अननसाचा मुरंबा

Read English Version

मागच्या महिन्यात आम्ही एक मोठा अननस आणलेला. मला आईचा मुरंबा आठवला. लगेच आईला फोन केला आणि तेंव्हा कळले की बनवायला किती सोप्पा आहे ते. मी त्याच रात्री बनवून टाकला.


साहित्य
५ वाटी अननस
३ वाटी पाणी
१.५ वाटी साखर

कृती

• अननस पाण्यात बुडेल इतके पाणी घालुन मध्यम आचेवर झाकण लावून शिजवावा.
• अननस गाळून पाणी वेगळे करणे.
• त्याच पाण्यात साखर घालुन उकळी आणणे. मध्यम आचेवर सारखे ढवळत एक तारी पाक बनवणे.
• त्यात शिजवलेला अननस घालुन अजून एकदा उकळी आणणे.
• थंड करून फ्रीजमध्ये ठेवणे.

टीप
मुरंबा फ्रीजमध्ये ठेवावा म्हणजे थोडे महिने चांगला राहतो.
चपाती किंवा पराठ्याबरोबर एकदम छान लागतो
मला फार जास्त पाक आवडत नाही त्यामुळे वरच्या प्रमाणात कमी गोड व कमी पाक होतो. त्यात अजून १ वाटी पाणी आणि अर्धा वाटी साखर घालुन जास्त पाक बनवता येईल.

आलू गोबी

Read English Version

अजॉयला फ्लॉवर फार आवडतो मग आज काहीतरी वेगळा प्रकार म्हणून मी हि भाजी बनवली


साहित्य
२ बटाटे
१ फ्लॉवर
१/२ चमचा म्हवरी
१ चमचा जीरा
१ चमचा जिरे पूड
१ चमचा धने पूड
१ चमचा तिखट
१/२ चमचा गरम मसाला
१/४ चमचा हळद
१/४ चमचा पिठी साखर
कोथिंबीर
मीठ
तेल

कृती

• बटाट्याची साले काढून त्याचे तुकडे करणे.
• फ्लोवारचे मध्यम आकाराचे तुकडे करणे.
• कढईत तेल गरम करून त्यात जिरे व म्हवरीची फोडणी करणे.
• त्यात बटाटा आणि फ्लॉवर घालुन मध्यम आचेवर सारखे ढवळत शिजवणे.
• शिजण्यासाठी ५ मिनिट राहिली असताना त्यात हळद घालणे
• पूर्ण शिजल्यावर त्यात धने पूड, जिरे पूड, तिखट, गरम मसाला, पिठी साखर आणि मीठ घालुन ढवळणे.
• वरून बारीक चिरलेली कोथिंबीर पसरवणे.

टीप
एकदम साधा आणि सोपा प्रकार चवीला टोमाटोच्या फ्लॉवरपेक्षा एकदम मस्त लागतो. भाजी सुकी असल्यानी फुलके किंवा पराथ्यांबरोबरच चांगली लागते.

कुरकुरीत इंडिअन हॅश ब्राऊन

Read English Version

मी २-३ आठवड्यांपूर्वी हे बनवलेले पण आज पोस्ट करत आहे. एकदम कुरकुरीत आणि चाविस्था पदार्थ


साहित्य
२ बटाटे
१ हिरवी मिरची
१/४ वाटी पिकल्ड काकडी
चिमुटभर मिरे पूड
मीठ
तूप

कृती

• बटाटे किसून पाण्यात चांगले धुवून घेणे.
• पाणी निथळवून पेपर वर सुकण्यासाठी पसरवणे.
• सुकवलेला बटाटा कीस, हिरव्या मिरच्या, पिकल्ड काकडी, मिरे पूड आणि मीठ सगळे एकत्र करणे.
• तवा गरम करून त्यावर तूप सोडणे.
• बटाटा तव्यावर पातळ पसरवणे.
• मध्यम आचेवर दोन्ही बाजूनी गुलाबी होईपर्यंत भाजणे.

टीप
मी मध्यम किसणीवर बटाटे किसले आणि त्यामुळे एकदम छान कुरकुरीत हॅश ब्राऊन झाले. जर जाड किसले तर कुरकुरीत होणे मुश्कील आहे.
हिरव्या मिरचीमुळे एकदम छान तिखट चव येते.

भेळ

Read English Version

भेळ हा माझा आवडीचा चटपट पदार्थ. खासकरून पिकनिकसाठी. लवकर बनणारा सोपा आणि चविष्ठ पदार्थ.


साहित्य
६ वाटी चुरमुरे
२ वाटी फरसाण
१ वाटी शेव
१ वाटी बुंदी
१ वाटी नवरत्न मिश्रण
१.५ वाटी चिंच
२ वाटी गुळ
२ हिरवी मिरची
१ चमचा तिखट
१/२ चमचा जिरे पूड
४-५ खजूर
२ कांदे
२ टोमाटो
१/२ वाटी कोथिंबीर
मीठ

कृती

• चिंच आणि खजूर पाण्यात एक तास भिजवणे.
• भिजलेले चिंच खजूर, गुळ, तिखट, हिरवी मिरची, जिरे पूड आणि मीठ घालुन मिक्सरमध्ये वाटणे.
• मिश्रण गाळून घेणे.
• एका भांड्यात चुरमुर, फरसाण, शेव, नवरत्न मिश्रण, चिरलेला कांदा, टोमाटो आणि कोथिंबीर एकत्र करणे.
• त्यात चिंचेचे मिश्रण घालुन चांगले ढवळणे.
• वरून बुंदी आणि शेव घालुन खायला देणे.

टीप
कैरीच्या दिवसात बारीक चिरून कैरीपण घालता येईल
मी नेहमी चिंचेचे थोडे पाणी वेगळे ठेवते त्यामुळे प्रत्येकाच्या चवीनुसार ते वरून थोडे घेऊ शकतात
सगळे चिरून ठेवल्यास फक्त एकत्र करण्याचे काम राहते, पार्टी आणि पिकनिकसाठी एकदम उत्तम