गाजराचा पराठा


आज काहीतरी सोप्पे पण नवीन रात्रीच्या जेवणात बनवायचे होते. पराठा बनवण्याचे ठरवले पण नेहमीचा न करता काहीतरी वेगळा बनवण्याच्या विचारांनी मी हा पराठा बनवला.

गाजराचा पराठा
साहित्य
१.५ बटाटा
२ वाटी किसलेले गाजर
२.५ वाटी गव्हाचे पीठ
१ चमचा तिखट
३/४ चमचा धने पूड
१/४ चमचा ओवा
१/२ लिंबू
मीठ
तेल
तूप

कृती
  • गव्हाचे पीठ, मीठ आणि २ चमचे तेल घालुन एकत्र करणे.
  • पाणी घालुन पीठ भिजवणे आणि तेलाचा हात लावून अर्धा ते एक तास भिजायला ठेवून देणे.
  • बटाटे उकडून थंड करणे.
  • कुस्करलेले बटाटे आणि किसलेले गाजर एकत्र करणे.
  • त्यात तिखट, मीठ, धने पूड, ओवा आणि लिंबाचा रस घालुन एकत्र करणे.
  • पीठाचे लिंबाच्या आकाराचे गोळे करणे. गजराच्या मिश्रणाचे सुद्धा त्याच आकाराचे गोळे करणे.
  • पिठाच्या गोळ्याची वाटी करून त्यात गाजराचा गोळा घालुन बंद करणे.
  • भरलेला पराठा अलगद पणे लाटून, मध्यम आचेवर तव्यावर दोन्ही बाजूनी गुलाबी होईपर्यंत तेल सोडून भाजणे.
  • तूप लावून दही आणि लोणच्याबरोबर वाढणे.

टीप
पूर्णपणे तुपावर भाजण्याऎवजी मला पराठा भाजताना तेलावर भाजून मग एकदम शेवटी थोडेसे तूप सोडायला जास्त आवडतो

0 comments:

Related Posts Plugin for WordPress, Blogger...

  © माझे स्वयंपाक प्रयोग | Template Recipes by Emporium Digital

TOP