मुगाची डाळ


सगळ्या डाळीमध्ये हि डाळ आमच्या जेवणात जास्त असते कारण करायला सोप्पी आणि सगळ्यात आवडीची. आधी कधीच हि कृती पोस्ट करण्याचा विचार आला नाही पण माझ्या वाहिनीच्या काकांनी आमच्या कडे आल्यावर ह्या डाळीचे इतके कौतुक केले की मी हि कृती पोस्ट करण्याचा विचार केला. माझ्या आई बाबांना पण ह्या डाळीची चव आणि वास फार आवडतो

मुगाची डाळ
साहित्य
३/४ वाटी मुंग डाळ
१ कांदा
३ हिरव्या मिरच्या
१/२ चमचा हळद
१/२ चमचा लसूण पेस्ट
१/२ चमचा जिरे
१/२ चमचा म्हवरी
४ चमचा तूप
मीठ

कृती
  • डाळ कुकरमध्ये ४ शिट्ट्या काढून शिजवणे.
  • कढईत तूप गरम करून त्यात जिरे आणि म्हवरीची फोडणी करणे.
  • त्यात कांदा घालुन त्याचा वास जाईपर्यंत शिजवणे.
  • त्यात लसूण पेस्ट, बारीक चिरलेली हिरवी मिरची आणि हळद घालुन १-२ मिनिट परतणे
  • शिजवलेली डाळ घालुन ढवळणे व त्यात थोडे पाणी घालुन उकळी आणणे.

टीप
मी कधी कधी ह्यात सुक्या लाल मिरचीचे तुकडे पण फोडणीत घालते. त्यामुळे डाळ दिसायला एकदम आकर्षक होते आणि चव पण छान येते
वरून कोथिंबीर पण घालता येईल

0 comments:

Related Posts Plugin for WordPress, Blogger...

  © माझे स्वयंपाक प्रयोग | Template Recipes by Emporium Digital

TOP