कॉर्न चाट


हा पदार्थ मी थोड्या वेगवेगळ्या कृती एका पुस्तकात वाचून बनवला

कॉर्न चाट
साहित्य
१/४ वाटी मैदा
१/४ वाटी रवा
१/२ चमचा दही
चिमुटभर बेकिंग पूड
२ वाटी कॉर्न
२ टोमाटो
२ कांदे
१ लिंबू
१ चमचा आले लसूण पेस्ट
चिमुटभर गरम मसाला
कोथिंबीर
शेव
मीठ
तेल

कृती
  • रवा, मैदा, बेकिंग पूड आणि मीठ एकत्र करणे.
  • दही आणि चमचाभर तेल कोमट करणे.
  • ते मिश्रण रव्यात घालुन त्याचे पीठ भिजवणे.
  • बारीक व पातळ पुऱ्या लाटून तेलात तळणे.
  • तेल गरम करून त्यात १/२ टोमाटो किसून, १/२ कांदा किसून घालणे व शिजवणे.
  • त्यात आले लसूण पेस्ट, गरम मसाला, तिखट आणि मीठ घालुन ढवळणे.
  • त्यात कॉर्न घालुन शिजवणे.
  • कांदा आणि टोमाटो बारीक चिरणे.
  • मध्यम आकाराच्या ताटलीत पुऱ्या पसरवणे, त्यावर कॉर्नचे मिश्रण, बारीक चिरलेला कांदा, टोमाटो पसरवणे.
  • लिंबू पिळणे व त्यावर कोथिंबीर व शेव पसरवून वाढणे.

टीप
ह्यात १/२ चमचा कच्ची कैरी किसून घालता येईल आणि जर घालत असल्यास लिंबाचा रस थोडा कमी वापरणे.
थोडा चाट मसाला पण घालता येईल
रवा-मैद्याचे पीठ भिजवल्यावर मिश्रण मिक्सरमध्ये फिरवता येईल त्यामुळे व गरम दह्यामुळे पुऱ्या एकदम कुरकुरीत बनतील

2 comments:

  1. Hi Sheetal, Kal me he recipe keli hoti Gharatal sagale khush jhale. Navin kahi tari test karayala bhetal mhanun navara pan khush hota.
    Thank You.


  2. Dipali, I am glad you all liked this dish.


Related Posts Plugin for WordPress, Blogger...

  © माझे स्वयंपाक प्रयोग | Template Recipes by Emporium Digital

TOP