मसाला डाळ


हि डाळ मी पुण्यात असताना असाच प्रयोग करताना बनवलेली. छान झाली आणि आई बाबांना एकदम आवडल्यामुळे इथे कृती देत आहे.

मसाला डाळ
साहित्य
३ वाटी तूर डाळ
१ कांदा
१ टोमाटो
६-७ लसूण पाकळ्या
१/४ चमचा म्हवरी
१/४ चमचा जिरे
१ चमचा तिखट
१/४ चमचा हळद
१/२ चमचा जिरे पूड
१/२ चमचा धने पूड
१/४ चमचा गरम मसाला
कोथिंबीर
लोणी
मीठ
तूप

कृती
  • १ वाटी पाणी घालुन डाळ कुकरमध्ये उकडून घेणे.
  • तेल गरम करून त्यात म्हवरी आणि जिरे घालुन फोडणी करणे.
  • त्यात बारीक चिरलेला कांदा, लसूण पाकळ्या घालुन भाजणे.
  • त्यात हळद, तिखट, जिरे पूड, धने पूड आणि गरम मसाला घालुन ढवळणे.
  • त्यात टोमाटो घालुन पूर्ण शिजवणे.
  • त्यात शिजवलेली तूर डाळ, मीठ घालुन चांगले ढवळणे व दोन-तीन मिनिट शिजवणे
  • त्यात बरोबर पातळ होईल इतके पाणी घालुन उकळवणे.
  • वरून कोथिंबीर घालणे व वाटीत वाढल्यावर लोणी घालणे.

टीप
डाळ शिजवताना मी जास्त पाणी घालत नाही त्यामुळे नंतर मसाल्यासकट शिजवताना त्याची चव डाळीत जाते.

0 comments:

Related Posts Plugin for WordPress, Blogger...

  © माझे स्वयंपाक प्रयोग | Template Recipes by Emporium Digital

TOP