झीब्रा केक

Read English Version

साधारण एका वर्षापूर्वी ऑफिसमध्ये एकानी चेक बॉक्स केक बनवलाय असा मेल आलेलं. मेल मध्ये कसे बनवलंय वगैरे बरच काही लिहिलेलं पण मला इतके भांडे किंवा कार्डबोर्ड नव्हता वापरायचा त्यामुळे मग मी हा एकदम प्रसिद्ध झीब्रा केक बनवला.


साहित्य
३ वाटी मैदा
२ वाटी साखर
४ अंडी
२ वाटी दुध
२ वाटी तेल
१ चमचा व्हॅनिला ईसेन्स
८ चमचा कोको पूड
४ चमचे बेकिंग पूड

कृती

• एका भांड्यात अंडी आणि साखर घालुन फेटून घेणे.
• त्यात दुध आणि तेल २ चमचे प्रत्येकातून बाजूला ठेवून उरलेले घालुन फेटणे.
• मैदा चाळून मिश्रणात थोडा थोडा घालत फेटणे.
• त्यात व्हॅनिला ईसेन्स आणि बेकिंग पूड घालुन फेटणे
• दुसऱ्या भांड्यात ४.५ वाटी मिश्रण काढून घेणे व त्यात कोको पूड घालुन फेटणे.
• कोको पूड घातलेल्या मिश्रणात उरलेले दुध अंड तेल (२ चमचा प्रत्येकी) घालुन फेटून घेणे.
• ओव्हन ३५०F/१८०C वर गरम करणे.
• भांड्याला लोणी लावून घेणे.
• १/४ वाटी पांढरे पीठ भांड्याच्या मध्ये ओतणे. मग १/४ वाटी कोकोचे मिश्रण मध्ये ओतावे. असे एकदा पांढरे व एकदा कोको मिश्रण घालत भांडे अर्धे भरेपर्यंत करणे. दुसऱ्या भांड्यात पुन्हा तसेच करणे.
• ओव्हनमध्ये ३५०F/१८०C वर ४० मिनिट भाजणे.

टीप
जर दोन भांड्याच्याऎवजी एका भांड्यात केक बनवायचा असेल तर १/२ वाटी एकावेळी पीठ ओतणे म्हणजे पट्टे एकदम चांगल्या आकाराचे येतील.

पीनट सॉस

Read English Version

चिकन सातेबरोबर एकदम महत्वाचा डीप. मला हा बनवायलाच लागला कारण अजॉयला तो इतका आवडतो की तो कधी कधी चाईनीज हॉटेलमध्येपण हा सॉस मागतो.


साहित्य
१ वाटी शेंगदाणे
२ चमचा ब्रावून शुगर
१/४ चमचा तिखट
२ चमचा सोया सॉस
१ चमचा तेल
१ लसूण पाकळी
२ चमचे लिंबाचा रस
मीठ

कृती

• शेंगदाणे भाजून घेणे व थंड करणे.
• शेंगदाणे, ब्रावून शुगर, तिखट, सोया सॉस, तेल, लसूण, लिंबाचा रस आणि मीठ घालुन मिक्सर मह्ये बारीक वाटणे.
• त्यात अर्धा वाटी पाणी घालुन सॉस बारीक वाटून घेणे.

टीप
मी दुप्पट तिखट वापरलेले पण त्यामुळे खूप जास्त तिखट झालेले म्हणून मी १/४ चमचा तिखट दिले आहे. तुमच्या चवीनुसार जास्त तिखट वापरता येईल

चिकन साते

Read English Version

चिकन साते हि माझी थाई प्रकारची एकदम आवडती डीश. ह्या आधी जेव्हा बनवलेला तेंव्हा फोटो काढायच्या आधीच संपून गेलेले. त्यामुळे ह्यावेळी पहिल्यांदाच फोटो काढून घेतला.


साहित्य
४०० ग्राम बोनलेस चिकन ब्रेस्ट
१ चमचा ब्रावून शुगर
२ लसुणाच्या पाकळ्या
१ चमचा धने पूड
१ चमचा जिरे पूड
१/४ चमचा हळद
१ चमचा मिरे पूड
२ चमचे तेल
२ चमचे सोया सॉस
२ चमचे लिंबाचा रस
१/२ वाटी दुध
मीठ

कृती

• चिकन ब्रेस्टचे पातळ आयताकृती तुकडे करणे.
• त्याला ब्रावून शुगर, लसुणाच्या पाकळ्या, धने पूड, जिरे पूड, हळद, मिरे पूड, तेल, सोया सॉस, लिंबाचा रस आणि मीठ लावून घेणे.फ्रीजमध्ये ४ तास ठेवणे.
• प्रत्येक चिकनची पट्टीमध्ये काडी घालणे. प्रत्येक काडीला २ चिकनच्या पट्ट्या लावणे.
• चिकनला थोड्या दुधामध्ये भिजवून घेणे.
• नॉनस्टिक तवा गरम करून त्यावर चिकन मध्यम आचेवर, प्रत्येक २-३ मिनिटांनी परतून, पूर्ण शिजेपर्यंत भाजणे

टीप
मी बऱ्याच पाककृतीमध्ये फिश सॉस घालावे असे वाचले पण थोडे फार वाचल्यावर कळले की ते खारट पाण्यासारखे असते आणि बऱ्याच वेळी मीठाऐवजी वापरले जाते. त्यामुळे फिश सॉसच्याऎवजी नेहमीचे मीठ वापरले.

चिली कोळंबी

Read English Version

आज मला कोळंबीचे काहीतरी लवकर बनणारे पण नेहमीच्या कोळंबी मसाल्यापेक्षा वेगळे काहीतरी बनवायचे होते. आणि मी हा पदार्थ बनवला.


साहित्य
३०० ग्राम कोळंबी
१ चमचा लसूण पेस्ट
१ कांदा
४ हिरव्या मिरच्या
४ चमचे सोया सॉस
२ चमचे टोमाटो सॉस
२ चमचे कॉर्न फ्लौर
मीठ
तेल

कृती

• कोळंबीला लसूण पेस्ट आणि मीठ लावून ठेवणे.
• तेलात तव्यावर कोळंबी १ मिनिट भाजून घेणे.
• त्याच तेलात उभ्या कापलेल्या मिरच्या, कांदा घालुन सारखे ढवळत शिजवणे.
• त्यात सोया सॉस, टोमाटो सॉस घालुन अजून २ मिनिट शिजवणे.
• कोळंबी घालुन अजून एक मिनिट शिजवणे.
• एका वाटी कॉर्न फ्लौर आणि २ वाटी पाणी घालणे व एकत्र करणे. कोळंबीमध्ये घालुन ३-४ मिनिट शिजवणे.

टीप
माझ्याकडे कांद्याची पात नव्हती त्यामुळे मी तो घातला नाही पण वरून त्याचे पाने कापून घातले तर अजून चांगले वाटेल.