माझे स्वयंपाक प्रयोग

मला नवीन नवीन पदार्थ करायला फार आवडते. अर्थातच त्यामुळे नवरा आणि आमच्याकडे येणारे पाहुणे त्या प्रयोगाचे शिकार बनतात. पण त्यांनी दिलेल्या प्रशंसेच्या चार शब्दांनी नवीन उत्साह येतो. असंच चालू असताना एक दिवशी हे सगळे प्रयोग ब्लॉग करायचा विचार आला आणि ह्या ब्लॉगचा जन्म झाला. बहुतेक पदार्थ मी आईला विचारून किंवा पुस्तके, इंटरनेटवरचे लेख, मासिके वाचून माझ्या चवीनुसार बनवले आहेत. आशा आहे की ह्या ब्लॉगचा तुम्हाला पण उपयोग होईल आणि नवीन पदार्थ बनविण्याचे प्रोत्साहन मिळेल.

मटार पॅटिस

Read English Version

सकाळच्या नाष्ट्यासाठी झटपट आणि चटपट पदार्थ बनवण्यासाठी मी हे पॅटिस बनवले.

साहित्य
१ वाटी मटार
४ बटाटे
२ चमचा कॉर्न फ्लौर
१/४ चमचा लसूण पेस्ट
चिमुटभर आले पेस्ट
चिमुटभर हळद
१/४ चमचा तिखट
१/२ लिंबू
मीठ
तेल

कृती

बटाटे उकडून थंड झाल्यावर किसून घेणे.
त्यात कॉर्न फ्लौर घालुन मळणे. त्याला थोडे तेल लावणे व बाजूला ठेवणे.
मटार उकळवून त्यातले पाणी काढून टाकणे.
त्यात हळद, आले पेस्ट, लसूण पेस्ट, तिखट, लिंबाचा रस आणि मीठ घालुन एकत्र करणे.
लिंबाच्या आकाराचा बटाट्याचा गोळा करून त्याची वाटी करणे व त्यात चमचाभर मटारचे मिश्रण घालुन बंद करणे. अलगद दाबून पसरट पॅटिस बनवणे
तेलात मध्यम आचेवर तव्यावर भाजणे.

टीप
मटार पॅटिस तळताना तेल एकदम गरम असले पाहिजे नाहीतर बटाट्याचे मिश्रण तव्याला चिकटते
तव्याच्या ऎवजी कढईत पण टाळता येईल

0 comments:

Subscribe to: Post Comments (Atom)

© माझे स्वयंपाक प्रयोग | Template Recipes by Emporium Digital