मेथी कॉर्न आप्पे

Read English Version

हि डीश मी आधी पोस्ट केलेल्या कॉर्न आप्पेच्या कृतीवरून प्रेरित होऊन बनवलीये. थोडी वेगळी चव देण्याच्या प्रयत्नात हा प्रकार पण छान झालेला :)


साहित्य
४ वाटी स्वीटकॉर्न
२ वाटी रवा
४ हिरव्या मिरच्या
१ वाटी मेथी
१ वाटी कोथिंबीर
१/२ चमचा लसूण पेस्ट
१/२ चमचा इनो
मीठ
तेल

कृती

• मिक्सरमध्ये कॉर्न आणि हिरव्या मिरच्या एकत्र बारीक वाटून घेणे.
• त्यात मीठ, रवा, लसूण पेस्ट घालुन चांगले ढवळणे.
• त्यात बारीक चिरलेली मेथी आणि कोथिंबीर घालुन मिसळणे.
• मिश्रणात इनो घालुन चांगले ढवळणे.
• आप्पे पात्र गरम करून त्यात तेलाचा थेंब घालुन चमचाभर मिश्रण घालणे.
• आपे गुलाबी होईपर्यंत मध्यम आचेवर भाजणे, परतून दुसरी बाजूपण गुलाबी करणे.

टीप
जर फ्रोझन कॉर्न वापरले तर मायक्रोवेव्हमध्ये २ मिनिट गरम करणे म्हणजे वाटायला एकदम सोप्पे होईल