खिमा अंडी मसाला

Read English Version

आमच्या तात्पुरत्या राहण्याच्या घरातून, भाड्याच्या घरात जायच्या आधी माझ्याकडे बरेच खाण्याचे सामान उरलेले. आणि खूप सारे सामान हलवायचे नसल्यानी काहीतरी बनवण्याच्या प्रयत्नातून हि पाककृती तयार झाली.


साहित्य
४५० ग्राम खिमा
४ टोमाटो
२ कांदे
३ अंडी
१ चमचा गरम मसाला
१.५ चमचा तिखट
१ चमचा हळद
१/४ चमचा मिरे पूड
२-३ दालचिनी
१/४ चमचा लसूण पेस्ट
१/४ चमचा आले पेस्ट
१/२ चमचा धने पूड
चिमुटभर जिरे पूड
कोथिंबीर
मीठ
तेल

कृती

• अंडी उकडून घेणे व बाजूला ठेवणे.
• कढईत तेल गरम करणे व त्यात खिमा घुवून घालणे व गुलाबी रंगावर तेल सुटेपर्यंत भाजणे व बाजूला ठेवणे.
• त्याच तेलात मिरे पूड, दालचिनी घालुन गुलाबी रंगावर भाजणे.
• त्यात बारीक चिरलेला कांदा, लसूण पेस्ट, आले पेस्ट घालुन भाजणे.
• हळद, १ चमचा तिखट, गरम मसाला, धने पूड आणि जिरे पूड घालुन एकत्र करणे व २-३ मिनिट भाजणे व नंतर थंड करणे.
• मिश्रण मिक्सरमध्ये घालुन बारीक वाटणे.
• कढईत चमचाभर तेल घालुन वाटलेले मिश्रण, बारीक चिरलेला टोमाटो घालुन शिजवणे.
• त्यात १/४ वाटी पाणी, मीठ आणि भाजलेला खिमा घालुन पूर्ण शिजेपर्यंत व सुकेपर्यंत शिजवणे
• अंडी किसने व त्यात हळद, तिखट आणि मीठ घालुन एकत्र करणे.
• खिमा वाढताना त्यावर वरील अंड्याचे मिश्रण व बारीक चिरलेली कोथिंबीर घालुन खायला देणे.

टीप
किसलेल्या अंड्यांच्याऎवजी चीज किवा पनीरपण वापरता येईल.