वांग्याचे मसालेदार भरीत

Read English Version

ह्या आधी मी झटपट भरीतची कृती दिलेली आहे. हे त्यापेक्षा एकदम वेगळे लागते आणि ह्याला साधारण हॉटेलच्या भरीताची चव आहे


साहित्य
२ मोठी वांगी
२ टोमाटो
१ कांदा
३-४ लसूण पाकळ्या
१/४ चमचा लसूण पेस्ट
१/४ चमचा हळद
१ चमचा तिखट
१/४ चमचा गरम मसाला
१/४ चमचा धने पूड
चिमुटभर जिरे पूड
मीठ
तेल

कृती

• वांगी भाजून थंड करणे. त्यांची साले काढून कुस्करून बाजूला ठेवणे.
• कढईत तेल गरम करून त्यात कांदा भाजणे.
• त्यात लसुणाच्या पाकळ्या, लसूण पेस्ट, हळद, तिखट, गरम मसाला, धने पूड आणि जिरे पूड घालुन एकत्र करणे.
• त्यात बारीक चिरलेला टोमाटो घालुन शिजेपर्यंत ढवळणे.
• त्यात कुस्करलेले वांगे आणि मीठ घालुन एक-दोन मिनिट शिजवणे.

टीप
हे भरीत आंबट मसालेदार आहे, लसूण आणि त्याच्या पेस्ट मुळे एकदम वेगळी चव येते.