कांदा भजी


मी ह्या प्रकारची भजी खूप कमी वेळा बनवते कारण मला खेकडा पद्धतीची भजी फार आवडते पण मागच्या आठवड्यात ह्या प्रकारची भजी खावीशी वाटली म्हणून बनवलेली.

कांदा भजी
साहित्य
२ कांदे
१/२ वाटी बेसन
१/४ वाटी कोथिंबीर
१ चमचा तिखट
१/४ चमचा हळद
१/२ चमचा धने पूड
१/४ चमचा जिरे पूड
मीठ
तेल

कृती
  • कांदा बारीक चिरून त्यात मीठ घालणे व ५-१० मिनिट बाजूला ठेवणे.
  • त्यात बेसन, कोथिंबीर पाने, तिखट, हळद, धने पूड, जिरे पूड घालुन चांगले एकत्र करणे व पेस्ट बनवणे. लागल्यास थोडेसे पाणी घालणे.
  • कढईत तेल गरम करून त्यातले एक चमचाभर तेल पिठात घालणे व ढवळणे.
  • छोट्या छोट्या आकाराचे भजी तेलात टाकून गुलाबी रंगावर तळणे.

टीप
मी नेहमी कांद्याला मीठ लावून बाजूला ठेवते त्यामुळे त्याला सुटलेले पाणी भजीचे पीठ भिजवायला वापरता येते व पीठ नंतर पातळ होत नाही.
मी पिठात गरम तेल घातल्यानी सोडा वापरावा लागला नाही व तरीसुद्धा चांगली खुसखुशीत झालेली

0 comments:

Related Posts Plugin for WordPress, Blogger...

  © माझे स्वयंपाक प्रयोग | Template Recipes by Emporium Digital

TOP