भरलेला पालक पराठा

Read English Version

अजॉयला पालक तोंड वाकड न करता खायला लावायचा हा अजून एक प्रयत्न ;-) खर सांगायचं तर तो तोंड वाकड तर नाही करत, मी आहे जी तोंड वाकड करते. पराठा बनवण्यासाठी थोडा वेगळेपणा म्हणून मी आतमध्ये घालायला मिश्रण बनवले.


साहित्य
३ वाटी गव्हाचे पीठ
६ वाटी पालक
२ बटाटे
१/२ चमचा जीरा
१/४ चमचा म्हवरी
चिमुटभर हिंग
१ चमचा तिखट
१/२ चमचा गरम मसाला
मीठ
तेल
तूप

कृती

• परातीत गव्हाचे पीठ, चमचाभर तेल, मीठ घालुन मऊसर भिजवणे. ३०-४० मिनिट भिजण्यासाठी ठेवून देणे.
• बटाटे कुकरमध्ये उकडून घेणे
• कढईत चमचाभर तेल गरम करून त्यात जीरा व म्हवरीची फोडणी करणे व हिंग टाकणे.
• त्यात पालक घालुन शिजवणे.
• पालकाला पाणी सुटले की त्यात तिखट, गरम मसाला आणि मीठ घालणे व सारखे ढवळत पूर्ण सुकेपर्यंत शिजवणे.
• मिक्सरमध्ये पालकाचे मिश्रण वाटून घेणे व कुस्करलेल्या बटाट्यात घालणे व लिंबाच्या आकाराचे गोळे करणे.
• पीठाचे सुद्धा गोळे करून त्यांना वाटीचा आकार देणे व त्यात बटाटा-पालक मिश्रणाचा गोळा घालुन बंद करणे.
• पराठा लाटणे व मध्यम आचेवर तव्यावर दोन्ही बाजूनी गुलाबी होईपर्यंत तेल सोडून भाजून घेणे
• पूर्ण शिजल्यावर तूप पसरवून दही आणि/किंवा लोणच्या बरोबर खायला देणे

टीप
मला मसाला किंवा कोथिंबीर वापरायची नव्हती त्यामुळे मी बटाटा वापरला. त्यानी पालकाची तीव्रता कमी झाली