातल्यानी पराठे मस्त खुसखुशीत होतात.

फ्रेंच फ्राईज

Read English Version

अजॉयला फ्रेंच फ्राईज खायला आवडते. त्यामुळे आम्ही रेडी टू फ्राय वाले बऱ्याचड आणून भाजून खालले आहेत. पण बरेच दिवसापासून मला ते घरी बनवण्याची फार इच्छा होती. प्रत्येक वेळी त्याला लागणाऱ्या रेफ्रीजरेशनच्या वेळेमुळे राहून जायचे. पण मागच्या शनिवारी मी शेवटी कमीत कमी वेळेत बनवण्याचा प्रयत्न करण्याचे ठरवले आणि ते एकदम चांगले झालेले. इथे पाककृती देत आहे.



साहित्य
२ बटाटे
मीठ चवीपुरते
तेल

कृती

• बटाट्याची साले काढून त्याचे आयताकृती तुकडे करणे.
• थंड पाण्याखाली स्वतच धुवून घेणे. पाणी स्वत्च येईपर्यंत बटाटे धुतले पाहिजेत.
• बटाटे थंड पाण्यात ५-१० मिनिटे बुडवून ठेवणे.
• पाणी काढून टाकून बटाटे टॉवेलवर पसरवून सुखवणे
• तेल गरम करून त्यात सोनेरी रंग येईपर्यंत भाजणे व टॉवेल वर पसरवणे.
• खायला देण्याच्याआधी पुन्हा तेल गरम करून त्यात फ्राईज सोनेरी गुलाबी रंग येईपर्यंत भाजणे.
• टॉवेलवर पसरवून त्यावर मीठ घालुन खायला देणे.

टीप
जर पाहुण्यांना देण्यासाठी बनवायचे असतील तर फ्राईजना एकदा भाजून फ्रीजमध्ये ठेवून देणे व आयत्यावेळी पुन्हा भाजून खायला देणे.
दोन वेळा भाजण्यानी बटाटे शिजतात, त्यातले पाणी निघून जाते व ते कुरकुरीत बनतात.