मनगणे

Read English Version

लहानपणी मला हा पदार्थ खूप आवडायचा, इतका की आई दर शनिवारी दुपारच्या जेवणात बनवायची आणि मी त्याची वाट बघायचे. आईची हि पाककृती मी थोडीशी बदलून वापरली आहे.


साहित्य
१ वाटी हरबरा डाळ
३/४ वाटी गुळ
१/२ वाटी काजू
१/२ वाटी मनुका
३ वाटी दुध
चिमुटभर वेलची पूड
मीठ

कृती

• हरबरा डाळ १.५ वाटी पाणी घालुन ४-५ शिट्ट्या येईपर्यंत कुकरमध्ये शिजवून घेणे.
• त्यात गुळ, काजू, मनुका, वेलची पूड आणि मीठ घालुन मध्यम आचेवर ५ मिनिट उकळवणे व नंतर थंड होण्यासाठी बाजूला ठेवून देणे.
• त्यात दुध घालुन वाढणे.

टीप
सगळ्यात सोप्पी डीश आहे नाही :) चव गुळ, डाळ आणि सुक्यामेव्यानी येते.
नेहमीच्या दुधाऎवजी नारळाचे दुध वापरता येईल पण आई दुध वापरते म्हणून मी पण तेच वापरले.