पायेश

Read English Version

मी आधी पण हि डीश बनवली होती पण आज मिलिंद आणि अजॉयसाठी पुन्हा बनवल्यावर फोटो काढून रेसिपी लिहायचे ठरवले. अजॉयचा आवडता गोड पदार्थ आणि इतके सोप्पे


साहित्य
१ लिटर दुध
३/४ वाटी तांदूळ
१.२५ वाटी गुळ

कृती

• दुध उकळवून ३/४ होईपर्यंत आटवणे
• तांदूळ धुवून उकळत्या दुधात घालुन भात शिजेपर्यंत उकळवणे
• गॅसवरून उतरवून त्यात बारीक चिरलेले गुळ घालणे.
• गुळ विरघळेपर्यंत ढवळणे. थंड करून खायला देणे.

टीप
दुध आणि भात मध्यम आचेवर सारखे ढवळत शिजवणे म्हणजे पायेश करपणार नाही.

व्हेज बिर्यानी

Read English Version

मी ही बिर्यानी बरेच वेळा बनवलीये पण शेवटी काल फोटो काढण्याचा अवसर मिळाला. त्यामुळे खास माझ्या व्हेजीटेरीअन दोस्तांसाठी ही पाककृती.


साहित्य
३ वाटी तांदूळ
३५०ग्राम भेंडी
२५० ग्राम छोटी वांगी
२५० ग्राम गाजर
२ कच्ची केळी
४ बटाटे
४ कांदे
३ टोमेटो
२ चमचे पुदिना पानं
१० लसूण पाकळ्या
२ चमचे किसलेला आलं
१/२ वाटी काजू
१/४ वाटी बदाम
१ चमचा किसलेले सुके खोबरे
१/२ चमचा खसखस
२ सुक्या मिरच्या
१/४ चमचे बडीशेप
१/४ चमचा मिरे
१ चमचा जिरे
१ चमचा धने
३/४ चमचे तिखट
१ चमचा गरम मसाला
२ वेलची
२ लवंग
३ दालचिनी काड्या
१/४ वाटी दुध
चिमुटभर केशर
मीठ चवीपुरता
तूप
तेल

कृती

• कुकरमध्ये दोन बटाटे शिजवून घेणे
• तांदूळ गरम पाण्यात अर्धा तास भिजवणे
• खसखस पाण्यात भिजवून ठेवणे
• वांगी, भेंडी, सालं काढून आणि चिरून कच्ची केळी, २ बटाटे आणि गाजर तळून घेणे.
• एका भांड्यात पाणी गरम करून त्यात भिजवलेले तांदूळ घालणे. भात बोटचेपा शिजेपर्यंत शिजवून घेणे. जास्तीचे पाणी गळून टाकणे.
• एक चमचा तूप गरम करून त्यात वेलची, लवंग आणि एक दालचिनीचा तुकडा टाकणे. हे मिश्रण भातात घालुन एकत्र करणे.
• कढईत तेल गरम करून त्यात २ कांदे बारीक चिरून शिजवणे. तेलातून बाजूला काढून ठेवणे.
• त्याच कढईत अजून एक चमचा तेल घालुन, जिरे, मिरे, सुकी मिरची, धने, बडीशेप, सुके खोबरे, दालचिनी, १/४ वाटी काजू आणि बदाम घालुन तळणे
• त्यात गरम मसाला, तिखट, खसखस, पुदिना पानं आणि आधी भाजलेला कांदा घालुन ढवळणे. मसाले सुगंध सोदेपार्यानता भाजून घेणे.
• मिश्रण थंड करून त्यात टोमेटो घालुन मिक्सरमध्ये वाटणे.
• कढईत तूप गरम करून त्यात वरचे वाटलेले मिश्रण घालणे. तेल सोडेपर्यंत भाजून घेणे.
• आता त्यात तळलेल्या भाज्या आणि मीठ घालुन २ मिनिट शिजवणे.
• दुध आणि केशर एकत्र करून गरम करून घेणे.
• उरलेले २ कांदे बारीक उभे चिरून आणि काजू कुरकुरीत आणि गुलाबी होईपर्यंत तळून घेणे.
• कुकरला तूप लावून त्यात उकडलेल्या बटाट्याचा, १/३ भाग भात, १/२ भाग भाजी, अजून १/३ भाग भात, बाकी उरलेली १/२ भाग भाजी आणि उरलेला १/३ भाग भात असे थर लावणे.
• ह्या थरांच्या आर पार भोकं पाडून त्यावर केशर-दुधाचे मिश्रण शिंपडणे.
• कुकर मंद आचेवर ठेवून, एक शिट्टी होईपर्यंत शिजवणे. बिर्यानीवर आधी तळलेला कांदा आणि काजू पसरवून वाढणे.

टीप
मी भाज्या ग्रेव्हीमध्ये शिजवण्याऎवजी त्यांना तळून ग्रेव्हीमध्ये घातले. त्यामुळे कुठलीच भाजी अर्धी कच्ची किंव्हा जास्त शिजली नाही आणि चव एकदम छान आली.
भाज्यातळताना छोटे बटाटे असतेतर जास्त चांगले झाले असते तर अख्खे तळता आले असते असे राहून राहून वाटले.

खेकडा पुलाव

Read English Version

हल्ली आम्ही कोस्टकोमधून खेकडे आणायला चालू केले. सगळ्यात प्रथम जेंव्हा खेकडे घेऊन आलो तेंव्हा मी हा सगळे साहित्य अंदाजाने घालत घालत हा पुलाव बनवण्याचा प्रयत्न केला. एकदम मस्त झाला पदार्थ आणि इतका आवडीचा ठरला की आता आमच्या जेवणात तो बरेचदा दिसतो.


साहित्य
१.५ वाटी तांदूळ
३०० ग्राम खेकड्याचा गर
१ वाटी दही
१/२ चमचा तिखट
१/२ चमचा मिरे पूड
१/४ चमचा धने पूड
१/४ चमचा जिरे पूड
चिमुटभर दालचिनी पूड
चिमुटभर लवंग पूड
मीठ
तूप

कृती

• दह्यामध्ये तिखट, मिरे पूड, धने पूड, जिरे पूड, दालचिनी पूड, लवंग पूड आणि मीठ घालणे.
• दह्यामध्ये खेकड्याचा गर घालुन नीट हलवून २ तास बाजूला ठेवणे.
• तांदूळ पाण्यामध्ये अर्धा तास भिजवून ठेवणे
• पाणी गरम करून त्यात भिजलेले तांदूळ घालुन शिजवणे. भात होत आलं की आचेवरून काढून बाजूला ठेवणे.
• कधी मध्ये तूप गरम करून त्यात दही लावलेले खेकडे दह्यासकट घालुन मध्यम आचेवर ब्रावून रंग येईपर्यंत शिजवणे. खेकडे शिजतील आणि तूप बाजूला सुटेल.
• त्यामध्ये शिजवलेला भात आणि चावीपुरात मीठ घालुन हलक्या हाताने ढवळणे.
• १-२ मिनिट वाफ काढून रायत्याबरोबर वाढणे

टीप
इथे खूप मोठे खेकडे मिळतात. आम्ही एकंदर ४ पाय = १.५ पाउंड = ०.७ किलो होते. त्याचे कवच काढून त्यातून ३०० ग्राम गर आला. जर छोटे खेकडे असतील तर कावचासहित वापरता येतील.
खेकड्याचा गर काढण्यासाठी ते धुवून घेतल्यावर धार धार सुरीनी कवच कापले आणि अलगद पणे गर बाहेर काढला.

अननस फ्राईड भात

Read English Version

आज काल बाहेर खायचा म्हटलं म्हणजे त्यात थाई पदार्थ माझे फार आवडीचे. फ्राईड भात तर पाहिजेच पण जर त्यात अननस वाला भात मिळाला तर सोने पे सुहागा :) पण बरेच दिवस झाले मी थाई पदार्थ घरी बनवून त्यामुळे आज मी नेहमीच्या भाताऎवजी अननस फ्राईड भात बनवण्याचा ठरवलं


साहित्य
३ वाटी तांदूळ
३ वाटी ब्रोकोली
२ वाटी अननस
१ वाटी गाजर
१ वाटी सेलरी
१ वाटी लाल ढोबळी मिरची
१ कांदा
२ हिरव्या मिरच्या
१/४ वाटी सोया सॉस
मीठ चवीपुरते
तेल

कृती

• तांदूळ अर्धा तास पाण्यात भिजवून ठेवणे
• दुसऱ्या भांड्यात पाणी उकळवून त्यात तांदूळ घालणे. भात शिजत आलं की त्यातील पाणी गाळून भात बाजूला ठेवणे.
• कढईत तेल गरम करून त्यात कांदे, हिरव्या मिरच्या, गाजर, सेलरी, ब्रोकोली, ढोबळी मिरची घालुन परतवणे.
• भांज्याचा कच्चा वास निघून गेला आणि अर्धवट शिजल्यावर त्यात अननस, सोया सॉस आणि मीठ घालुन अजून परतवणे.
• त्यात भात घालुन २-३ मिनिट परतवणे.

टीप
सोया सॉस थोडा खारट असतो त्यामुळे मीठ एकदम बेतानीच घालणे.

अख्या मसाल्याचा व्हेज पुलाव

Read English Version

मला मिरे फार आवडतात फक्त पूड नाही तर पापडत असतात तसे तुकडे सुद्धा. इथे आल्यापासून आम्ही गार्लिक पापडच खातोय कारण अजॉयला तोच आवडतो आणि मला दोन प्रकारचे पापड खायला द्यायला कंटाळा येतो. म्हणूनच मिरे खाण्यासाठी मी हि पाककृती तयार केली :)


साहित्य
२.५ वाटी तांदूळ
२ वाटी फ्लॉवर
२ कच्ची केळी
१ मध्यम आकाराचे वांगे
१ बटाटा
१ वाटी मटार
१/२ चमचा मिरे
१/२ चमचा जीरा
४-५ लवंग
४-५ वेलची
चिमुटभर केशर
मीठ
तेल
तूप

कृती

• एका भांड्यात पाणी उकळवून त्यात तांदूळ घालुन भात तयार व्हायच्या थोडावेळ आधी शिजवणे.
• उरलेले पाणी काढून टाकून भात बाजूला ठेऊन देणे.
• कढईमध्ये तेल तापवून त्यात फ्लॉवर, वांग्याचे तुकडे आणि कच्या केळ्यांचे तुकडे घालुन भाजून घेणे.
• मटार भाजून त्यांना पण बाजूला ठेवणे.
• बटाटा किसून थोडा थोडा एकत्र करून भाजून घेणे
• कढईमध्ये तूप घालुन त्यात लवंग, वेलची, मिरे, जीरा घालुन फोडणी करणे.
• त्यात भात, फ्लॉवर, वांग्याचे आणि केळ्यांचे तुकडे घालणे. एकत्र करून २-३ मिनिट वाफ काढणे.
• एक चमचा गरम करून त्यावर केशर चुरून भाजणे. केशर भातात मिसळणे
• मीठ घालुन भात एकत्र करणे व अजून १ मिनिट वाफ काढणे. वाढताना वरून तळलेले मटार व बटाटे घालुन खायला देणे.

टीप मला भात पांढरा ठेवून त्याला केशराचा वास द्यायचा होता म्हणून मी भात शिजवताना केशन न घालता शेवटी घातले. आधी सांगितल्याप्रमाणे मला मिरे फार आवडत असल्यानी मी खूप घातले आणि लवंग आणि वेलची जास्त वापरले नाही कारण मला ते फार जास्त आवडत नाहीत :) मुळ हे की तुम्ही तुमच्या आवडीप्रमाणे मसाल्यांचा प्रमाण बदलू शकतात.वर दिलेल प्रमाण माझ्या चवीसाठी एकदम बरोबर होते आणि आता मी हा पुलाव दुपारच्या जेवणात खातीये. यमी!

चकली

Read English Version

ह्या दिवाळीला मी थोडा फराळ करण्याचे ठरवले. त्याची तयारी आईकाढून त्याच्या कृती घेण्यापासून झाली. जेंव्हा मी चकलीची कृती पहिली, मला विश्वास नव्हता की ती बनवणे इतके सोप्पे आहे.


साहित्य
२ वाटी तांदुळाचे पीठ
१ चमचा मैदा
१/२ चमचा तिखट
१/४ चमचा तील
१/४ चमचा ओवा
१/४ वाटी लोणी
तेल
मीठ

कृती

• तांदुळाचे पीठ, मैदा, तीळ, ओवा, तिखट आणि मीठ एकत्र करणे.
• त्यात लोणी घालुन चांगले मळणे.
• पाणी घालुन मऊ पीठ भिजवणे.
• त्यातला अर्धा भाग चकलीच्या पत्रात घालणे.
• तेल उंच आचेवर गरम करणे व लगेच आच मध्यम करून त्यात चकली बनवून तळणे.
• दोन्ही बाजूनी गुलाबी झाल्यावर चकली तेलातून काढणे. उरलेल्या चकल्या तळताना तेल चांगले गरम असल्याची खात्री करणे.
• चकल्या थंड झाल्यावर एअर टाईट डब्यात ठेवणे.

टीप
जर घरचे लोणी वापरायचे असेल तर थंड पाण्यानी ते धुवून घ्यावे.
चकली गुलाबी असतानाच बाहेर काढावी कारण नाहीतर ती करपेल.

सेट डोसा

Read English Version

बँगलोरमध्ये पहिल्यांदा खाल्यापासून सेट डोसा हा माझा आवडता झाला. एकदम हलका फुलका आणि ३ मध्यम आकाराचे डोसे एका वेळी वाढला जाणारा हा डोसा फारच चविष्ठ आहे. बऱ्याच वेळ शोधल्यावर अस लक्षात आले की बहुतेकजण त्यात सोड्याचा व पोह्याचा वापर करतात. त्यावरून मी माझ्या सेट डोश्यासाठी थोडे साहित्य बदलून वापरले. एकदमच सुंदर झालेला. इतका की २ आठवड्यांपूर्वी केलेला फोटो काढण्यासाठी सुद्धा शिल्लक राहिला नाही. अजॉयनी पुन्हा बनवण्यासाठी सांगितल्यावर मी लगेच ह्या आठवड्यात बनवला आणि पहिल्यांदा फोटो काढला.


साहित्य
२ वाटी तांदूळ
१ वाटी इडली रवा
३/४ वाटी उडीद डाळ
१ वाटी पोहे
१ चमचा मेथी बिया
मीठ
तेल

कृती

• तांदूळ, इडली रवा, उडीद डाळ आणि मेथी बिया वेगवेगळ्या सकाळी भिजवणे.
• संध्याकाळी सगळे वाटायच्या आधी १ तास पोहे पाण्यात भिजवणे.
• तांदूळ बारीक वाटून घेणे.
• उडीद डाळ आणि मेथी बिया एकत्र करून बारीक वाटणे.
• इडली रवापण बारीक वाटणे.
• पोहे बारीक वाटणे.
• सगळे वाटलेले मिश्रण चांगले एकत्र करून घेणे व रात्रभर आंबवण्यासाठी उबदार जागी ठेवणे.
• दुसऱ्या दिवशी सकाळी पिठात मीठ आणि थोडे पाणी घालुन चांगले पसरेल असेल मिश्रण बनवणे.
• तवा मध्यम आचेवर गरम करून त्यावर थोडे तेल पसरवणे व एक वाटी पीठ ओतणे.
• खालची बाजूल गुलाबी झाली की वरून १-२ थेंब तेल टाकून परतणे व दुसरी बाजू होईपर्यंत भाजणे

टीप
हा डोसा नेहमी मिक्स भाजीबरोबर खायला देतात पण मला ती भाजी फार आवडत नाही त्यामुळे मी त्याऎवजी ह्या शेंगदाण्याच्या चटणी बरोबर खायला दिला.

पनीर बिर्यानी

Read English Version

मागच्या आठवड्यात मी हि बियाणी बनवलेली. बऱ्याच दिवसांपूर्वी अनुजानी मला व्हेज बिर्यानी बनव असे सांगितलेले आणि मला असेही आठवतेय की तिला पनीर नव्हत वापरायच. पण मी हि पनीरची बिर्यानी बनवून तिची अर्धी इच्चा पूर्ण केलीये म्हणायला हरकत नाहीये.बनवायला एकदम सोप्पी आणि चविष्ठ. ह्याची कृती मी माझ्या ह्या मसालेदार बिर्याणीच्या कृतीवरून प्रेरित होऊन बनवलीये.


साहित्य
३ वाटी तांदूळ
४०० ग्राम पनीर
४ टोमाटो
३ कांदे
२ बटाटे
१ वाटी काजू
१/२ वाटी बदाम
८ दालचिनी
१५ लवंग
१५ वेलची
१/२ चमचा खसखस
१/२ चमचा मिरे
१ चमचा जिरे
१/२ चमचा बडीशेप
१/२ चमचा हळद
१ चमचा तिखट
१ चमचा धने पूड
१/२ चमचा आले पेस्ट
१/२ चमचा लसूण पेस्ट
१/४ वाटी दही
१/२ वाटी दुध
२ चिमुट केशर
८ चमचे तूप
४ चमचा लोणी
मीठ
तेल

कृती

• एका भांड्यात हळद, तिखट, आले पेस्ट, लसूण पेस्ट, दही आणि मीठ एकत्र करणे व त्यात पनीरचे तुकडे करून घालणे. एक दोन तास बाजूला ठेवून देणे.
• भात कोमट पाण्यात भिजवून बाजूला ठेवणे.
• कढईत तेल गरम करून त्यात लोणी घालणे. पनीरचे तुकडे हलक्या गुलाबी रंग्वर भाजून घेणे व बाजूला ठेवणे.
• त्याच कढईत ४ दालचिनी, ५ लवंग, मिरे, खसखस, बडीशेप, धने पूड, बदाम आणि १/२ वाटी काजू घालुन मंद आचेवर खमंग भाजून घेणे.
• त्यात एक कांदा बारीक चिरून घालणे व गुलाबी होईपर्यंत भाजणे. मिश्रण थंड करणे व मिक्सर मध्ये एका टोमाटोबरोबर वाटणे.
• कढईत २ चमचे तूप टाकून गरम करणे व त्यात हा मसाला घालुन भाजणे.
• उरलेले ३ टोमाटो मिक्सर मध्ये वाटून घेणे व ते आणि मीठ मसाल्यात घालुन भाजी सुकेपर्यंत शिजवणे.
• त्यात पनीरचे तुकडे घालुन ढवळणे व बाजूला ठेवणे.
• कुकरमध्ये बटाटे उकातून त्याच्या साली काढून चकत्या करून घेणे.
• दुध गरम करून त्यात केशर घालुन बाजूला ठेवणे.
• भांड्यात पाणी गरम करून त्यात भिजवलेले तांदूळ घालुन शिजवणे. थोडेशे कच्चे राहिल्यावर त्यातील पाणी काढून थंड पाण्याखाली धुवून घेणे.
• छोट्या कढईत ४ चमचे तूप गरम करून त्यात ४ दालचिनी, १० लवंग, १५ वेलची घालणे. हे मिश्रण आणि मीठ भातात मिसळणे व बाजूला ठेवणे.
• उरलेले २ कांदे बारीक उभे चिरून तेलात मध्यम आचेवर गुलाबी आणि कुरकुरीत होईपर्यंत तळून घेणे.
• त्याच तेला उरलेले १/२ वाटी काजू तळून घेणे व बाजूला ठेवणे.
• कुकरला तुपाचा हात लावून बटाट्याच्या चाकात्यांचा थर लावणे.
• भाताचा १/३ भाग बटाट्यावर पसरवणे. त्यावर तळलेले १/३ काजूचा वाटा, तळलेल्या कांद्याचा १/३ वाटा आणि अर्धे पनीरचे मिश्रण पसरणे.
• पुन्हा १/३ भाताचा वाटा, १/३ भाग काजू, १/३ भाग कांदा आणि उरलेले पनीर पसरवणे
• वरून उरलेला भात पसरवणे व त्यावर उरलेले काजू आणि कांदा पसरवणे.
• परतणीच्या मागच्या बाजूनी पूर्ण थरातून जाईल अशी ५-६ भोके पाडणे व त्यावर केशर दुध ओतणे.
• मंद आचेवर तवा ठेवून त्यावर हा कुकर बंद करून ठेवणे व २५-३० मिनिट शिजवणे व नंतर गरम गरम रायत्यासोबत खायला देणे.

टीप
मी १ थर भात, अर्धे पनीर मिश्रण आणि मग अजून एक थर भात (२ वाटी तांदुळाचा) वापरला. अर्धेच काजू आणि कांदा पण वापरले. उरलेला पनीर मसाला मी डब्यात घालुन पुढच्या आठवड्यात करण्यासाठी बाजूला ठेवून दिला. नंतर मला फक्त भात बनवावा आणि थोडा कांदा तळवा लागला. काम करून आल्यावर थकलेल्या दिवशी एकदम पटकन आणि चाविस्थ बिर्यानी खाता आली.
मी नेहमीच बिर्याणीच्या खाली बटाट्याचा थर देते त्यामुळे बिर्याणी करपट नाही.
मी पनीर आणि दह्याचे मिश्रण फ्रीजमध्ये ठेवलेले त्यामुळे पनीर चांगले राहते आणि मिश्रण थोडे सुकते सुद्धा.

तिरंगी भात

Read English Version

बरेच दिवस झाले नवीन पोस्ट करून. थोडा स्वयंपाकापासून आराम करत होते. भारतात असताना महिन्यातून एकदा पुण्याला गेल्यावर थोडी विश्रांती व्हायची पण इथे आल्यापासून मला ते सुख नाहीये. इथे आल्यापासून विश्रांती म्हणजे मग फास्टफूड खाऊन आराम करावा लागतो. पण आता मला एकदम ताजे तवाने वाटतेय. हि पाककृती मी अशीच चालू केलेली आणि मनात आले तसे जिन्नस घालत गेले.


साहित्य
९ वाटी भात
२ टोमाटो
मुठभर कोथिंबीर
३ मुठ पालक
१ हिरवी मिरची
१ चमचा धने पूड
१ चमचा तिखट
१/४ चमचा गरम मसाला
भाजलेले काजू
तूप
मीठ

कृती

• भातात मीठ घालुन त्याचे ३ भाग करणे.
• मिक्सरमध्ये टोमाटो वाटून घेणे.
• पालक, कोथिंबीर आणि हिरवी मिरची वाटून घेणे.
• पालक-कोथिंबीर मिश्रण उकळवणे आणि आटल्यावर त्यात एक भाग भात आणि धने पूड घालुन सुकेपर्यंत शिजवणे.
• दुसऱ्या भाताच्या भागात दोन चमचे तूप घालुन एकत्र करणे.
• टोमाटो मिश्रण पण उकळवणे. त्यात तिखट, गरम मसाला आणि उरलेला एक भाग भात घालुन सुकेपर्यंत शिजवणे.
• सगळे भाताचे भाग ताटलीत पसरवणे व काजू घालुन वाढणे.

टीप
पालक वाटताना मी एकदम थोडे पाणी घालुन १/३ भाग पालक पहिल्यांदा वाटला. मग त्यात अजून थोडा पालक घालुन वाटला असे करत वाटल्यानी पाणी कमी लागते आणि वाटण पातळ नाही होत.
भात बनवताना मी भात शिजल्यावर त्यातले उरलेले पाणी ओतून दिले आणि थंड पाण्याखाली धुतला त्यामुळे सगळे दाणे एकदम वेगवेगळे झाले.

हरियाली चिकन बिर्याणी

Read English Version

मला काहीतरी चटपट खावसं वाटत होता म्हणून मी पाणी पुरी बनवलेली. तेंव्हापासून असलेला खूप सारा पुदिना राहिला होता. फ्रीजमध्ये चिकन पण होत आणि अजॉयला बिर्याणी खायची होती. ह्या सगळ्याचा परिणाम म्हणून हि बिर्याणी तयार झाली. :)


साहित्य
६ चिकनचे लेग
२ वाटी बासमती तांदूळ
१/२ पुदिना गड्डी
१/२ कोथिंबीर गड्डी
२ हिरव्या मिरच्या
२ दालचिनी
१/४ चमचा मिरे पूड
४ लवंग
४ वेलची
१/४ वाटी तूप
३ कांदा
१ टोमाटो
१/२ चमचा लसूण पेस्ट
४ चमचा दही
१ चमचा तिखट
चिमुटभर हळद
मीठ

कृती

• चिकनला तिखट, हळद. लसूण पेस्ट आणि दही लावणे व २ तास बाजूला ठेवणे.
• ६ वाटी पाणी गरम करणे त्यात तांदूळ अर्धा तास भिजवणे.
• मिक्सरमध्ये पुदिना, कोथिंबीर, टोमाटो आणि हिरव्या मिरच्या बारीक वाटणे.
• २ चमचा तूप बाजूला ठेवून उरलेले तूप कढईत गरम करणे.
• १ कांदा बारीक उभा चिरणे व गुलाबी रंगावर कुरकुरीत तळणे व बाजूला ठेवणे.
• उरलेल्या तुपात दालचिनी, मिरे पूड आणि उरलेला कांदा बारीक चिरून गुलाबी होईपर्यंत भाजणे.
• कांद्याचे मिश्रण हिरव्या वाटणात घालुन सगळे बारीक वाटणे.
• त्याच कढईत वाटलेले मिश्रण, १.५ वाटी पाणी आणि चिकन घालुन एकत्र करणे. मीठ घालुन मिश्रण सुकेपर्यंत शिजवणे.
• चिकन शिजत असताना तांदुळातील पाणी ओतून त्यात अजून २ वाटी पाणी आणि मीठ घालुन भात शिजवणे. भात शिजत आला की त्यातील उरलेले पाणी ओतून थंड होण्यासाठी बाजूला ठेवणे.
• अर्धा चमचा तूप गरम करून त्यात लवंग, वेलची घालुन हलक्या आचेवर तळून घेणे. हे तुपाचे मिश्रण भातात ओतून एकत्र करणे.
• कुकरला तुपाचा हात लावून त्यावर भाताचा थर लावणे. त्यावर चिकनचे मिश्रण व नंतर उरलेला भाताचा थर देणे. वरून तळलेले निम्मा कांदा घालुन कुकर बंद करणे.
• कुकर १५ मिनिट मंद आचेवर गरम करणे व वाढत्ना वरून कुरकुरीत कांदा घालुन खायला देणे.

टीप
माझ्याकडे चिकनचे लेग होते म्हणून मी ते वापरले पण त्याऎवजी दुसरे तुकडेपण वापरता येतील.
इथल्या स्टोव्हला ८ स्वीच आहेत, मी त्यातील २ वर बिर्याणीचा कुकर ठेवला. नेहमीच्या स्टोव्हवर कुकर तसाच न ठेवता तवा ठेवून त्यावर ठेवावा म्हणजे बिर्याणी करपणार नाही. तसेच कुकरमध्ये सगळ्यात खाली उकडलेल्या बटाट्याच्या चकत्या लावल्यानीपण मदत मिळते.

मटण बिर्याणी

Read English Version

बरेच दिवसांपासून अजॉय ह्याची मागणी करत होता पण मला मटण फारसे आवडत नसल्यानी मी इतके दिवस बनवण्याचे टाळत होते. शेवटी आज मी हि बिर्याणी बनवली आणि एकदम छान पण झालेली


साहित्य
३ वाटी तांदूळ
१/२ किलो मटण
७ कांदे
२ टोमाटो
२ बटाटे
१/२ वाटी दही
१/४ वाटी दुध
मुठभर काजू
५ बदाम
१ आले
१०-१५ लसूण पाकळ्या
१ चमचा गरम मसाला
२ चमचा तिखट
चिमुटभर हळद
१ चमचा धने पूड
१ चमचा खसखस
१.५ चमचा मिरे पूड
१/२ चमचा जिरे
१ चमचा बडीशेप
१ चमचा सुके खोबरे
८ लवंग
५ दालचिनी
२ तेजपत्ता
५-६ वेलची
चिमुटभर केशर
१/२ वाटी तूप
मीठ
तेल

कृती

• आले आणि लसूण एकत्र बारीक वाटून घेणे.
• मटण धुवून घेणे व त्याला दही, हळद, १ चमचा तिखट, निम्मी आले लसूण पेस्ट लावणे. ८ तास मुरण्यासाठी बाजूला ठेवणे.
• दुसऱ्यादिवशी तांदूळ धुवून घेणे व अर्धा तास कोमट पाण्यात भिजत ठेवणे. जास्तीचे पाणी ओतून देणे व बाजूला ठेवणे.
• बटाटे उकडून घेणे व चकत्या बनवणे.
• दुध गरम करणे व त्यात केशर विरघळवणे.
• ३ कांदे बारीक बारीक चिरणे व बाजूला ठेवणे.
• कढईत एक चमचा तेल गरम करणे व त्यात कांदा गुलाबी भाजणे व बाजूला ठेवणे.
• त्याच तेलात अजून १ चमचा तेल घालुन त्यात जीरा, ३ दालचिनी, ५ लवंग, १ चमचा मिरे, धने, सुके खोबरे, बडीशेप, खसखस आणि उरलेले एक चमचा तिखट घालुन भाजणे.
• मसाल्यांचा वास सुटला की त्यात भाजलेला कांदा घालणे व गुलाबी रंगावर भाजणे.
• त्यात उरलेली आले लसूण पेस्ट घालणे व भाजणे. थंड होण्यासाठी बाजूला ठेवणे
• बदाम, काजू(८-१०) आणि वर भाजलेला मसाला थोडे पाणी घालुन एकत्र वाटणे.
• उरलेले ४ कांदे बारीक उभा चिरून तुपात गुलाबी रंगावर तळणे.
• उरलेले काजू भाजणे व बाजूला ठेवणे.
• चमचाभर तूप बाजूला ठेवून उरलेले तूप गरम करणे. त्यात मसाला घालुन तूप सुटेपर्यंत भाजणे
• त्यात मटणाचे तुकडे घालुन तूप सुटेपर्यंत शिजवणे.
• टोमाटो मिक्सरमध्ये वाटून घेणे व शिजणाऱ्या मटणात घालणे.
• त्यात १/४ वाटी पाणी आणि मीठ घालुन मिश्रणाला शिट्टी काढणे व नन्तर मंद आचेवर १० मिनिट शिजू देणे.
• मटण शिजत असताना १० वाटी पाणी उकळवून त्यात मीठ घालणे व तांदूळ घालुन भात शिजवणे.
• जास्तीचे पाणी ओतून भात थंड होण्यासाठी बाजूला ठेवणे.
• कढईत उरलेले तूप गरम करणे व त्यात ३ लवंग, २ दालचिनी, १/२ चमचा मिरे, ताज पत्ता, वेलची भाजणे व भातात मिसळणे.
• शिजलेले मटण कढईत घालुन सुकेपर्यंत शिजवणे.
• त्यातील बाजूला सुटलेले तूप वेगळे करणे.
• कुकरला तुपाचा हात लावणे व खाली बटाट्याच्या चकत्या लावणे.
• त्यावर भाताचा १/३ भाग पसरवणे. निम्मे मटण पसरवून त्यावर १/३ भाग काजू व कांदा पसरवणे.
• त्यावर अजून १/३ भाग भात पसरवणे. उरलेले मटण घालुन त्यावर १/३ भाग कांदा व काजू पसरवणे.
• उरलेला भात वर पसरवून त्यावर उरलेले काजू व कांदा घालणे.
• परतण्याच्या मागच्या बाजूनी भातात आरपार भोके पाऊन त्यावर वेगळे केलेले तूप व केशराचे दुध घालणे.
• कुकर बंद करून मंद आचेवर तवा ठेवून त्यावर १५ मिनिट गरम करणे.

टीप
वाढताना अख्खा थर बाहेर काढून वाढणे म्हणजे सगळ्या मसाल्यांची चव चांगली ताटलीत येईल.

व्हेज फ्राईड राइस

Read English Version

मला हक्क नूडल्स आवडतात पण मला अजून हॉटेलसारख्या बनवायला जमल नाहीये त्यामुळे मी बऱ्याच वेळा फ्राईड राइस बनवते


साहित्य
२ वाटी तांदूळ
१ कांदा
१ वाटी कोबी
१/२ वाटी गाजर
१/२ वाटी मटार
चिमुटभर मिरे पूड
मीठ
तेल

कृती

• भात शिजवून बाजूला ठेवणे.
• कढईत तेल गरम करून त्यात कांदा, उभे चिरलेले गाजर घालुन परतणे.
• त्यात चिरलेला कोबी घालुन परतणे.
• त्यात मटार, मिरे पूड आणि मीठ घालुन अजून एक मिनिट शिजवणे.
• शिजवलेला भात घालुन परतणे व २-३ मिनिट शिजवणे.

टीप
सगळ्यात पहिल्यांदा गाजर घालणे म्हणजे ते शिजायला वेळ मिळतो.

पुरण पोळी

Read English Version

पुरण पोळी हा असा एक प्रकार आहे जो मला आईनी बनवलेलाच आवडतो. बरेच लोक त्याला पराठ्यासारखा बनवतात पण पोळी आणि पराठा दोन वेगवेगळ्या गोष्टी आहेत. पोळी हि एकदम मऊसुत असणे एकदम महत्वाचे आहे. आईकाढून आधी मी ह्याची कृती घेतलेली पण मला काही आई सारखी मऊ पोळी बनवायला जमली नाही. आता पुण्यात असताना मी आई कडून चांगली शिकून आले आणि इथे दसर्याच्या निमित्तानी देत आहे. सगळ्यांना दसर्याच्या शुभेच्छा.


साहित्य
४ वाटी हरबरा डाळ
३ वाटी गुळ
२ वाटी पीठ
१ चमचा मैदा
१ वाटी तांदुळाचे पीठ
१/२ वाटी तेल

कृती

• मैदा आणि गव्हाचे पीठ एकत्र करून एकदम मऊ पीठ भिजवणे.
• पीठ स्टीलच्या भांड्यात टाकून बोटे दाबून खड्डे करणे.
• सगळी भोके बुडतील इतके तेल ओतणे आणि कमीत कमी २ तास भिजायला ठेवणे.
• हरबरा डाळ कुकरमध्ये शिजवून घेणे.
• डाळीतील जास्तीचे पाणी बाजूला काढणे. (जास्तीच्या पाण्याची कटाची आमटी बनवता येईल)
• त्यात गुळ घालुन कढईत सुकेपर्यंत शिजवणे.
• पुरण पुरण यंत्रातून फिरवणे. थंड होण्यासाठी बाजूला ठेवणे.
• पुरण पोळी करण्यासाठी तवा एकदम मंद आचेवर गरम करणे.
• पुरणाचा लिंबाच्या दुप्पट आकाराचा गोळा बनवणे.
• पिठाचा लिंबाच्या आकाराचा गोळा बनवणे व त्याची वाटी बनवणे. त्यात पुरणाचा गोळा घालुन पीठ बंद करणे.
• गोळे तळव्यावर ठेवून अलगद दाबणे. पीठाचे कव्हर बाजूला गेले तर ओढून पुन्हा आत मध्ये घेणे
• भरपूर तांदुळाचे पीठ पोलपाटाला लावणे. पुरण पोळीचा गोळा तांदुळाच्या पिठात बुडवून लाटणे.
• मध्ये मध्ये पोळी हातावर घेवून खाली चिकट नाही ह्याची खात्री करणे व मधून मधून तांदुळाचे पीठ लावत राहणे.
• एकदम अलगद आणि बाहेरच्या दिशेनी लाटणे महत्वाचे आहे.
• पोळी गरम तव्यावर मंद आचेवर दोन्ही बाजूनी भाजणे. दुमडून वाढणे.

टीप
पोळीच्या पिठाचा इलॅस्टिकपणा पोळीला पातळ लाटण्यासाठी आणि त्याचा थर पातळ ठेवण्यासाठी उपयोगी पडतो.
पुरण पोळी बनवताना पहिल्यांदा छोटी लाटून बघणे व जसे जमेल तसे मोठे मोठे करणे. भरपूर तांदुळाचे पीठ वापरणे व नंतर पाहिजे तर स्वतःच्या सोयीप्रमाणे कमी करणे.
पोळी पोलपाटाला चिकट नाही हे बघण्यासाठी तळवा पोळीवर ठेवून पोलपाट उलटे करणे.तव्यावर पोळी टाकताना पण तसेच करणे. कधीही बोटांनी पोळी उचलू नये.
पोळीच्या कडांना जास्त पीठ असेल तर ह्याचा अर्थ असा आहे की पुरणापेक्षा पीठ जास्त वापरलाय. त्या नंतरच्या पोळीला थोडे कमी पीठ वापरून बघणे
पोळी लाटताना बाहेरच्या बाजूला लाटल्यानी पोळी सगळीकडून चांगली पसरते आणि बाहेरच कव्हर पण तुटत नाही.
शेवटची टीप म्हणजे हि एकदम किचकट कृती आहे त्यामुळे पहिल्यांदा यश नाही आलेतरी दुखी होऊ नये, थोड्या प्रयत्नानंतर यश नक्की येईल. मी आईनी सांगितलेल्या प्रत्येक गोष्टी सांगायचा प्रयत्न केलाय. आशा आहे त्याचा उपयोग होईल

कोळंबीचा पुलाव

Read English Version

हा एकदम सोप्पा आणि चविष्ठ पुलाव मी शनिवारी भाज्या संपल्यानी हा पुलाव बनवला.


साहित्य
२ वाटी कोळंबी
२ वाटी तांदूळ
२ कांदे
२ चमचा काजू
१ चमचा तिखट
१/४ चमचा हळद
१/२ चमचा गरम मसाला
१/४ चमचा धने पूड
१/४ चमचा दालचिनी पूड
१/४ चमचा लवंग पूड
१/२ चमचा लसूण पेस्ट
मीठ
तूप
तेल

कृती

• कोळंबीला तिखट आणि मीठ लावून अर्धा तास बाजूला ठेवणे.
• भात शिजवून बाजूला ठेवणे.
• कढईत तेल गरम करून त्यात कोळंबी परतणे.
• त्याच तेलात कांदा आणि काजू परतून घेणे.
• लसूण पेस्ट आणि परतलेली कोळंबी घालुन परतणे.
• त्यात हळद, गरम मसाला, धने पूड, दालचिनी पूड, लवंग पूड आणि मीठ खालून परतणे. कोळंबी शिजेपर्यंत परतणे.
• त्यात शिजलेला भात आणि मीठ घालुन एकत्र करणे.
• वरून तूप सोडून एकत्र करणे व अजून २ मिनिट शिजवणे.

टीप
मी कांदा आणि कोळंबी भाजण्यासाठी चमचाभर तेलाचा वापर आणि वरून २ चमचा तूप सोडले त्यामुळे एकदम चांगली चव आलेली

अंड्याची बिर्याणी

Read English Version

बरेच दिवसांपासून घरात अंडी होती आणि मी काहीतरी बनवण्याचा विचार करत होते आणि शेवटी आज हि बिर्याणी बनवली


साहित्य
६ अंडी
१.५ वाटी तांदूळ
१ कांदा
२ चमचे काजू
२ टोमाटो
१/४ वाटी पुदिना
१/२ वाटी कोथिंबीर
१/४ चमचा आले पेस्ट
१/४ चमचा लसूण पेस्ट
२-३ हिरव्या मिरच्या
१/४ चमचा गरम मसाला
१/४ चमचा जिरे पूड
१/४ चमचा धने पूड
१/४ चमचा दालचिनी पूड
२ चिमुट वेलची पूड
२ चिमुट जायफळ पूड
२ चिमुट लवंग पूड
चिमुटभर हळद
१ चमचा तिखट
५-६ लवंग
५-६ वेलची
१ दालचिनी
मीठ
तेल
तूप

कृती

• तांदूळ पाण्यात भिजवून ठेवणे.
• ३ अंडी उकडून त्यांना अर्धे करणे.
• तेल गरम करून त्यात उभे चिरलेले कांदे घालुन कुरकुरीत भाजणे.
• त्याच तेला काजू तळून बाजूला ठेवणे.
• तेलात अर्धे केलेले अंडी तळून बाजूला ठेवणे.
• त्याच तेलात उरलेले ३ अंडी फोडून घालणे व तेल सुटेपर्यंत परतणे.
• त्यात हळद, चिमुटभर वेलची पूड, लवंग पूड, जायफळ पूड, तिखट आणि मीठ घालुन परतणे.
• कढईत तेल गरम करून त्यात बारीक चिरलेला टोमाटो घालुन शिजवणे.
• त्यात पुदिना, कोथिंबीर, गरम मसाला, बारीक चिरलेल्या मिरच्या, जिरे पूड, धने पूड, आले पेस्ट, लसूण पेस्ट, चिमुटभर वेलची पूड, चिमुट भर लवंग पूड आणि उरलेली दालचिनी पूड घालुन परतणे.
• भात शिजवणे व बाजूला ठेवणे
• तूप गरम करून त्यात दालचिनी, लवंग, वेलची घालुन परतणे व भातात घालणे.
• कुकरला तुपाचा हात लावून अर्धा भात घालणे. त्यावर टोमाटो-मसाला आणि अंड्याचा मसाला पसरवणे व वर उरलेल्या अर्ध्या भाताचा थर देणे.
• वर कांदा आणि काजू पसरवून भात होई पर्यंत शिजवणे.
• वाढताना तळलेले अंडी वर पसरवून वाढणे.

टीप
मी भांड्यात बिर्याणी लावून त्याला कुकरमध्ये थोडेसे पाणी घालुन शिट्टीशिवाय शिजवली त्यामुळे बिर्याणी चिकटत नाही.
जर कुकरमध्येच थर लावायचे असतील तर त्याला खाली उकडलेल्या बटाट्याचे थर लावता येतील. त्याची माहिती ह्या चिकन बिर्याणीच्या कृतीत आहे.

मसाले भात

Read English Version

हा मराठी पदार्थ लग्नात किंवा कुठल्याही कार्यक्रमात एकदम असायलाच हवा. साधा, सोप्पा आणि चाविस्थ भाताचा प्रकार.


साहित्य
१ वाटी बासमती तांदूळ
१/४ वाटी दही
१/२ वाटी तोंडली
१/२ बटाटा
१/४ वाटी मटार
१/२ वाटी कोथिंबीर
१/२ वाटी किसलेले खोबरे
१/२ चमचा तिखट
१/२ चमचा गरम मसाला
८-९ काजू
चिमुटभर वेलची पूड
२ लवंग
१ दालचिनी
१ तेजपत्ता
१/४ चमचा म्हवरी
चिमुटभर हिंग
१ चमचा तूप
मीठ

कृती

• तांदूळ धुवून पाणी निथळवणे.
• त्यात तिखट, गरम मसाला, वेलची पूड, दही घालुन १० मिनिट ठेवणे.
• कुकरमध्ये तूप घालुन त्यात म्हवरीची फोडणी करणे.
• त्यात हिंग, तेजपत्ता, दालचिनी आणि काजू घालुन एक दोन मिनिट परतणे.
• त्यात उभी चिरलेली तोंडली, चौकोनी चुरून बटाटा घालुन अजून दोन मिनिट परतणे.
• त्यात तांदूळ, मटार आणि मीठ घालुन दोन मिनिट परतणे.
• भातात २ वाटी पानिओ घालुन कुकरचे झाकण लावून ४ शिट्ट्या काढणे.
• वाढताना ताटात भातावर खोबरे, कोथिंबीर आणि तूप सोडून देणे.

टीप
ह्यात फ्लावर किंवा वांगेपण वापरता येईल
खोबरे आणि कोथिंबीर घातल्यानी एकदम मस्त आणि वेगळी चव ह्या भाताला येते

मसालेदार बिर्यानी

Read English Version

मागच्यावेळी केलेली बियाणी आमच्या कडे काम करणाऱ्या बाईंच्या सांगण्याप्रमाणे केलेली. पण आज मी एका पुस्तकात वाचून हि केलेली बिर्यानी अजूनही सुंदर आणि चविष्ठ आहे.


साहित्य
४ चिकनचे लेग
२ वाटी तांदूळ
१ वाटी दही
४ कांदे
२ टोमाटो
१/४ वाटी दुध
१ बटाटा
मुठभर काजू
५-६ बदाम
२ चमचे तेल
१ चमचा पुदिना पाने
१ चमचा सुके खोबरे
२ वेलची
२ लवंग
३ दालचिनी
१ चमचा जीरा
१ चमचा धने
१ चमचा तिखट
१/४ चमचा मिरे पूड
१/२ चमचा खसखस
१/४ चमचा बडीशेप
१/२ चमचा लसूण पेस्ट
१ चमचा आले
१ चमचा गरम मसाला
१/४ चमचा हळद
चिमुटभर केशर
मीठ

कृती

• एका भांड्यात दही, हळद, गरम मसाला, १/२ चमचा लसूण पेस्ट, १/४ चमचा आले पेस्ट आणि मीठ एकत्र करणे.
• चिकनचे तुकडे त्यात घालुन चांगले एकत्र करणे. फ्रीजमध्ये कमीत कमी ८ तास ठेवून देणे.
• तांदूळ कोमट पाण्यात अर्धा तास भिजवून घेणे.
• ३-४ चमचे पाण्यात खसखस भिजवणे.
• कोमट दुधात केशर घालुन बाजूला ठेवणे.
• बटाटे उकडून थंड करून त्याच्या साली काढून चकत्या करणे व बाजूला ठेवणे.
• २ कांदे पातळ उभे चिरून तेलात कुरकुरीत होईपर्यंत तळणे.
• त्याच तेलात ५-६ काजू बाजूला ठेवून बाकीचे तळून घेणे.
• उरलेले कांदे बारीक कापून तेलात गुलाबी रंगावर भाजणे व बाजूला ठेवणे.
• त्याच तेलात २ दालचिनी, धने, जिरे, सुके खोबरे, बडीशेप, काजू आणि बदाम घालुन तळणे.
• त्यात तिखट, मिरे पूड, खसखस, पुदिना पाने आणि आधी भाजलेला बारीक कांदा घालणे व भाजणे. मिश्रण थंड करणे.
• मिश्रण मिक्सरमध्ये अर्धा टोमाटो सहित वाटणे.
• २ चमचा तूप बाजूला ठेवून उरलेले गरम करणे व त्यात हा वाटलेला मसाला खमंग भाजून घेणे.
• त्यात उरलेली आले पेस्ट, लसूण पेस्ट, बारीक चिरलेले टोमाटो आणि मीठ घालुन भाजणे.
• त्यात चिकन त्याच्या मासाल्यासाहित घालुन पूर्ण सुकेपर्यंत भाजणे.
• ग्रेव्हीतून बरेच तूप बाजूला सुटेल ते गाळून वेगळे करणे.
• चिकन शिजत असताना ७ वाटी पाणी उकळून त्यात तांदूळ घालुन त्यावर झाकणी ठेवून अर्धवट शिजवून घेणे. उरलेले पाणी गाळून टाकणे व थंड पाण्याखाली भात धुवून घेणे व बाजूला ठेवणे.
• १/२ चमचा तूप गरम करून त्यात उरलेले दालचिनी, लवंग, वेलची घालुन तळणे व भातावर सोडणे. त्यात मीठ घालुन चांगले एकत्र करणे.
• कुकरला तुपाचा हात लावून बटाट्याच्या चाकात्यांचा थर लावणे.
• भाताचा १/३ भाग बटाट्यावर पसरवणे. त्यावर तळलेले १/३ काजूचा वाटा, तळलेल्या कांद्याचा १/३ वाटा आणि अर्धे चिकन पसरणे.
• पुन्हा १/३ भाताचा वाटा, १/३ भाग काजू, १/३ भाग कांदा आणि उरलेले चिकन पसरवणे
• वरून उरलेला भात पसरवणे व त्यावर उरलेले काजू आणि कांदा पसरवणे.
• परतणीच्या मागच्या बाजूनी पूर्ण थरातून जाईल अशी ५-६ भोके पाडणे.
• चिकनमधून वेगळे केलेले तूप, केशर दुध वरून ओतणे.
• मंद आचेवर तवा ठेवून त्यावर हा कुकर बंद करून ठेवणे व १५ मिनिट शिजवणे व नंतर गरम गरम रायत्यासोबत खायला देणे.

टीप
थोडी मोठी कृती आहे पण इतकी चविष्ठ बिर्यानी बनते की कष्टाचे सार्थक झाल्यासारखे वाटेल
बटाटे कुकर मध्ये खाली लावल्यानी भात खालून करपणार नाही.
सगळे पदार्थ आधीच शिजवून मग त्याचे थर लावल्यानी चिकन किंवा भात अर्धवट कच्चे राहण्याची चूक होऊ शकत नाही.

चिकन बिर्याणी आणि शेंगदाणा ग्रेव्ही

Read English Version

मी ह्या आधी कधी चिकन बिर्याणी बनवली नव्हती त्यामुळे खूप शोधाशोध केली आणि आमच्या कडे येणाऱ्या काम वाल्या बाईना पण विचारले आणि हि बिर्याणी बनवली.

चिकन बिर्याणी


साहित्य
१/२ किलो चिकन
४ वाटी तांदूळ
१ वाटी दुध
१ वाटी दही
२ कांदे
१/२ वाटी टोमाटो प्युरी
१/२ चमचा लसूण पेस्ट
१ चमचा आले पेस्ट
३ चमचे हळद
३ चमचे तिखट
२ चमचे धने पूड
१ चमचा जिरे पूड
१ चमचा वेलची पूड
चिमुटभर केशर
मीठ
तेल

कृती

• कढईत तेल गरम करणे व त्यात कांदा परतणे.
• त्यात टोमाटो प्युरी घालुन शिजवणे.
• त्यात लसूण पेस्ट, आले पेस्ट, १ चमचा गरम मसाला, १ चमचा हळद, १ चमचा तिखट, १ चमचा धने पूड, १/२ चमचा जिरे पूड घालून परतणे.
• त्यात दही आणि मीठ घालुन थोडावेळ शिजवणे.
• त्यात चिकनचे तुकडे घालुन ग्रेव्ही सुकेपर्यंत शिजवणे व बाजूला ठेवणे.
• ४ वाटी तांदूळ, दुध आणि केशर एकत्र करून शिजवणे.
• तूप गरम करून त्यात वेलची पूड, हळद, तिखट, गरम मसाला, धने पूड आणि जिरे पूड घालणे
• त्यात शिजवलेला भात आणि मीठ घालुन एकत्र करणे.
• कुकरमध्ये भाताचा एक थर देणे त्यावर शिजवलेले चिकन आणि त्यावर उरलेला भात असे थर लावून कुकर बंद करून एक दोन मिनिट वाफ काढणे.

टीप
मला मसाले शिजवून त्यावर तांदूळ परतून मग भात बनवायला सांगितलेले पण मला शिजवलेल्या भाताला परतणे जास्त चांगले वाटते, मसाल्यांचा वास भातात शिल्लक राहतो.

शेंगदाणा ग्रेव्ही


साहित्य
१/२ वाटी शेंगदाणा कुट
२ टोमाटो
१ चमचा गरम मसाला
१ चमचा हळद
१ चमचा तिखट
१ चमचा धने पूड
१/२ चमचा जिरे पूड
मीठ
तेल

कृती

• तेल गरम करून त्यात बारीक चिरलेला कांदा घालणे.
• टोमाटो शिजले की त्यात तिखट, जीरा पूड, धने पूड आणि गरम मसाला घालुन परतणे.
• त्यात शेंगदाणा कुट आणि मीठ घालुन पुन्हा परतणे.
• मिश्रण एकदम सुका गोळा होईल त्याला तसेच १-२ मिनिट परतणे व नंतर पाणी घालुन जाड घेव्ही उकळवणे.

टीप
हि ग्रेव्ही जास्त तिखट नाही केलीये पण रायता भरपूर असेल तर थोडी जास्त मसालेदार आणि तिखट करायला हरकत नाही

नटी राईस

Read English Version

एका वाढदिवसाला ताज बंगलारूमध्ये मी नटी राईस खालेला. एकदम चविष्ठ. अजॉय आणि मला दोघानाही खूप लगेच आवडला. खातानाच मी घरी कसा बनवायचा विचार करायला चालू केलेला आणि पहिल्या प्रयत्नातच तो एकदम तसाच्या तसा बनलेला. एकदम सोपा आणि सुंदर पदार्थ.


साहित्य
२ वाटी भात
४ चमचे शिजवलेले कॉर्नचे दाणे
२ चमचे शेंगदाणे
२ चमचे काजू
४ हिरव्या मिरच्या
१ चमचा मनुका
१/२ चमचा जीरा
२ चमचे तूप
मीठ

कृती

• कढईत तूप गरम करून त्यात जिरे फोडणी करणे.
• त्यात काजू, शेंगदाणे आणि मनुके घालणे.
• जेंव्हा काजू गुलाबी झाले की त्यात हिरव्या मिरच्या घालणे.
• तयार भात, कॉर्नचे दाणे आणि मीठ घालुन ढवळणे.
• ३-५ मिनिट वाफ काढून वाढणे.

टीप
फोडणीत ४-५ कडीपत्याची पानं घालता येतील
बासमती किंव्हा कुठलाही मोठ्या दाण्याचा भात वापरला तर भात खूप सुंदर होतो.

पुलाव

Read English Version

मी जेंव्हा बंगलारूमध्ये होते तेंव्हा मी माझे प्रयोग रेडी मेड मसाल्यापासून सुरु केलेले. आता मी साधारणतः स्वतःचेह मसाले वापरते पण ही एक अशी पाककृती आहे ज्यात मला अजूनही MTRचा पुलाव मसाला वापरायला आवडतो. अर्थातच त्यांनी दिलेल्या कृती ऎवजी मी स्वताची एक कृती बनवली आहे. ती इथे देत आहे.


साहित्य
६ वाटी भात
१ कांदा
२ चमचे MTR पुलाव मसाला
१ चमचा आले लसूण पेस्ट
१/४ वाटी उकडलेले मटार
४-५ चमचे शेंगदाणे
४-५ काजू
४ चमचे तूप
मीठ चवीपुरते

कृती

• ३ चमचे तूप कढईत गरम करणे.
• त्यात बारीक चिरलेला कांदा आणि शेंगदाणे घालुन भाजणे.
• शेंगदाणे अर्धवट शिजल्यावर त्यात काजू आणि आले लसूण पेस्ट घालणे.
• काजू गुलाबी झाल्यावर त्यात पुलाव मसाला घालुन १ मिनिट शिजवणे.
• भात आणि मटार घालुन चांगले ढवळणे.
• उरलेले एक चमच तूप सोडून झाकण लावून २ मिनिट वाफ काढणे.
• मीठ घालुन पुलाव ढवळणे व अजून २-३ मीन शिजवणे.

टीप
काजू शेंग्दाण्यानंतर घालणे म्हणजे ते करपणार नाहीत
बासमती तांदुळाचा भात वापरला तर सुंदर वास येतो व पुलाव अजूनही चविष्ठ लागतो.