दुधीभोपळ्याचा डोसा

Read English Version

दर आठवड्यात आणतो त्यापेक्षा वेगळ्या भाज्या आणायच्या म्हणून आम्ही दुधी भोपळा आणला. भोपळा फारच मोठं होता त्यामुळे मी त्याचे वेगवेगळे पदार्थ करून बघितले.


साहित्य
१ वाटी दुधीभोपळा
१ वाटी तांदुळाचे पीठ
१/२ वाटी बेसन
१ चमचा जीरा
२ चमचे बडीशेप
१/२ चमचा मेथी
२-३ मिरच्या
१ वाटी दुध
१/२ वाटी पाणी
मीठ

कृती

• जीरा बडीशेप आणि मेथी एकत्र थोडेसे कुटून घेणे.
• त्यात तांदुळाचे पीठ, बेसन आणि किसलेला दुधीभोपळा घालणे.
• त्यात बारीक चिरलेल्या मिरच्या, मीठ, दुध आणि पाणी घालुन डोस्याचे पीठ भिजवणे.
• तवा गरम करून त्यावर हे मिश्रण ओतून पटकन तवा हलवून डोसा पसरवणे. दोन्ही बाजूनी कुरकुरीत भाजून खायला देणे.

टीप
हे डोसे थोडे जाड असल्यानी हे लोणच्याबरोबर चांगले लागतात.