तळलेले मोदक


आज मी पुरण पोळी बनवण्याचे ठरवले पण पोळीच्या कडांना पुरण पोचले नाही. २-३ वेळा प्रयत्न केल्यावर शेवटी मी पुरण पोळीच्याऎवजी मोदक केले.

तळलेले मोदक
साहित्य
१ वाटी हरबरा डाळ
१/२ वाटी गुळ
४ चमचेभरून गव्हाचे पीठ
२ चमचाभरून मैदा
मीठ
तेल

कृती
  • डाळ कुकरमध्ये शिजवून घेणे व त्यातले पाणी काढून टाकणे.
  • एका कढईत शिजलेली डाळ आणि गुळ घालुन ५-६ मिनिट शिजवणे.
  • गव्हाचे पीठ, मैदा आणि एक चमचा गरम तेल एकत्र करून पीठ भिजवणे. अर्धा तास बाजूला ठेवून देणे.
  • पीठ्चे छोटे गोळे पुरीच्या आकाराचे लाटणे.
  • प्रत्येक पुरीवर पुरण पसरवून निऱ्या काढून मोदक बंद करणे.
  • तेलात मध्यम आचेवर मोदक तळून घेणे.

टीप
हे मोदक पुराणाचे असल्यानी ते २-३ दिवस चांगले राहतात.
मोदक जिथे बंद करतो ती बाजू पण चांगली भाजणे अथवा तिथे कच्चे राहण्याची संभावना जास्त आहे.

0 comments:

Related Posts Plugin for WordPress, Blogger...

  © माझे स्वयंपाक प्रयोग | Template Recipes by Emporium Digital

TOP