कॉर्न आणि कैरी चाट


ही पाककृती मी स्वतः बनवली आहे. :) कैरीला तिखट मीठ लावून हा माझा आवडता पदार्थ. तसाच कॉर्नवरती तिखट, मीठ आणि लिंबू हा पण. त्यामुळे ह्या दोन्ही पदार्थांची प्रेरणा घेऊन मी ही पाककृती बनवली. चविष्ठ.

कॉर्न आणि कैरी चाट
साहित्य
३-४ वाटी ताजे किंव्हा फ्रोझन कॉर्न
१ कैरी
१ चमचा लोणी
तिखट चवीनुसार
मीठ
२ चमचे कोथिंबीरीची पानं (इच्छेनुसार)

कृती
  • कॉर्न कुकरमध्ये उकडून घ्यावेत
  • कैरी किसावी
  • कढईत लोणी विरघळावे
  • त्यात उकडलेले कॉर्न, कैरी, तिखट, मीठ घालुन हलक्या हातानी ढवळणे
  • थोडे कोमट होईपर्यंत आचेवर ठेवावे.
  • कोथिंबीरीची पानं घालुन सजवणे

टीप
हा पदार्थ थोडा मसालेदारच छान लागतो त्यामुळे कंजूसी न करता तिखट घालणे. :)

0 comments:

Related Posts Plugin for WordPress, Blogger...

  © माझे स्वयंपाक प्रयोग | Template Recipes by Emporium Digital

TOP