साबुदाणा खिचडी


साबुदाणा खिचडी हा एक चविष्ठ मराठी पदार्थ. मी खूप वेळा बनवते, नाश्ता जेवण कुठल्याही वेळी एकदम उत्तम.

साबुदाणा खिचडी
साहित्य
१ वाटी साबुदाणा
१ वाटी शेंगाना कुट
१ चमचा साखर
३-४ हिरव्या मिरच्या
३-४ चमचे कोथिंबीर
१ चमचा जीरा
५ चमचे किसलेले खोबरे (इच्छेप्रमाणे)
मीठ चवीनुसार
तूप

कृती
  • साबुदाणा साधारण ३-४ तास १/४ वाटी पाणी घालुन भिजवणे.
  • भिजवलेल्या साबुदाण्यात शेंगदाणा कुट, साखर, मीठ, बारीक चिरलेली मिरची आणि कोथिंबीर घालणे.
  • कढईत तूप गरम करणे.
  • त्यात जीरा घालुन फोडणी करणे व त्यात साबुदाण्याचे मिश्रण घालणे.
  • कढईवर झाकणी ठेवून हलक्या आचेवर शिजवणे. मधून मधून ढवळत राहणे.
  • साधारण ५ मिनिटांनी खिचडी तयार होईल, त्यावर खोबरे घालुन वाढणे.

टीप
खिचडी नेहमी हलक्या आचेवर शिजवणे म्हणजे कडक नाही होणार.
खिचडी नेहमी जाड कढईत करणे, जर नसेल तर कढई तव्यावर ठेवूनपण शिजवू शकते.
आधीच्या साबुदाणा वडा पाककृतीमध्ये लिहिल्याप्रमाणे साबुदाण्यात पाण्याचे प्रमाण महत्वाचे आहे.

0 comments:

Related Posts Plugin for WordPress, Blogger...

  © माझे स्वयंपाक प्रयोग | Template Recipes by Emporium Digital

TOP