भरलेला पालक पराठा


अजॉयला पालक तोंड वाकड न करता खायला लावायचा हा अजून एक प्रयत्न ;-) खर सांगायचं तर तो तोंड वाकड तर नाही करत, मी आहे जी तोंड वाकड करते. पराठा बनवण्यासाठी थोडा वेगळेपणा म्हणून मी आतमध्ये घालायला मिश्रण बनवले.

भरलेला पालक पराठा
साहित्य
३ वाटी गव्हाचे पीठ
६ वाटी पालक
२ बटाटे
१/२ चमचा जीरा
१/४ चमचा म्हवरी
चिमुटभर हिंग
१ चमचा तिखट
१/२ चमचा गरम मसाला
मीठ
तेल
तूप

कृती
  • परातीत गव्हाचे पीठ, चमचाभर तेल, मीठ घालुन मऊसर भिजवणे. ३०-४० मिनिट भिजण्यासाठी ठेवून देणे.
  • बटाटे कुकरमध्ये उकडून घेणे
  • कढईत चमचाभर तेल गरम करून त्यात जीरा व म्हवरीची फोडणी करणे व हिंग टाकणे.
  • त्यात पालक घालुन शिजवणे.
  • पालकाला पाणी सुटले की त्यात तिखट, गरम मसाला आणि मीठ घालणे व सारखे ढवळत पूर्ण सुकेपर्यंत शिजवणे.
  • मिक्सरमध्ये पालकाचे मिश्रण वाटून घेणे व कुस्करलेल्या बटाट्यात घालणे व लिंबाच्या आकाराचे गोळे करणे.
  • पीठाचे सुद्धा गोळे करून त्यांना वाटीचा आकार देणे व त्यात बटाटा-पालक मिश्रणाचा गोळा घालुन बंद करणे.
  • पराठा लाटणे व मध्यम आचेवर तव्यावर दोन्ही बाजूनी गुलाबी होईपर्यंत तेल सोडून भाजून घेणे
  • पूर्ण शिजल्यावर तूप पसरवून दही आणि/किंवा लोणच्या बरोबर खायला देणे

टीप
मला मसाला किंवा कोथिंबीर वापरायची नव्हती त्यामुळे मी बटाटा वापरला. त्यानी पालकाची तीव्रता कमी झाली

0 comments:

Related Posts Plugin for WordPress, Blogger...

  © माझे स्वयंपाक प्रयोग | Template Recipes by Emporium Digital

TOP