कांदा भजी

Read English Version

मी ह्या प्रकारची भजी खूप कमी वेळा बनवते कारण मला खेकडा पद्धतीची भजी फार आवडते पण मागच्या आठवड्यात ह्या प्रकारची भजी खावीशी वाटली म्हणून बनवलेली.


साहित्य
२ कांदे
१/२ वाटी बेसन
१/४ वाटी कोथिंबीर
१ चमचा तिखट
१/४ चमचा हळद
१/२ चमचा धने पूड
१/४ चमचा जिरे पूड
मीठ
तेल

कृती

• कांदा बारीक चिरून त्यात मीठ घालणे व ५-१० मिनिट बाजूला ठेवणे.
• त्यात बेसन, कोथिंबीर पाने, तिखट, हळद, धने पूड, जिरे पूड घालुन चांगले एकत्र करणे व पेस्ट बनवणे. लागल्यास थोडेसे पाणी घालणे.
• कढईत तेल गरम करून त्यातले एक चमचाभर तेल पिठात घालणे व ढवळणे.
• छोट्या छोट्या आकाराचे भजी तेलात टाकून गुलाबी रंगावर तळणे.

टीप
मी नेहमी कांद्याला मीठ लावून बाजूला ठेवते त्यामुळे त्याला सुटलेले पाणी भजीचे पीठ भिजवायला वापरता येते व पीठ नंतर पातळ होत नाही.
मी पिठात गरम तेल घातल्यानी सोडा वापरावा लागला नाही व तरीसुद्धा चांगली खुसखुशीत झालेली