मिश्र थरांची जेली

Read English Version

अजॉय आणि मला दोघांनाही जेली फार आवडते. कधी कधी आम्ही दररोजपण बनवायचो. गरमीच्या दिवसात थंडगार मस्त वाटायचे. मागच्या आठवड्यात मला थर देण्याची इच्छा झाली. तेंव्हा मी एका मोठ्या भांड्यात जेली बनवलेली आणि फोटो पण काढला नव्हता. काल मी पुन्हा तशी जेली बनवली आणि आईस्क्रीमच्या भांड्यात लावली. एकदम सुंदर दिसणारी आणि चविष्ठ डीश


साहित्य
१ चेरी फ्लेवरचे जेली मिक्स
१ अननस फ्लेवरचे जेली मिक्स
१ लिटर पाणी

कृती

• अर्धा लिटर पाणी गरम करून त्यात चेरी फ्लेवरचे मिक्स एकत्र करणे.
• आईसक्रीमच्या भांड्यात अर्ध्या लेव्हलचे भांड्यात चेरीचे मिश्रण घालणे व सेट होण्यासाठी बाजूला ठेवणे.
• उरलेले पाणी उकळवणे व त्यात अननसाच्या जेलीचे मिश्रण घालणे.
• आधी चेरीचे मिश्रण घातलेल्या भांड्यात अननसाच्या जेलीचे मिश्रण ओतणे व पूर्ण भरणे.
• जेली सेट झाली की फ्रीजमध्ये थंड करणे व भांड्यातच खायला देणे किंवा बाहेर काढून कापून देणे.

टीप
चेरीची जेली पूर्ण सेट झाल्यावरच अननसाची जेली ओतणे.
तसेच अननसाची जेली मिश्रण ओतताना चेरीची जेली निघून येण्याची शक्यता असते त्यामुळे अगदी सावकाश आणि अलगद ओतणे.
आधी मी स्ट्रोबेरी आणि संत्र्याची जेली एकत्र केलेली पण माझ्या मते चेरी आणि अननस एकत्र जास्त चांगले दिसतात व लागतात.
मी विकीफिल्ड जेली मिश्रण वापरून जेली बनवलेली. दुसऱ्या कंपनीचे मिश्रण वापरल्यास त्यांच्या सुचनेप्रमाणे जेली बनवणे.