पनीर बर्गर


पनीरच काहीतरी वेगळ बनवायचा विचारात पहिल्यांदा पिझ्झा ठरलेला पण मग बाहेर जायचं असल्यानी तो बेत रद्द केला. शेवटी बर्गर बनवला.


साहित्य
८ बर्गरचे पाव
८ चीज स्लाईस
४०० ग्राम पनीर
१ वाटी मैदा
२ बटाटे
१ चमचा आले
३-४ लसूण पाकळ्या
३-४ हिरव्या मिरच्या
१ चमचा मिरे पूड
मुठभर कोथिंबीर
१ कांदा
१ टोमाटो
१ वाटी लेट्युस
मीठ
तेल

कृती
  • पनीरचे चौकोनी तुकडे करून तव्यावर थोडे तेल घालुन गुलाबी रंगावर भाजून घेणे.
  • कुकरमध्ये बटाटे उकडून घेणे.
  • आले, लसूण, हिरवी मिरची मिक्सर मध्ये बारीक वाटून घेणे
  • परातीत कुस्करलेले बटाटे, आले-लसूण-मिरचीचे वाटण, मिरे पूड, बारीक चिरलेली कोथिंबीर आणि मीठ एकत्र करणे.
  • त्यात पनीरचे तुकडे घालणे व मिश्रणाचे टिक्की बनवणे.
  • मैदा आणि पाणी एकत्र करून पातळ पीठ बनवणे. ह्या पिठात टिक्की बुडवून तेलात मध्यम आचेवर गुलाबी होईपर्यंत तळणे.
  • बर्गरच्या पावावर टोमाटो, कांदा आणि चीज यांचा तुकडे रचणे. त्यावर टिक्की आणि लेट्युस घालुन बर्गर बंद करणे व खायला देणे.

टीप
मी ह्यात मेयो किंवा टोमाटो सॉस न वापरता बाजूला दिला त्यामुळे इंडिअन मसालेदार चव तशीच राहिली

0 comments:

Related Posts Plugin for WordPress, Blogger...

  © माझे स्वयंपाक प्रयोग | Template Recipes by Emporium Digital

TOP