मोल्टन लाव्हा केक


बरेच दिवसांपूर्वी मी ह्या केक विषयी वाचले होते आणि त्याचा कॉन्सेप्ट मला फार आवडला. मग मी ह्याची पाककृती शोधल्यावर कळले की हि सगळ्यात सोप्पी आणि पटकन तयार होणारी पाककृती आहे. पण माझ्याकडे ते बनवण्यासाठी रामेकिंस किंव्हा पेपर कप नसल्यानी बरेच दिवस केक बनवण्याचे मनातच राहून गेले. पण आज मी रामेकिंस विकत आणले आणि केक बनविले. एकदम हीट ठरलाय हा केक.

मोल्टन लाव्हा केक
साहित्य
१ वाटी मैदा
१.२५ वाटी सेमीस्वीट चॉकोचिप्स
१ वाटी लोणी
५ चमचे कोको पूड
३ अंडे
३ अंड्यांचे पिवळे
२ वाटी साखर

कृती
  • रामेकिंसना लोण्याचा हात लावून बाजूला ठेवणे.
  • ओव्हन ४५०F/२३०C वर गरम करणे.
  • मायक्रोवेव्हमध्ये लोणी आणि चॉकोचिप्स एकत्र करून १ मिनिट गरम करणे.
  • लोणी आणि चॉकोचिप्स नीट ढवळणे आणि एकजीव करणे आणि बाजूला ठेवणे.
  • अंडी आणि अंड्याचे पिवळे एकत्र फेसून घेणे.
  • त्यात साखर घालुन पांढरे होईपर्यंत पुन्हा फेटणे.
  • त्यात वितळवलेले चॉकलेट - लोणी मिश्रण घालुन पुन्हा फेटणे
  • मैदा आणि कोको पूड चाळून घेणे व वर बनवलेल्या मिश्रणात डाव घालुन हलकेच ढवळून घेणे.
  • बनवलेले मिश्रण ६ रामेकिंसमध्ये घालणे,
  • रामेकिंसना बेकिंग ट्रेमध्ये ठेवून ते ओव्हन मध्ये ४५०F/२३०C वर १३ मिनिट भाजणे.
  • ओव्हन मधून लगेच काढून बशीत उलटे करून खायला देणे

टीप
रामेकिंसऎवजी पेपर कप मफीन पॅनमध्ये ठेवून पण भाजू शकतो पण त्यासाठी थोडे उंच पेपर कप वापरणे म्हणजे त्याला धरून केक ला उचलून उलटे करणे सोपे जाईल
केकला उलटे करण्यासाठी रामेकीन एका बशीत ठेवणे व रामेकिंवर एक बशी ठेवणे व दोन्ही बश्याना धरून उलटे करणे. रामेकिंस खूप गरम असल्यानी बश्यांची फार मदत होते.

2 comments:

  1. I LIKE YOUR ALL RACIPE . THANKY YOU . YOU SHARE ALL RACIPE THIS IS GOOD & BEST & BEST RACIPE


  2. @anjali
    Thank you and you are welcome. Hope you like the cake.


Related Posts Plugin for WordPress, Blogger...

  © माझे स्वयंपाक प्रयोग | Template Recipes by Emporium Digital

TOP